Kumkamata Lisu, kumdhalilisha na kisha kumtengenezea kesi ya uhaini kwa sababu tu Tundu Lisu anapigania haki ya Watanzania wote, wakiwemo wanaCCM, na wasio na vyama, ili wakati wa uchaguzi kila anayetangazwa kuwa amechaguliwa kuwa kiongozi, awe amechaguliwa kweli, na ili watu wasiumizwe, wasiteswe wala kuuawa kwa sababu ya uchaguzi, ni jambo jema kwa kila Mtanzania, bila ya kujali ni wa chama gani au hata kama siyo mwanachama wa chama chochote.
Lakini kwa upande wa pili kuna Rais Samia na Serikali yake na chama chake, ambao wanafanya kila njia ili kusiwepo na haki wakati wa uchaguzi. Wanataka waendelee kudhulumu uchaguzi, wanataka waendelee kuwatesa wananchi, kuwatia vilema na hata kuwaua kupitia tendo la uchaguzi.
Tukio hili la sasa, ambalo ni mwendelezo wa tukio lile la kutaka kumwua Lisu, linatokea ili kudhihirisha uibilisi wa Samia na Serikali yake, dhidi ya kujitolea kwa Lisu, kukubali kutesekaa kwaajili ya haki ya walio wengi. Kukubali kuteseka kwaajili ya jambo jema kwa faida ya watu wetu wengi, ndiyo msingi wa Ijumaa Kuu. Ni upendo wa ajabu kwa wanadamu wenzako, kuwa tayari kuumia ili wao wapate amani, wapate haki, wasiumizwe tena.
Tujiulize, Wewe na mimi ni mara ngapi tumekubali kuteseka na kuumia kwaajili ya wanadamu wenzetu? Mungu atujalue kuwa na ujasiri wa kuyapokea magumu ili watu wengine wapone. Ni wakati wa kuamua, tunasimama na uibilisi wa Serikali dhidi ya Lisu anayeitafuta haki kwaajili ya wote au tunasimama na Lisu aliyekubali kuteseka kwaajili ya haki ya watanzania wote.
Mungu wetu ni muweza wa yote, angeweza kuukomboa Ulimwengu bila hata ya kifo cha mwanaye mpendwa Yesu Kristo, nafsi ya pili ya Mungu mwenyewe, juu ya msalaba. Lakini Kristo Mungu, (na Mungu ni Roho), alijivika mwili wa kibinadamu ili ayapate mateso kama mwanadamu, atufundishe wenye miili hii ya kibinadamu, tunastahili kufanya nini kwaajili ya watu wengine, kama tunataka kupata stahili ya ufalme wa Mungu. Yeye mwenyewe akasema, "ni upendo wa namna gani, hata mtu kuutoa uhai wake kwaajili ya rafiki zake!".
Katika siku hii iliyo Kuu katika ukombozi wa mwanadamu, tusikose kuomba kwaajili ya Lisu na wengine wote wanaoteseka na kupoteza maisha kwaajili ya kupambania haki na amani ya watu wengine bila ya kujali mateso na misukosuko wanayopitia, maana sadaka yao ni kubwa mbele ya Mungu wetu.