Kwa hiyo kila mmoja wetu akileta shida zake ili Serikali imsaidie si itakuwa balaa. Huyo Prof. atulie afanye mishe zingine mbona zipo tu, si ndo hao hao wanawaambia vijana wajiajiri ajira hakuna na yeye ajiaji maisha yasonge asituletee upuuzi wake hapa kila kukicha kulalamika.
Mkaruka...
"Upuuzi," "kulalamika," nk.
Lugha ya mtu aliyeghadhibika.
Unapoghadhibika akili inatoweka.
Suala la Prof. Assad linataka akili iliyotulia.
Prof. Assad hajalalamika.
Sikiliza mahojiano kwa utulivu na zingatia hukumu iliyopitishwa na mahkama.
Assad kaulizwa ana walinzi wangapi?
Tafakari jibu lake.
Ulinzi wa maisha yake yalihusika vipi na utekelezaji wa haki ya ukaguzi wa hazina ya nchi?
Haya hukuyasikia katika mahojiano?
Umeyasikia lakini hukuyapenda.
Huna akili ya kutambua vitisho huja baada ya kushindwa njia kubwa ya kushawishi?
Ushahiangaisha akili yako kupita katikati ya mistari kusikiliza kile ambacho Prof. Assad kwa uungwana hakukisema?
Usifanye haraka ya kutaka kunijibu.
Sikiliza mahojiano upya.
Ikiwa umejaaliwa fahamu utaelewa.
Ikiwa uko hivi kwa kuwa wewe ni "slow learner," pia utaelewa.
Kujificha nyuma ya pazia huna akujuae isiwe njia nyepesi ya kutukana na leseni ya kukejeli.
Kasema msemaji ati Prof. Assad anahitaji msaada wa kisaikolojia.
Mwonyeshe mwanasaikolojia kwanza yale yaliyosababisha Prof. Assad kukaidi kisha pili muulize huyu mtaalamu wa akili anaehitaji msaada wa kuwekwa akili yake sawa ni nani?
Elewa pia kutukana halikadhalika kujaribu kutisha watu ni dalili ya tatizo la akili.
