Songea: Baada ya malalamiko ya Wananchi, RC wa Ruvuma afanya ziara kukagua Soko la Bombambili na masoko ya Manzese A

Roving Journalist

JF Roving Journalist
Joined
Apr 18, 2017
Posts
5,352
Reaction score
15,876
Your browser is not able to display this video.
Baada ya Wananchi na Wafanyabiashara kulalamika kuhusu hali duni ya mazingira katika Soko la Bombambili, Mkuu wa Mkoa wa Ruvuma, Brigedia Jenerali Abbas Ahmed Abbas amefanya ziara ya kukagua soko hilo pamoja na masoko ya Manzese A na B yaliyopo Manispaa ya Songea.

Katika ziara hiyo, Mkuu wa Mkoa ameonesha kutoridhishwa na kasi ya utekelezaji wa ujenzi wa masoko ya Manzese A na B pamoja na mazingira yasiyoridhisha ya Soko la Bombambili.

Brigedia Jenerali Abbas amesema ujenzi wa masoko ya Manzese A na B haujaanza licha ya mkandarasi kulipwa Shilingi bilioni 3 kama malipo ya awali, huku mradi huo ukipangwa kuanza Julai 15, 2025 na kukamilika Julai 12, 2026.

Amesema amebaini ujenzi haujaanza na kilichofanyika ni ujenzi wa uzio, kuchelewa kwa kazi kuna mambo yatajitokeza ikiwemo mipango ya Manispaa kutofikiwa na hivyo mapato kupungua mwakani, changamoto ya Wananchi kutopata mahitaji yao, Wafanyabiashara kufanya biashara katika mazingira mabovu.

Kutokana na hali hiyo, amemuagiza mkandarasi kuwasilisha maelezo rasmi kuhusu kuchelewa kwa mradi huo na hatua atakazochukua kuharakisha ujenzi.

Pia soma:
~
Songea: Hali ya Soko la Bombambili si salama, wakati wa mvua hali ni mbaya
~ Mkurugenzi Manispaa ya Songea akabidhi eneo la Mradi wa Ujenzi wa Soko la Sh Bilioni 22.9 - Manzese A na B


Upande wa Soko la Bombambili ameelekeza barabara zinazoingia sokoni zirekebishwe, taka ziondolewe mara moja na usimamizi wa malori uimarishwe ili kulinda miundombinu.

Amesisitiza maagizo hayo yatekelezwe ndani ya wiki moja, akionya kuwa mazingira duni wakati wa mvua yanaweza kusababisha mlipuko wa magonjwa na kuhatarisha afya za Wananchi.
 
Heshima kwako Ndugu!Marekebisho ya kichwa cha habari.Songea sio Mkoa ni Wilaya ndani ya Mkoa wa Ruvuma,hivyo andika RC Ruvuma
 
Cookies are required to use this site. You must accept them to continue using the site. Learn more…