Serikali: Watanzania waliopo Israel na Iran kurejeshwa nchini

Papaa Mobimba said:

Serikali ya Tanzania imesema Watanzania waliopo nchini Israel na Iran wapo salama, kufuatia mataifa hayo kushambuliana kwa makombora kwa muda wa wiki moja sasa.

Aidha, hatua za haraka zimeanza kuchukuliwa ili kuhakikisha raia hao wanarejeshwa Tanzania wakiwa salama.

Kupitia Balozi zake zilizopo katika nchi za Misri, Umoja wa Falme za Kiarabu (ambao unaiwakilisha Tanzania nchini Iran), Kuwait na Israel, Serikali inafanya juhudi za kuwaorodhesha Watanzania waliopo katika nchi hizo. Taarifa ya Wizara ya Mambo ya Nje ya nchi hiypo imeeleza.

Taarifa zilizopo hadi sasa zinaonesha kuwa kuna Watanzania 168 waliopo nchini Iran, wakiwemo wanafunzi 134 katika mji wa Qom na wengine 34 jijini Tehran.

Kwa upande wa Israel, inakadiriwa kuwa kuna zaidi ya Watanzania 200 wakiwemo watumishi wa Ubalozi wa Tanzania, wanafunzi, na wafanyakazi katika taasisi mbalimbali.

Kati yao, Watanzania 50 tayari wamejiandikisha kwa ajili ya kupatiwa msaada wa kurejea nyumbani.

Pamoja na changamoto za kiusalama zilizopo, Serikali inathibitisha kuwa jengo la Ubalozi wa Tanzania nchini Israel halijaathirika na mashambulizi ya hivi karibuni ya Iran.

Wakati mashambulizi hayo yalipotokea, hapakuwa na mtu yeyote ndani ya jengo hilo, na maafisa wa ubalozi pamoja na familia zao wote wapo salama, ilisema taarifa hiyo.

Click to expand...

Papaa Mobimba said:

Kufuatia kuongezeka kwa mvutano wa kijeshi kati ya Iran na Israel, Serikali ya Tanzania imeanza kuchukua hatua madhubuti na za haraka kuhakikisha usalama na urejeo wa Watanzania walioko kwenye mataifa hayo yenye mgogoro.

Hatua hizo zimekuja baada ya kuongezeka kwa mashambulizi ya makombora tangu Juni 13, 2025, hali iliyoleta wasiwasi mkubwa wa kiusalama na kuifanya jumuiya ya kimataifa kuanza kuwaondoa raia wao kutoka maeneo yaliyoathirika.

Kupitia taarifa iliyotolewa na Wizara ya Mambo ya Nje na Ushirikiano wa Afrika Mashariki mnamo Juni 19, 2025, serikali imethibitisha kuwa raia wa Tanzania walioko katika nchi hizo bado wapo salama. Serikali inaendelea kuwaorodhesha Watanzania kupitia ubalozi wake nchini Israel pamoja na balozi za jirani kama zile zilizopo Misri, Kuwait, na Umoja wa Falme za Kiarabu – ambayo pia inaiwakilisha Tanzania nchini Iran.

Kwa mujibu wa takwimu za awali, kuna Watanzania wapatao 168 walioko Iran, ambapo 134 ni wanafunzi wanaosoma katika mji wa Qom na wengine 34 wako Tehran. Kwa upande wa Israel, idadi ya Watanzania inakadiriwa kuwa zaidi ya 200, wakiwemo watumishi wa serikali, wanafunzi na wafanyakazi wa taasisi mbalimbali. Takriban Watanzania 50 tayari wamejisajili kupatiwa msaada wa kurejea nyumbani.

Serikali pia imeeleza kuwa jengo la ubalozi wa Tanzania nchini Israel halijapata madhara kutoka kwenye mashambulizi ya hivi karibuni, na wakati mashambulizi hayo yalipotokea, hakuna aliyekuwepo ndani ya jengo hilo. Maafisa wa ubalozi pamoja na familia zao wapo salama.

Balozi za Tanzania katika U.A.E na Israel zimeendelea kuwasiliana na raia walioko katika maeneo ya hatari, zikiwaelekeza kuchukua tahadhari za kiusalama huku taratibu za kuwasaidia kurudi nyumbani zikiendelea.

Wakati taarifa hii inatolewa, hali ya uhasama kati ya mataifa hayo mawili imezidi kuwa mbaya. Iran ilirusha kombora lililolenga hospitali kubwa kusini mwa Israel na kujeruhi watu kadhaa. Majengo mawili jijini Tel Aviv pia yalishambuliwa, huku Israel ikijibu mashambulizi hayo kwa kulenga mtambo wa nyuklia wa Arak, katika kile kinachotajwa kuwa ni shambulio kubwa zaidi tangu mvutano huo uanze.

Hospitali mbalimbali nchini Israel zimetekeleza mpango wa dharura kwa kuwahamisha wagonjwa hadi maeneo salama, ikiwa ni pamoja na kuweka baadhi ya huduma chini ya ardhi, ili kukabiliana na hatari za mashambulizi.

Waziri Mkuu wa Israel, Benjamin Netanyahu, alilaani mashambulizi hayo na kuapa kulipiza kisasi dhidi ya uongozi wa Iran.

Click to expand...

johnthebaptist said:

USA yuko na Israel ilhali Mrusi yuko na Iran

Je, hatuelekei kwenye vita ya dunia?

Jumaa karim!

Click to expand...