Katiba Inayopendekezwa inataja kipengele cha kuwajali Wasanii katika Ibara ya 59, ambapo haki hizi muhimu kwa wasanii zinajumuisha Haki-miliki ambazo zitawasaidia kulinda kazi zao za ubunifu, utafiti na hatimaye kukuza sanaa, taaluma, ubunifu na ugunduzi kwa manufaa yao binafsi na taifa kwa jumla. Ifahamike kuwa, kundi hili ni muhimu katika kukuza fursa za ajira kwa vijana na kuiletea sifa na heshima nchi yetu kwa kutumia sanaa na ubunifu wao, hivyo ni kundi ambalo lina uwezo mkubwa wa kuitangaza nchi ya Tanzania katika Nyanja mbalimbali zikiwemo za kiuchumi, kiutamaduni na kijamii.
Kwa kipindi kirefu kumekuwa na kilio kikubwa kwa kundi hili kukosa ulinzi wa kazi zao, hivyo Katiba Inayopendekezwa inajenga mazingira mazuri ya kundi hili kuthaminiwa, kuendelezwa na kulindwa. Katiba Inayopendekezwa, imeweza kuonyesha ni kwa jinsi gani hakimiliki ya msanii (Intellectual property) itakavyolindwa na Katiba, jambo ambalo litasaidia kwa kiwango kikubwa kuinua maisha wa wasanii wengi nchini na kukuza vipato vyao. Kwa mujibu wa takwimu za Baraza la Sanaa Tanzania (BASATA) Wasanii wanafikia karibu milioni Sita kati ya Watanzania milioni 45, kwa vyovyote kutambuliwa huku kutawasaidia wasanii.
Wasanii wengi nchini wameonekana kuridhishwa na kitendo cha haki zao kuingizwa kwenye Katiba Inayopendekezwa kwasababu hali hiyo itawasaidia kupambana na watu wanaoiba kazi zao. Ni wazi kuwa kutambuliwa huku kutasaidia nchi kunufaika kutokana na mchango wa sekta hiyo ya sanaa na umma utafaidika kwa kiasi kikubwa. :rain:
IBARA YA 59 YA KATIBA INAYOPENDEKEZWA:
59.-(1) Kila mtu atakuwa na uhuru wa kushiriki kwenye mambo yanayoendeleza na kukuza sanaa, taaluma, ubunifu na ugunduzi.
(2) Kila mtu atakuwa na uhuru wa kujifunza, kufundisha, kutafiti na kueneza matumizi ya matokeo ya utafiti kulingana na kanuni za kitaaluma na za kiutafiti.
(3) Serikali itakuza na kuendeleza utafiti, ubunifu na ugunduzi katika sanaa, sayansi na teknolojia kwa kutunga sheria ambazo:
(a) zitalinda hakimiliki na hataza na haki za wabunifu, watafiti na wasanii;
(b) zitawezesha taasisi za elimu na za utafiti kutumia ugunduzi wao kwa manufaa ya Taifa;
(c) zitasimamia uhamishaji wa sayansi na teknolojia;
(d) zitawezesha kukuza rasilimali watu kwenye nyanja za kitaaluma, sayansi, teknolojia na ubunifu;
(e) zitalinda na kusimamia ubora wa taaluma, utafiti na matumizi ya ugunduzi na ubunifu; na
(f) zitafafanua mambo mengine yanayohusu hakimiliki na hataza.
MAONI:
1. Nia njema ipo;
2. Tatizo ni watawala, tunazo sheria kama hizi:
THE COPYRIGHT AND NEIGHBOURING RIGHTS ACT, 1999 (NO. 7 OF 1999) na kanuni zake ( THE COPYRIGHT AND NEIGHBOURING RIGHTS (REGISTRATION OF MEMBERS AND THEIR WORKS) REGULATIONS); The Patents Act No.1, 1987, as amended by Acts Nos. 13 and 18 of1991; The Trade and Service Marks Act No. 12 of 1986; The Fair Competition Act, 2003 (FCC); ETC.
JE, SHERIA HIZO ZIMEFANYA NINI HADI SASA?
KATIBA ITUPATIE MWONGOZO IMARA, LKN WATAWALA WAZEMBE HAWATAWEZA KUBADILISHA MAMBO HATA KAMA YATAKUWA MAZURI CHINI YA SHERIA.
.