Nchi inapaswa kuwa salama kwenye maeneo 3;
1. Kiuchumi
2. Kijamii
3. Kisiasa
Kisiasa Katiba ya Nchi yetu inatambua nchi yetu kuwa ya Kidemokrasia. Hii maana yake ni kwamba ili nchi iwe salama ni lazima mifumo ihakikishe siasa za nchi hii ni za kidemokrasia kweli. Vyama vya kisiasa vinashindana kwa usawa na vinakuwa na nafasi sawa ya kuunda serikali kwa kipindi fulani kwa mujibu wa Katiba. Vinakuwa na usawa kwenye kushindana kwenye uchaguzi na kupata nafasi ya kutangazwa kuwa washindi ili waunde Serikali.
Kinyume chake TISS imenajisi mfumo wa kisiasa kwa kukipendelea chama kimoja cha siasa ambacho ni CCM na kuruhusu Katiba kusiginwa na matakwa ya Wananchi kudhulumiwa. Hii ni hatari kwa usalama wa Taifa na Wananchi kwa sababu inaleta kinyongo na wananchi kuwaza njia mbadala za kutafuta demokrasia. Njia hizi zimeanza kuleta mauaji ya raia, kutekwa na kupotezwa kwa raia. Kiwango kikubwa cha utekaji na mauaji ya Wananchi kilichofanywa kuanzia mwaka 2017 hadi sasa ikiwemo kwenye uchaguzi mkuu wa 2025 inaonesha kabisa kuwa nchi yetu haipo salama kisiasa.
Kwa upande wa kiuchumi ili nchi iwe salama inapaswa kuwa na mifumo imara ya kifedha, uchumi imara usiotetereka, usioharibiwa na rushwa na ufisadi pamoja na maendeleo ya kweli kwa Wananchi.
Hapa Tanzania nchi yetu ina kila kitu cha kuifanya kuwa Taifa tajiri zaidi na lenye maendeleo zaidi Afrika. Hii ni kutokana na uwepo wake kijiographia na uwepo na mito, bahari na rasilimali nyingi zingiwemo gesi, dhahabu na madini mbalimbali.
Ila kinyume chake nchi yetu ni masikini sana. Kutokana na rushwa inayofanywa kwenye miradi mikubwa ya kulifanya Taifa liwe na uchumi imara, miradi mingi imekuwa ikitekelezwa kwa hasara kiasi cha kufanya Taifa liwe kwenye hatari ya kiusalama kiuchumi. Miradi ya barabara, ujenzi wa majengo, maji, reli na kila sehemu imekuwa ikitekelezwa chini ya kiwango huku ikitumia fedha nyingi za walipakodi ambazo mwisho zimefanya miradi husika kuwa ya hasara kwa Taifa.
Sio hivyo tu kipaumbele kwenye miradi na usimamizi wake unaonesha kuwa Taifa linaendeshwa na watu wasio na akili. Miradi ya mwendokasi, vivuko, ndege, masoko na sasa SGR inaonesha kabisa kuwa nchi hii imeshajifia kutokana na kukosa ubora wa muda mrefu. Kwa kifupi hii nchi sio salama kabisa kiuchumi maana iko kwenye blink of collapse.
Kijamii ili jamii iwe salama kunapaswa kuwa na kuelewana baina ya wananchi wa dini mbalimbali na makabila mbalimbali. Dini zinapaswa kuachwa kukemea dhambi na dhuluma. Walimu wa mashuleni na vyuoni wanapaswa kuachwa huru kufanya tafiti halisi za matatizo ya wananchi na kupendekeza kwa uhuru suluhisho la matatizo hayo. Walimu pia wanapaswa kuachwa kuwafundisha Wanafunzi ukweli katika masomo yao huku wakitoa mifano hai na ya ukweli. Wananchi pia wanapaswa kuachwa kuwa huru kutoa mawazo yao bila hofu ya kulawitiwa, kutekwa, kuuwawa au kufunguliwa kesi za uongo.
Kinyume chake hapa nchini sasa TISS kwa kushirikiana na CCM wanazuia wananchi kuwa huru kutoa mawazo yao kwa uhuru. Wanawatisha na hata kuwakamata na kuwapoteza.
Kwa sasa nchini, TISS na ccm wanaendesha propaganda za hatari za kufarakanisha dini na Viongozi wa dini ili tu kulinda maslahi ya wanasiasa kisiasa. Kwa sasa wanawapangia hadi wachungaji, masheikh na mapadre wahubiri nini na wakemee dhambi gani. Hii ni hatari kwa usalama wa Taifa.k
Walimu mashuleni sasa wanapangiwa wafundishe nini wanafunzi wao na wawape mifano gani jambo ambalo linaenda kuua free thinking na kusababisha jamii iangamie maana bila fikra huru hapawezi kuwa na jamii imara. Historia ya dunia inaonesha matatizo ya wananchi duniani yalipatiwa ufumbuzi wa kudumu kupitia fikra huru.
Swali langu kwenu wanabodi Je kuna haja na faida tena ya kuendelea kuwepo kwa hiki chombo TISS nchini?
