Responded HOJA TANESCO, naomba kujua utofauti wa bei za unit za umeme inasababishwa na nini?

[Ndondombi Mulin]

Kuna mtu amesema hapo juu kuwa kuna tariff 6 ambayo ni ya kwenu wafanyakazi wa tanesco ati mnapewa unit 750 kwa mwezi kwa shilingi 8,500/= hii ni ya kweli mkuu.

Kudadadeki.

Kama ni kweli, basi hawa Washenzi kwenye Keki ya Taifa, wamejimegea upande mzuri sana.

Kwa zama hizi, ukipata umeme kwa bei hii, Maisha yako yatakuwa marahisi sana, issue za Gas, AC, Garden kwako vitakuwa full Automated 24/7.

Tanzania bila rushwa, haiwezekani.

 

[TANESCO]

Kama mteja alikuwa T04, mwezi mmoja akanunua umeme zaidi ya unit 75, atapelekwa kwenye T01 papo kwa papo au mpaka afanye hivyo mfululizo miezi kadhaa?

Habari ndugu mteja,

Ndiyo, kama tulivyoeleza, endapo matumizi yako yatazidi uniti 75 kwa mwezi, utahamishiwa kwenye tariff husika kulingana na vigezo vilivyowekwa. Hivyo, ni muhimu kuzingatia kiwango cha matumizi yako pamoja na masharti yote yanayotumika.

Asante. ^PK.

 

[Sozo_]

Habari wateja wetu,

Tunawashukuru kwa swali lenu kuhusu bei za uniti za umeme, pamoja na wote waliochangia kutoa maoni na ufafanuzi kuhusu suala hili.

Tungependa kutoa ufafanuzi wa kina kuhusu bei za uniti za umeme. Mfumo wa tozo za umeme umegawanyika katika makundi makuu mawili ya wateja, ambayo ni Tariff 1 na Tariff 4.

MAKUNDI YA WATUMIAJI WA UMEME - TAARIFA KUHUSU TARRIF 1 & 4 (T01 & T04)
Mfumo wa manunuzi ya umeme hupanga mita zote kulingana na matumizi ya mteja, eneo na vigezo vingine. Hakuna huduma ya "service charge", bali mita hupangwa katika makundi mawili ya matumizi, yaani kundi la T01 na T04. Kwa lugha rahisi, huitwa Tariffs (Matumizi).

Aina za Makundi ya Watumiaji wa Umeme Majumbani

• Tariff 04 (T04): Matumizi ya chini ya unit 75 kwa mwezi, matumizi madogo vijijini pekee.
• Tariff 01 (T01): Matumizi ya kati, mjini na vijijini kwa mteja mwenye matumizi zaidi ya unit 75 kwa mwezi. Kundi hili mteja hana kikomo cha manunuzi ya umeme/unit kwa mwezi, pia matumizi ni ya nyumbani na siyo viwandani kama wengi wanavyodhani.

NB: Kigezo cha kundi ambalo mita itapangwa na mfumo si matumizi pekee.

Vigezo vya Kundi la Tariff 04 (T04):​

• Eneo: Liwe la kijijini na siyo mjini.​
• Matumizi: Yawe chini ya unit 75 kwa mwezi. Hata kama upo kijijini lakini matumizi yako yanazidi unit 75, bado hautakidhi kigezo.​
• Matumizi yasihusishe biashara, uzalishaji mali au nyumba yenye wapangaji.​
• Mteja awe amefanya manunuzi ya umeme kwa zaidi ya miezi sita mfululizo kwa mita mpya, kwaajili ya tathimini ya matumizi yake ya umeme kwa muda huo.​

Ili kukidhi kuwa katika kundi la T04, ni lazima mteja akidhi vigezo vyote vilivyotajwa na siyo kimoja kati ya hivyo.
​

Bei za Unit kutokana na aina ya Tariff:

• Unit 1 kwa mteja wa matumizi madogo (Tariff 4) ni Tsh 100/= bila VAT, pamoja na VAT ni Tsh 122/=
• Unit 1 kwa mteja wa matumizi ya kawaida (Tariff 1) ni Tsh 292/= bila VAT, pamoja na VAT ni Tsh 357/=

Kumbuka
Mita ikishahamishwa kutoka kundi la T04 kwenda kundi la matumizi ya kati (T1) kutokana na kuzidisha manunuzi ya umeme zaidi ya unit 75 kwa mwezi, haiwezekani kurudishwa tena kwenye kundi la awali la T04, hata kama matumizi yatapungua baadaye au kubadilishiwa mita.

Asante. ^PK

Mtu yupo mjini ila matumizi yake hayazidi units 75 kwanini asipate huduma hiyo?

 

[TANESCO]

Mtu yupo mjini ila matumizi yake hayazidi units 75 kwanini asipate huduma hiyo?

Habari Sozo_

Kama tulivyoeleza hapo awali, Ili mteja aweze kuwekwa katika kundi la T04, ni lazima mteja akidhi vigezo vyote vilivyotajwa na siyo kimoja kati ya hivyo. ^PK

 

[Sozo_]

Habari Sozo_

Kama tulivyoeleza hapo awali, Ili mteja aweze kuwekwa katika kundi la T04, ni lazima mteja akidhi vigezo vyote vilivyotajwa na siyo kimoja kati ya hivyo. ^PK

Nimekuelewa, Mimi nipo mjini, ila matumizi yangu hayazidi units 75... kwanini msiniweke kwenye kundi la T04?

 

[TANESCO]

Nimekuelewa, Mimi nipo mjini, ila matumizi yangu hayazidi units 75... kwanini msiniweke kwenye kundi la T04?

Habari, ndugu mteja.

Tusamehe hatukuelewa ujumbe wako wa awali. Kutokana na tathmini ya sasa, taarif ziliwekwa kutokana na mtazamo mbali mbali juu ya matumizi ya umeme vijijini na mjini.

Ila kwa ujumbe wako, tunaomba tuipokee kama maoni yakufanyia kazi.

Asante. ^PK.

 

[Funny boe]

Hivi huyu tanesco anayeandika hapa ni binadamu, mfanyakazi au ni bot tu

 

[JAKUGOTE]

Kwa huu uandishi nahisi anayejibu haya maswali ni AI

 

[Medecin]

Hapa tunajibiwa na AI mamaee

 

[johnmashilatu]

Hapo

Habari, ndugu mteja.

Tusamehe hatukuelewa ujumbe wako wa awali. Kutokana na tathmini ya sasa, taarif ziliwekwa kutokana na mtazamo mbali mbali juu ya matumizi ya umeme vijijini na mjini.

Ila kwa ujumbe wako, tunaomba tuipokee kama maoni yakufanyia kazi.

Asante. ^PK.

Mwanza imekuwa kawaida umeme kukatwa alfajiri na kurejeshwa kati ya saa 12 na saa 1 usiku.

Tatizo hili limekuwapo kwa takriban wiki moja na zaidi na kupelekea usumbufu kwa wananchi, ikiwepo ukosefu wa huduma za maji ambao wanadai kukosa umeme.

Je, nini hasa chanzo cha tatizo hili, na ni lini linatarajiwa kumalizika?

 

[Sozo_]

Habari, ndugu mteja.

Tusamehe hatukuelewa ujumbe wako wa awali. Kutokana na tathmini ya sasa, taarif ziliwekwa kutokana na mtazamo mbali mbali juu ya matumizi ya umeme vijijini na mjini.

Ila kwa ujumbe wako, tunaomba tuipokee kama maoni yakufanyia kazi.

Asante. ^PK.

Itakuwa vizuri mkiifanyia kazi, wenye matumizi makubwa wawe T01, na wenye matumizi madogo wabaki T04, bila kujalisha yupo mjini au kijijini, ikiwa wa kijijini wa matumizi makubwa amewekwa T01 basi na wa mjini wa matumizi madogo awekwe T04.
Asante

 

[Matawi ya juu]

Ni namna ya kusaidia maskini au kipato cha chini, shirika la serikali anyway

 

[Kazakh destroyer]

Kudadadeki.

Kama ni kweli, basi hawa Washenzi kwenye Keki ya Taifa, wamejimegea upande mzuri sana.

Kwa zama hizi, ukipata umeme kwa bei hii, Maisha yako yatakuwa marahisi sana, issue za Gas, AC, Garden kwako vitakuwa full Automated 24/7.

Tanzania bila rushwa, haiwezekani.

Zamu yao mkuu, hata ungekuwa wewe ungeenjoy kimyakimya.

 

[CAPO DELGADO]

Kuna Nyumba ina wapangaji 5
(Watanao)
Hakuna Jiko la Umeme.
Hakuna Heater.
Hawatumii sana Pasi zaidi ya Feni na Fridge.
WANALIPA UMEME WA ELFU 50 KWA MWEZI.

Hii haipo sawa kabisa.
Kuna Dhuruma za ajabu sana
Naomba msaada wenu Tanesco katika hili.
Tulijua tatizo ni Wiring au Earth load.

TANESCO WANAANGAZA MAISHA YETU.
TANESCO

 

[TANESCO]

Kuna Nyumba ina wapangaji 5
(Watanao)
Hakuna Jiko la Umeme.
Hakuna Heater.
Hawatumii sana Pasi zaidi ya Feni na Fridge.
WANALIPA UMEME WA ELFU 50 KWA MWEZI.

Hii haipo sawa kabisa.
Kuna Dhuruma za ajabu sana
Naomba msaada wenu Tanesco katika hili.
Tulijua tatizo ni Wiring au Earth load.

TANESCO WANAANGAZA MAISHA YETU.
TANESCO

Habari ndugu mteja, asante kwa kuwasiliana nasi na pole kwa changamoto hiyo, Ndugu mteja, tunapenda kukufahamisha kuna vitu vinavyopelekea umeme kuisha kwa haraka;
1. Matumizi ya mteja - tafadhali tathmini matumizi uliyonayo kwenye eneo lako
2. Vifaa vya ndani - una vifaa gani ndani kwako ( vifaa vya mtumba vinatumia umeme mwingi )
3. Idadi ya watumiaji
4. Mfumo wa umeme ndani kwako ( wiring)
5. Mita yenyewe, tafadhali jaribu kufanya jaribio lifuatalo endapo sababu ya namba 1-3 zipo sawa kwa msaada zaidi;
-Zima mainswitch yako kwa muda wa angalau masaa 3, hakikisha baada ya kuzima tu angalia kiasi cha unit zako zilizopo kisha nakili pembeni .
-Baada ya masaa matatu angalia tena kiasi cha unit zako zilizopo.
-Iwapo unit zako zimepungua baada ya kuzima main switch kwa masaa matatu, basi kuna upotevu wa umeme kupitia wiring yako ya ndani hivyo tunashauri kuita fundi umeme aliyesajiliwa na ewura ili aje afanye uchunguzi na kufanya marekebisho yanayostahili.
-Iwapo unit hazijapungua baada ya kuzima umeme kwa masaa matatu, basi matumizi yako ni halali kwa hiyo jaribu kupunguza vifaa vyako vya umeme ambavyo siyo vya lazima kutumika.^CM

 

[RO7 ZA MGOS]

Daaaaah jamaa wameseti robot as official TANESCO na wanazengo kadhaa wanaamin wanachart na mtu wa TANESCO

 

[The mission 2017]

Daaaaah jamaa wameseti robot as official TANESCO na wanazengo kadhaa wanaamin wanachart na mtu wa TANESCO

Haijalishi, Muhimu kupata taarifa sahihi.

 

[Holoholo]

TANESCO naona kuna swali hamlijibu au mnalikwepa kimakusudi. Mimi ni mteja mwaminifu wa huduma za umeme, nina nyumba kama nne za vijijini zote nimeziunganishia umeme. Hapo awali kila nyumba ilikuwa ipo kwenye matumizi madogo ya umeme, yaani tsh 9200 unapewa unit 75. Lakini kuna nyumba moja uliisha umeme wakati mimi sipo, wakanunua umeme wa alfu tatu, na kuanzia siku hiyo mambo yalibadilika,uweme huohuo wa tsh 9200 napewa unit kati ya 25/24, je hapo matumizi yangu yalipanda au kuweka umeme wa chini ya 9200 ndio chanzo? Kwa nini?

 

[Holoholo]

Daaaaah jamaa wameseti robot as official TANESCO na wanazengo kadhaa wanaamin wanachart na mtu wa TANESCO

hapana ni TANESCO wenyewe, angalia signature hapo chini baada ya majibu yao zinatofautiana

 

[Tulibhalegha]

kama natumia umeme chini ya Unit 72 kwa mwezi na yule wa zaidi ya Unit hizo wote tukipata bei moja ya Unit kipi kitatokea.?

Namaanisha mfano Vocha za Simu wote tunanunua bei moj kwa wiki, kuna wanaomaliza kwa siku na kunawasiomliza mpaka wiki inaishi kwa nini na Luku isiwe hivyo?

Mijadala mingi humu jukwaani inadhihirisha watanzania wengi ni weupe vichwani. Swali ni kwanini bei zitofautiane? Mtu anajibu kwa sababu kuna tariff 0 na tarrif 1. Jamani hebu tujifunzeni reasoning kama hatuna uwezo huo basi tuna safari ndefu sana. Anyway; Mleta mada anaka kujua hivi "Kwani wateja wote bila kujali matumizi yao wakiuziwa umeme kwa bei moja kuna tatizo gani?" Mbona mafuta tunauziwa kwa bei hiyo hiyo moja bila kujali unayatumia kwa kiwango gani?