Na Elius Ndabila
0768239284
Niseme kuwa weekend hii ilikuwa mbaya sana kwangu, ilikuwa ni weekend ambayo kila nikitazama Tanzania sikupata matumaini tena. Ni weekend ambayo ninaamini wapo wengi ambao afya zao zimeharibiwa na huenda hata wengine tumewapoteza uhai wao. Ni weekend hii ambayo watu walizua mambo ya hovyo juu ya Taifa letu. Nilisikitika kuona Watanzania wanaweza kuanzisha jambo tena la kifo bila hata haya. Nilisikitishwa kwa watu wanaoaminiwa kwenye vyama vyao kushangilia jambo hilo kana kwamba wao wana miliki ya maisha yaw engine. Sikutegemea kuona upuuzi huo ukisambazwa na Zito kiongozi mkubwa bila ya kuwa na ushahidi wa jambo lenyewe. Hapa ndipo nilipoona utofauti wa MH Mbowe matured na Zitto(utoto).
Kuonyesha kuwa walitengeneza kwa kusudi maalumu, aliposikia kuwa mchana Mh Rais ataapisha viongozi mchana, Zito akaja na andiko lake la kuomba samahani na kutaka kujua mambo matatu. Uetengeneza taharuki then unaomba radhi, for what? Nilijiuliza maswali, Kama siku zote twetter zake zilijaa upuuzi juu ya Rais na leo anasema anaomba radhi je siku zote alipokuwa anatuma habari hizo kwenye mitandao alikuwa hana utu? Nilijiuliza, kuna uhusiano gani wa mtu anayejiita Kigogo@2014 na ZITO? Kamahakuna uhusiano kwa nini walilibebea bango hili jambo?
Jana bada ya kumuona kipenzi cha Watanzania Wanyonge, ambao kwa miaka mingi walinyonywa na kuporwa mali zao moyo wangu ulitulia. Baada ya moyo kutulia ndipo niliposhika biblia na kuanza kumsoma Yosefu ambaye Biblia inamtaja kama mtu shujaa na aliyeshinda majaribu mengi. Kwa kazi anayoifanya JPM inahitaji uzalendo, utashi, ujasiri na weredi wa hali ya juu. Inahitaji mtu aliyejitoa rohona mwili kama sadaka kwa Watanzania. Kwa kazi anazofanya JPM ni jambo la kawaida kupitia mapito kama ya Yosefu na akashinda. Watanzaniawengi wanamhitaji JPM ndio maana dua za hao wachache waliokesha mitandaoni sikutatu wameshindwa.
Hebu njoo nikupe kisa cha Yosefu huenda kikakuongeza kitu kichwani mwako, Yosefu alikuwa kijana tu mwenye umri wa miaka 17 au 18—lakini alikabili magumu ambayo yangeweza kuwavunja moyo watu wazima. Ndugu zake, walimwonea wivu kwa sababu Yosefu alipendwa sana na baba yake, hata walikuwa karibu kumuua. Badala ya kumuua walimuuza kwa wafanyabiashara hao. (
Mwanzo 37:2, 5, 18-28) Sasa, baada ya kusafiri kwa majuma kadhaa, wafanyabiashara hao wanafurahi wanapozidi kukaribia jiji kubwa mahali wanakokusudia kupata faida kubwa kwa kumuuza Yosefu pamoja na bidhaa zao za thamani. Ni nini kilichomsaidia Yosefu kutovunjika moyo na kukata tamaa? Na tunawezaje kukabiliana na hali ngumu na mambo yenye kuvunja moyo maishani bila kudhoofisha imani yetu? Tuna mambo mengi ya kujifunza kutoka kwa Yosefu. Ukweli ni kuwa JPM ataendelea kushinda kila jaribu kwa kuwa Watanzania waliodhurumiwa kwa miaka mingi ni wengi kulikowaliokuwa wakitudhurumu. Hivyo dua za waliozoea kuwanyonya walalao hoi ni dhaifu kuliko dua za waliokuwa walala hoi kwa kipindi hicho. Wezi sasa hawana uwezo wa kulitikisa taifa kwani JPM ameamuakufa ni masilahi ya wengi. Ndivyo hata Yosefu alivyofanya.
Ukisoma historiaya Yosefu inaeleza mambo mengi sana aliyoyashinda. Hata hivyo wachimbuaji wa vitu vya kale wanasema kwamba Wamisri wa kale walipenda anasa, kulikuwa na bustani zilizozungushwa ukuta pamoja na miti ya kivuli na visima vilivyotumiwa kukuza mafunjo, mayungiyungi na mimea mingine ya majini. Nyumba nyingine zilijengwa ndani ya bustani, pamoja na varanda kwa ajili ya kupunga upepo, madirisha makubwa ya kupitishia hewa, na vyumba vingi kutia ndani chumba kikubwa cha kulia chakula na nyumba za watumishi. Ukifananisha na maisha halisi ya Watanzania, basi haya maisha ndiyo walizoea kuishi wezi, wabadhilifu wa mali zau umma na waliotutengenezea mikataba mibovu. JPM amekuja kuharibu bustani zao zote na kuondoa miti ya kivuri liyotengenezwa kwa fedha za walala hoi.
Je, Yosefu alivutiwa sana na starehe hizo? Inaonekana sivyo. Zaidi ya yote, inaelekea alijihisi upweke sana. Kulikuwa na tofauti kati yake na Wamisri katika lugha, mavazi na mapambo, na hasa dini. Waliabudu miungu mbalimbali ya uwongo, walizoea kufanya mazingaombwe na ufundi wa uchawi, na walivutiwa na kifo na maisha baada ya kifo. Hata hivyo kuna jambo lililomfanya Yosefu asilemewe na upweke. Simulizi la Biblia linatuambia hivi: “Yehova alikuwa pamoja na Yosefu.” (
Mwanzo 39:2) Kwa hakika Yosefu alimweleza Mungu hisia zake. Biblia inasema kwamba “Yehova yuko karibu na wote wanaomwitia.” (
Zaburi 145:18) Ni jambo gani lingine lililomfanya Yosefu awe karibu na Mungu wake?
Biblia inatukumbusha kuwa Yosefu alishinda majaribu mengikwa kuwa alimtanguliza Mungu kwenyekila jambo. Alitambua kuwa ana maadui lakini ili kuwashinda alijua silaha pekee ni kumtanguliza Mungu. Siasa zisituondolee utu, kuumwa ni kwa binadamu yeyote. Hata kama Raisaliuwa kwani tatizo liko wapi? Kuna mtu haugui? Anzisheni vita nyingine hii kama mlitaka kumtega, basi mumejitega.Huenda tukapatwa na hali zenye kuhangaisha na hata kutendewa isivyo haki, lakini tunaweza kujifunza kutokana na imani ya Yosefu. Ikiwa tunaendelea kuwa karibu na Yehova kupitia sala, kubaki washikamanifu kwa amri zake, kujitahidi kufanya yaliyo sawa machoni pake, tutampa nafasi ya kutubariki. Katika kisa cha Yosefu, Yehova aliendelea kumbariki.
