Swali Butu: Mambo haya 4 Magufuli anayafanya tofauti na Marais 3 waliomtangulia! Nani anabisha?

Swali Butu: Mambo haya 4 Magufuli anayafanya tofauti na Marais 3 waliomtangulia! Nani anabisha?

Eti Jiwe anataka kujitegemea!.

Wewe mzee uko out of touch, either umeamua kujitoa ufahamu au hujui kinachoendelea nchini.
Sema tu kuwa Jiwe anapenda slogans, na maneno maneno tu ya mwalimu Nyerere nadhani akilini mwake anadhani kuwa eti yeye ni kama Nyerere, kitu ambacho ni illusion, kiufupi ni kwamba hana charisma, wala intellectual prowess wala leadership skills za mwalimu.

Kujitegemea kupi wakati anapotunga sheria za ajabu ajabu bungeni wananchi tukipiga kelele anaweka pamba masikioni lakini Wazungu wakikohoa anakimbia haraka haraka bungeni kuzibadirisha!. Mfano ni Sheria ya Takwimu

Pili kama ni muwazi basi aanzishe uchunguzi wa Kupotea Be Saanane, na aanzishe uchunguzi wa aliyempiga risasi Lissu na aanzishe uchunguze wa nani alimpoteza Kanguye na aliyemuua kada wa Chadema wa kata ya Hananasif.

By the way, unazungumzia uwazi upi wakati serikali yake imejitoa katika mkataba wa kuendesha nchi kwa uwazi?, au uwazi unaosema wewe ni yale maneno ya kutishatisha watu, kukaripia watu, kuproject mamlaka waziwazi mbele za watu, Je huo ndo uwazi unaousema wewe?
Mtu aliyetunyima bunge live ili tusione serikali yake inavyojibu hoja za wawakilishi bungeni ndo unatwambia ni. muwazi?. Wewe mzee hauko serious!!

Tatu haina maana kama uthubutu wako unavunja sheria za nchi, kwanza ni ujinga kusifu mtu eti ana uthubutu hata kama ni kwa kuvunja sheria. Walioweka sheria siyo wajinga, kuna njia moja tu ya kufanya kama sheria inakuchelewesha kwenye mambo yako, badili sheria ulete nyingine kwanza ndo ufanye mambo yako!
Nilitegemea ukemee hii tabia inayoota mizizi ya kutoheshimu sheria, lakini badala yako wewe unaiona kama a plus, something to cheer, something ya kujitapa

Lakini nikukumbushe tu pia
Mpaka sasa deni la Taifa linazidi kukua, Kasi ya ukopaji ya Jiwe inazidi kasi ya ukopaji ya maraisi watatu waliopita, Kiufupi anatuingiza katika shimo refu la deni la Taifa. Hili ni jambo la kuogofya siyo kusifu.

Mwisho, haina haja ya kusifu mtu kwa kutumia "induction method", bali tuwekee kazi zake hapa tuzichambue moja baada ha nyingine, Usitueleze jinsi chai ilivyo tamu, tupe hiyo chai tuinywe tuone. Nikimasnisha weka kazi za Jiwe moja baada ya nyingine tuifanyie critique, Siyo blah blah.

Mtu anatumia pesa za umma bila kuidhinishwa na bunge kinyume cha sheria kama vile kununua ndege na kulipa korosho ambazo yeye ndo alisababisha tatizo halafu unamsifia uthubutu? - Mzee you are out of your mind.

Mtajitahidi sana kumpamba na kumremba Jiwe Lakini as long as Serikali yake haitaki kuchunguza waliompiga risasi Lissu, waliompoteza Kanguye, Waliompoteza Ben Saanane, Sifa zenu ni kazi bure

[emoji122][emoji122][emoji122][emoji120]
 
MMK......nimemmiss yule wa jambo forum
Nataman urudi tujadili hoja yako sio unaeka mada afu unatokomea
Mbona nipo; weka hoja nikiwa na muda najibu tu; usiwe na shaka. Sijawahi kukimbizwa na hoja au vihoja.
 
Eti taifa kujitegemea khaa,hivi hujui kuwa katika kipindi cha Magufuli deni la taifa limeongezeka mpaka kichefu chefu.
Labda huelewi kabisa dhana ya kujitegemea na dhana ya deni la taifa... nitawaacha wachumi wakusaidie.
 
  • Thanks
Reactions: Dua
Kama Magufuli amekuwa muwazi Hadi kupitikiza basi angetuambia zile trillion 1.5 wapi zilienda
Mbona mlishaambiwa tena hadi CAG aliyestaafu aliulizwa hadharani na akasema "hakuna kitu kama hicho". Sasa kama mtu hataki kuelewa hata umpige na nyundo hatoelewa. Unaweza kumwimbia kwaya na nyimbo za Baba Dangote au Harmonize lakini usije ukadhani ataelewa.
 
Mimi nina maswali mawili kwako MMK
Mosi: dhumuni la mada yako ni kutaka kumsifia? Ndio.mana umesema ule upande unaomkosoa hutaki kuugusia?
Siyo kumsifia; ni kuonesha anafanya vitu fulani tofauti na waliomtangulia na matokeo yake ni chanya kwa taifa. Wapo wengi wanamkosoa na wengi wanafanya kazi nzuri; si lazima wote tujipange mstari wa kukosoa ili kusema "ni wakosoaji".

Pili: hivi haya aliyoyafanya ambayo ww umeyasifia je? Hayakuwa na njia.nzuri ya kufanya na yalete tija ile ile au ni.mpaka kwa mabavu, kashfa na ukali hivi?

Mbona hakuna jambo linalofanywa kwa mabavu, au kashfa? Huo ukali una matatizo gani? Unataka watu wabembelezwe na kupewa peremende; kwamba watu wasikaripiwe au kugombezwa? Kwani hawa watoto wadogo wa kuchekelewa chekelewa. Tumechekeleana sana na kuimbiana "kumbaya".. hizi ni zama nyingine sana. Siombei Tanzania irudi kwa watu wenye kuchekeleana tena!
 
Hapana, nilichojaribu kusema ni kuwa Twiga ni mrefu na ana madoadoa; anapenda kula majani ya juu kabisa... siwezi kumdhania kama ni "mrefu kuliko kitu chochote duniani". Nitakuwa nimejipa uwezo nisiokuwa nao.

Ni kweli hizo ni sifa za twiga, hazibadiliki uziseme au usiseme, uzisifu au usizisifu hazibadliki maana zinajulikana. Sasa ww unazisema ili iwe nini kwa mfano? Ni nani asiyezijua hizo sifa za twiga ambaye anasubiri mpaka wa uziseme? Ndio hapo nikakuambia kuna sifa ya ziada ambayo unataka kumvika huyo twiga ila unataja zile za kweli, kisha unaweka za kwako ambazo unadhani hazifahamiki.
 
Siyo kumsifia; ni kuonesha anafanya vitu fulani tofauti na waliomtangulia na matokeo yake ni chanya kwa taifa. Wapo wengi wanamkosoa na wengi wanafanya kazi nzuri; si lazima wote tujipange mstari wa kukosoa ili kusema "ni wakosoaji".



Mbona hakuna jambo linalofanywa kwa mabavu, au kashfa? Huo ukali una matatizo gani? Unataka watu wabembelezwe na kupewa peremende; kwamba watu wasikaripiwe au kugombezwa? Kwani hawa watoto wadogo wa kuchekelewa chekelewa. Tumechekeleana sana na kuimbiana "kumbaya".. hizi ni zama nyingine sana. Siombei Tanzania irudi kwa watu wenye kuchekeleana tena!

Hakuna mwenye tatizo na ukali, bali tuna tatizo na jazba lenye kusaka kiki. Kumbuka tuna deni la 20t+ ndani ya hii miaka minne, tumejipangaje kwenye kulipa?
 
Mzee Mwanakijiji, Habari ya kwako na salaam nyingi sana kwa Bibi na baba zangu wadogo na shangazi zangu.

Umeizitakasa fikra zangu kwakunipa majibu stahiki kupitia bandiko lako.

Niongeze kidogo kwenye maboresho ya TAMISEMI nikipindi Sasa kuhakikisha wizara hii inarudi kwa wananchi na mbinu na mikakati madhubuti ya kuinua makundi ya kinamama na vijana.

Wizara hii inatakiwa kushirikiana Bega kwa bega na wizara ya elimu na mafunzo ya ufundi kupeleka elimu ya ufundi katika ngazi ya kata na hatimaye mtaa.

Tuondoe zile hulka na silka za kwamba kazi ya MJUMBE na MWENYEKITI WA SERIKALI YA MTAA KAZI YAKE NI KUWAANDIKIA BARUA WANANCHI ZA DHAMANA, AMANA NA KUSULUHISHA MAGOMVI YA WAKE ZA WATU TU.
 
Na. M. M. Mwanakijiji

Yote tisa, kumi tuseme ukweli. Kuna mambo ambayo mtu anaweza kuamua kuyachukia dhidi ya Rais Magufuli. Mtu anaweza kuamka na kuapa kwa jina la miungu na mababu zake ya kwanini hataki kulisikia jina la Rais Magufuli. Tena mtu anaweza akaamka hata usiku wa manane kama mtu aliyepatwa na jinamizi akiwa na hofu ya Magufuli. Siwezi kuwasemea wale ambao wakisikia jina la Rais Magufuli wanaweza kujihisi pumzi zinawaisha na kujisikia unyonge. Umpende au umchukie Rais Magufuli bado anaonekana kugawa hisia za watu mbalimbali tena kwa ukali sana; ama unamkubali au unamkataa; hakuna upande wa katikati.

Na wapo pia ambao wanaposikia jina la Magufuli kwao wanajisikia matumaini, faraja, na wengine wanakuwa kama yule mwanamuziki aliyeimba wimbo wa “Magufuli Raha Tu”. Hawa wanaposikia jina la Rais Magufuli ni kama wanapata Amani ya huko mbeleni, wanajua nchi iko salama na kuwa wao na watoto wao wanashuhudia mambo ambayo labda hayakudhaniwa kuwa yanaweza kutokea katika nchi hii hii ya Waafrika tena miongoni mwa zile nchi zilizokubali jina la “Maskini Zaidi” duniani. Kwa hawa ukitaja jina la Magufuli hata ukiwaamsha usingizini wengine wanaweza kuhisi ni kama unawakatisha zile ndoto tamu tamu zinazoweza kumfanya mtu ajikute anatafuna mto akidhania ni keki!

Vyovyote vile ilivyo kuna mambo manne ambayo naweza kuyasema kwa ufupi tu ambayo Rais Magufuli anayafanya tofauti sana na viongozi wengine. Bila ya shaka kuna mengine anayafanya ambayo yanafanana na watangulizi wake na kubwa katika hayo ni ile hali ya kutukuza chama chake na kukifanyia kila namna ya msaada na mbinu ya kutaka kiendelee kubakia madarakani kwa miongo mingi ijayo. Sidhani kama kuna kiongozi atakayekuja kutoka CCM ambaye atafikiria au kujaribu kufanya kinyume cha hilo. Hata hivyo, binafsi ningependa kudokeza yale mambo ya kiutendaji (executive) ambayo Rais Magufuli anayanya – kwa maoni yangu – kwa namna tofauti na viongozi watatu waliomtangulia.

1. Dhana ya Kujitegemea Ameipa Magurudumu
Baba wa Taifa Mwalimu Nyerere wakati anaikaripia serikali ya Rais Mkapa kufuatia ile sera ya “ubinafsishaji wa mashirika ya umma” na ile hali ya kujaribu kuendekeza sana “wawekezaji wa nje” aliwahi kusema hivi (naapa nimenyambulisha kidogo) “Mnaweza kuamua kuachana na siasa ya ujamaa, lakini hamuwezi kuachana na sera ya kujitegemea”.


View attachment 1266057
Rais na viongozi wengine wakiangalia modeli ya bwawa la kufulia umeme la Nyerere, Rufiji.
​

Nadharia hii ya “Kujitegemea” ni miongoni mwa dhana ambazo bila kueleweka zinaweza kumfanya mtu awe duni mbele ya wengine. Mtu ambaye ni “tegemezi” au Nyerere aliita “ombaomba” kwa kiasi fulani anajidunisha mbele yaw engine. Kwa muda mrefu nchi zetu hizi za Kiafrika zilifika mahali za kuomba hadi misaada ya kujenga vyoo! Na bado hata leo kuna watu ambao wanasubiria serikali iwafanyie vitu ambavyo hata vilivyopo ndani ya uwezo wao. Kurudi kwenye “kujitegemea” ni kurudi kwenye kuuheshimu na kuulinda utu wetu kama binadamu. Hivi ni kweli, tunahitaji msaada wa kigeni kupanda bustani ya maua shuleni, au kwenye ofisi? Je, ni kweli tunahitaji msaada kutoka SIDA, USAID, EU, JICA, DANIDA, NORAD ili kuweza kufanyia ukarabati shule zetu kongwe, kujenga shule mpya, kutengeneza madawati kwa ajili ya shule za watoto wetu, au kujenga viwanja vya kuchezea watoto na maktaba? Magufuli anaposema “tunaweza” anataka kutuambia kuwa “tumechelewa kujitegemea!”

Magufuli tangu kuingia kwake madarakani ameamua kulishikilia hili kama kwa mapembe. Analazimisha Taifa liwe na fikra za kujitegemea. Na hapa ni katika kutumia raslimali zake, uwezo wake, watu wake na mipango yake katika kujiletea maendeleo. Hakuna jambo linalotishia uhuru na utu wetu kama taifa kama kutegemea watu wa nje kwa mafanikio yetu. Jambo hili la kulazimisha taifa kujitegemea linaweza kuwa ni mafanikio makubwa zaidi ya Rais Magufuli kuliko mambo mengine.

Binafsi sitoshangaa kwa mwaka unaokuja Magufuli akiagiza wizara na idara zote kuandaa bajeti zao za 2020/2021 bila kuweka ndani au kusubiria misaada ya kigeni. Sitoshangaa kabisa akaamua kutukatisha kunyonya (weaning) kutoka kwa mashangazi zetu wa Ulaya na kulazimisha taifa kupanga bajeti yake kwa kutumia mapato na vyanzo vyake vya ndani. Misaada ya kigeni ikawa siyo tena ya moja kwa moja kwenye bajeti (Non-direct budgetary support). Akiamua kufanya jambo hili nawahakikishia dunia nzima itashtuka na hawatoamini na siyo hivyo tu wapo wenzetu humu humu (wapingaji) ambao watatuambia kwanini hatuwezi kujitegemea kwenye bajeti!

2. Amekataa Kuheshimu Sura
Kwa muda mrefu watu walikuwa wakishika madaraka walikuwa wanajiona wamefika. Watu walipoapishwa kushika ofisi yeyote walijisikia wako salama na wengine walifanya sherehe na kujisahau wakidhania sasa hatimaye na wao wamekuwa kwa waliokuwemo. Magufuli amewafanya sasa hivi watu kutokuwa salama kwenye vyeo vyao. Mtu anaweza kudhania hili ni jambo baya; lakini kiutawala hakuna jambo muhimu kama watu kurudi na kutambua dhana ya “cheo ni dhamana”. Hakuna aliye salama kwenye kiti chake na kuwa wakati huko nyuma watu walitegemea “Rais kuwalinda” sasa hivi hakuna anayeweza kuishi na kujihisi kuwa analindwa. Unaweza hata kuwaonea watu huruma.

Lakini kinyume na hisia ya wengi Rais Magufuli haoni aibu au kufikiria mara mbili kumuondoa hata mchezaji nyota kwenye mechi! Kulikuwepo na baadhi ya “wachezaji nyota” na wakajikuta wanaondolewa na mechi inaendelea kupigwa na watu wakashinda vile vile. Jambo hili limewafanya baadhi ya watu wanaojidhania au wanaojifikiria kuwa ni wachezaji nyota kujiangalia mara mbilimbili kweli kweli. Sasa hivi, hakuna kujali sura, tunajali utendaji wa kazi. Niliandika mada moja mwanzoni mwa utawala wa Magufuli na labda watu hawakuelewa uzito wake; nilisema “Tengua Tengua Inayokuja”. Sasa hivi ukipewa kiti cha utawala sheherekea huku unatokwa machozi. Wale wale watakaokuletea maua ya pongezi ndio watakaomletea mwingine maua ya pongezi.

Matokeo ya hili ni kuwa tunaona watendaji wengi – hasa mawaziri – wakiwa wanyenyekezu, wenye kujituma na kila mmoja akijitahidi kujionesha yuko kazini. Hata yule mwana mpendwa baada ya kupigwa mkwara wa juzi, tunamuona naye sasa hivi anakalia kitu kwa kukinyemelea! Wanaofikiria Magufuli anaiheshimu sana sura yake, watakuja kushangaa sana siku si nyingi.

3. Amekuwa Muwazi Mno hadi Kupitiliza
Kwa muda mrefu tulikuwa hatujui mambo yanayoendelea ndani ya serikali yetu. Mambo mengi tulikuwa tunayasikia kwenye majungu tu na vijiwe. Mambo mengine tulikuwa hata hatuyajui kabisa lakini sasa hivi ni kama tumefunguliwa mlango na madirisha tuchungulie kinachoendelea ndani. Rais Magufuli kwa ile tabia yake ya kutokuwa mzuri sana wa maneno, na kukataa kuyapamba maneno yake anaweza kuonekana wakati mwingine kama “fyatu” fulani hivi. Lakini kwa wanaomjua na sisi ambao tumemfuatilia kwa muda mrefu tunajua ni kuwa hana tabia ya kuficha ficha. Hata ile kauli yake maarufu ya “Msema kweli mpenzi wa Mungu” kimsingi inatuambia tu kuwa haoni sababu ya kwanini Watanzania wafichwefichwe. Kile anachoamini ni ukweli atakisema hadharani na wazi kabisa na wakati mwingine kutoificha aibu ndani ya serikali yake mwenyewe. Na watu wakaona – wakamsema na hata kumnyoshea kidole yeye mwenyewe. Rais wetu kwa kiasi kikubwa hana siri sana! Kuna mambo ya siri lakini ukiangalia sana mambo mengi ambayo watu wangependa kuwa ya siri hayana usiri wa maana kivile zaidi ya kufichiana tu siri zisizo na maana.

Uwazi huu umewasaidia wananchi kuona nini kilikuwa kinafanyika na nini kinafanyika sasa hivi. Bahati mbaya inaweza kusemwa ni kuwa uwazi huu ungenoga zaidi kama vyombo vya habari visingekuwa vinajisikia vinabanwa au kuulizwa ulizwa vinapojaribu na vyenyewe kufichua mambo. Hili sitolishangaa litatokea pia kwani “msema kweli ni mpenzi wa Mungu”. Siyo majungu, siyo umbeya, siyo porojo bali ukweli tu. Kwa vile Rais ameamua kuwa muwazi kwa wananchi ni lazima awaache na wananchi wawe wawazi kwa serikali yao; kwa maana halisi ya quid pro quo (nipe nikupe). Hakuna haja ya kufichana.

4. Ameamua Kufanya Ujenzi Mpya wa Taifa
Mojawapo ya mambo ambayo labda ni kubwa zaidi (linaloendana na lile la kwanza) ni uamuzi wake wa kufanya ujenzi mpya wa taifa (national reconstruction). Magufuli ni kama amedakia alipoachia Nyerere. Ukiangalia sasa hivi ni kana kwamba miaka ya Mzee Mwinyi, Mkapa na Kikwete haipo. Ni kama Magufuli ameamua kuifuta na kuichukua nchi mwaka 1985. Akiichukua nchi mwaka 1985 anaikuta nchi ambayo imetoka kwenye janga la wahujumu uchumi (ufisadi), viongozi ambao wameshaonja ubepari na sasa kila mtu anataka kula kwa raha zake, na kuwa analikuta taifa ambalo wananchi wake wanatafuta maisha bora. Magufuli anaingia na kuamua kuendeleza mambo yale ya msingi ya kujenga misingi.

View attachment 1266052
Ujenzi wa Tanki la Maji huko Singida
​

Katika hili ameamua kufanya masuala ya ardhi na makazi, miundombinu (infrastructures), elimu, maji, umeme na nishati, kilimo, madini na afya. Katika mambo haya Rais Magufuli anajaribu kupalilia nchi na kupanda mbegu ili wengine waje kuvuna. Na anachofanya – na labda wakati mwingine wengi hawasikii – ni kuwa katika nchi nzima, na kwa wakati ule ule (simultaneously) miradi mbalimbali inatekelezwa.

Anachokifanya ni kuhakikisha kuwa hakuna sehemu kubwa ya nchi ambayo inaweza kujihisi inapitwa. Ukiwasikiliza watu wenye kukosoa kinachofanyika “Chato” unaweza ukadhania Magufuli amegoma kufanya jambo lolote sehemu nyingine ya nchi. Hili linaweza kuwa ni udhaifu wa taasisi zenyewe kujieleza lakini kwa tunaofuatilia tunajua jinsi gani matanki ya maji, njia za umeme, hospitali, vituo vya afya, barabara, vinavyoendelea kujengwa au vilivyokwisha jengwa ndani ya miaka hii minne kulinganisha na miaka mingine yote.

Mwisho
Mambo haya manne Magufuli anayafanya kwa namna ya tofauti sana. Lakini tofauti hiyo naweza kuielezea inatokana na mambo makubwa mawili ambayo hayakuwepo huko nyuma. Moja ni kuwa amekataa kufuata kilichoandikwa vitabuni. Kwamba, namna ya kufanya mambo ni a, b, na c kama watu walivyosoma shuleni. Badala yake anawalazimisha watendaji walio chini yake kufikiria nje ya sanduku na kujaribu vitu tofauti. Matokeo yake baadhi ya mambo ambayo yangekuwa yanachukua muda zaidi au raslimali zaidi yanaweza kufanyika kwa ubora na uharaka kuliko huko nyuma. Chukulia mfano wa mambo mawili tu kati ya mengi – suala la Masoko ya Madini na Vituo vya Mabasi – mambo haya hayakutangaliwa na vikao virefu vya sera na mipango; ni mambo ambayo yaliamriwa na watu wakapewa kazi kwenda kuyatekeleza.

Jambo la pili ni kuwa Rais Magufuli hana hofu ya kukosea au kuonekana amekosea. Kwa wanaomjua Magufuli hili wala si jambo jipya. Toka zamani Magufuli amekuwa ni mtu wa kufikiria kitu na kukitenda labda wakati mwingine kwa gharama kwa serikali au hata hadhi yake; lakini hofu ya matokeo ya kisheria (legal ramification) haijamzuia Magufuli kufanya kitu anachoamini ni sahihi. Hofu ya kuogopa kushtakiwa, au kugombana na wakubwa haikumzuia. Tuliona hili wakati wa suala la Makanikia na jinsi gani baadhi ya watu waliona kama Magufuli amegusa wakubwa na hatokuwa salama tena. Lakini Magufuli alisimamia kile hadi dakika ya mwisho. Hata hili suala la ujenzi wa Bwawa la Nyerere; kwa wengine liliwatia hofu kuwa wakubwa watetezi wa “mazingira” wangemkwamisha; lakini kama huwaombi dola zao watakukwamisha kwa lipi?

Miye nasubiria watakapoanza kutengeneza zile “cable cars” kuruka Ngorongoro na kutengeneza viewing platforms kama zilizoko kwenye vivutio vingi kwenye nchi za wenzetu (nenda pale Grand Canyon utaona). Sitoshangaa kuna watu watapiga kelele kweli. Wakati wenzetu wana barabara za lami zikikatisha Yosemite Parks na Parks nyingine huko majuu sisi kwetu tunaambiwa hata zinatishia wanyama na kuvuka kwa wanya kana kwamba hakuna namna ya kushughulikia hilo. Hili la pili ndio linaweza au limeweza kumtengeneza Magufuli maadui wengi wan je. Hana heshima kwao na kitendo chake cha kutokwenda kwao “kujionesha onesha au kujitambulisha” kunawakwaza wengi kweli kweli. Rais wa Afrika asiyependa kushikana mikono huko New York, Geneza, Paris na London ni mtu wa tofauti sana.

Mambo haya 4 bila ya shaka Magufuli anafanya tofauti sana na wengine watatu waliomtangulia. Inawezekana yapo mengine mengi ambayo anayafanya tofauti na wenzake. Na hapa nazungumzia yale chanya. Mtu mwingine anaweza kubisha. Nani anabisha?

Niandikie:
[email protected]
ndugu Mzee Mwanakijiji, nikukumbushe tu kuwa hata Mugabe alikuwa na ass-kissers wake hivi hivi kama wewe kwa JPM, the rest is history.

ninaamini moja ya vitu vikubwa tunavyovipata kupitia elimu ni conscience.
walau basi baki na hii kitu ndogo tu mkuu.
 
Kama unamaanisha Makonda; hili wala si kubwa au gumu kulielewa. Ukilitafakari sana utaona kwanini bwana huyu mdogo anaachwa tu hapo kwa muda. Binafsi tatizo langu na nimelisema mahali pengine Makonda hakupaswa kupewa jiji letu kuu nchini kuongoza. Ni gumu kwake, haliwezi na limemshinda kimaono. Yuko kwenye siasa zaidi kuliko utendaji. Na akiondolewa nina uhakika wa asilimia 100 atarudishwa kwenye mambo ya siasa zaidi.
Gotcha
 
Mbona kama mnaogopa/mnakwepa sana kusema anamzidi hata Mwl. Nyerere pia? Mnawaonea tu kina Mwinyi, Mkapa na JK?

Hatuogopi bana ila ni kuwa fair kwa kiasi zaidi. Na hata kumlinganisha na Mwinyi labda siyo haki sana. Lakini kumlinganisha na Nyerere hatutamtendea haki yeye Magufuli. Nyerere alichofanya alifanya katika mazingira tofauti sana na viongozi waliomtangulia; yaani, factors zilizokuwepo nyingi hazipo. Wakati hawa watatu wengi wamefanya katika mazingira na factors zile zile ukiondoa Mwinyi katika mhula wake wa kwanza.
 
Huu uzi kila mtu na wake yani mmeshikana mashati kweli kweli..
Mimi nipo bize naendelea kula alizeti hapa maganda natema uvunguni zitafagia panya
 
MMK;
Mimi hua napata shida sana kuongelea au kuchangia mada zako kwa usahihi kabisa; hua naona kama unatoaga dhiaka nyingi sana kwa wananchi wa Tanzania dhidi ya utawala wa awamu ya tano.

Kwa uzee wako wote kama kweli wewe ni mzee, nchi inayotaka kujitegemea na ilikua masikini inaweza kuanza na kuamisha makao makuu ya nchi?

Je unapoanza kujitegemea lazima ujue ni nini chanzo cha miaka yote tulishindwa nchi kama nchi kujitegemea, unaanza na uzalishaji? au unaanza na miundombinu? au unaanza vyombo vinavyotumia miundombinu? au unaanza na vyote?

Je nini kikwazo cha serikali kutowekeza kwenye kilimo na kutafuta masoko nje? unaamini kua wananchi wanaoishi maeneo yanayopata mvua mara moja kwa mwaka na wakawa na njaa ya kila mwaka wataona kua serikali yao wanafanya cha maana?

Ni nini maana ya serikali kuanzisha na kufufua usafiri wa anga wakati kilimo kinazidi kufa?

Unasubiri Rais unayesema ni mzuri atoke madarakani ndipo uanze tena kusema kua nchi inataka katiba mpya? au kwasasa katiba ya nchi ni nzuri?

Katika familia zetu tunashauriana kuanzisha miradi nje ya kazi ya kila siku kama wewe ni muajiriwa au kuwekeza kwenye biashara nyingi zaidi ili uwe salama na familia pia iwe salama...hii nadharia pia inasaidia kwa uongozi wa nchi kwamba ukiwa kiongozi anaependa nchi yake unashauriwa kutengeneza katiba imara ili ikitokea ukatoweka wananchi wako wabaki salama na imara.

Ukisoma kile kitabu kinachoonesha mwanzo na chanzo cha Marekani kuandaa na kuandika katiba yao utakubali kweli walikua na nia ya kuandika katiba yao kwa vizazi vijavyo. Katiba kilichodraftiwa mwaka 1878 bado ni nzuri na ilijibu na kuona miaka 700 mbele kuliko ya kwetu ambayo haijibu ata miaka 20 tokea imeandikwa.

Je unaamini kua Mh Magufuli akikoma kua rais leo kuna ambacho kitaendelea kufanyika bila sisi waTanzania kuandaa katiba yetu mpya?

Je unaamini kua inchi inapopiga hatua ya kujijenga shughuli zingine kama vilivyoandikwa kwenye katiba yetu zisimame?

Je unaamini kua taasisi zetu zinafanya maamuzi zikiwa huru? na unadhani kwanini tumejawa na uoga adi kujieleza mbele ya wananchi inakua ni adhabu?

Je rais anayomamlaka gani kisheria kutoa maamuzi ya kiasi hiki kitumike hapa na kiasi hiki kitumike pale? kama anayo ki majukumu anafanya kazi ya bunge au bunge ndo inafanya kazi ya rais?

Je unaamini kua wakati rais Magufuli akitoka madarakani mabaya yatakayokua yanasemwa kuhusu uongozi wake na yeye akiwepo atakua anasingiziwa?

Ngoja tujenge nchi...wewe zidi kutuombea kama wewe ni miongoni mwa wanaotuaribia sehemu tuliyokwisha jenga.
 
Kama Magufuli amekuwa muwazi Hadi kupitikiza basi angetuambia zile trillion 1.5 wapi zilienda
Amekuwa muwazi!!!!!??ndani ya miaka yake minne ameongeza deni la taifa kupita miaka kumi ya Kikwete na anasema miradi yote ni pesa za ndani.
 
Hakuna mwenye tatizo na ukali, bali tuna tatizo na jazba lenye kusaka kiki. Kumbuka tuna deni la 20t+ ndani ya hii miaka minne, tumejipangaje kwenye kulipa?

Hakuna nchi isiyo na deni la taifa; Marekani sasa hivi deni lake la taifa ni trilioni 22 (dola) hivi. Haina maana ni mwisho wa dunia na haina maana uchumi ni mbaya. Ukopaji wa serikali kuu kwa ajili ya kufanya shughuli mbalimbali ni jambo la kawaida katika nchi yeyote. Sasa suala la "inalipwaje" ndio swali zuri na unatakiwa kuangalia mipango ya BoT au Wizara ya FEdha wanasema nini kuhusu servicing the national debt.
 
  • Thanks
Reactions: Ole
Back
Top Bottom