Beberu Mwitu
JF-Expert Member
- Mar 31, 2019
- 495
- 708
Natumaini kila mmoja wetu hapa yupo na siku nzuri kabisa;
Nimekuja kwenu asubuhi hii ili kuomba ushauri wa mambo ya kielimu; hasa kurudia mtihani wa kidato cha sita. Kitaaluma mimi ni mwalimu wa ngazi ya cheti, pia nilisoma kidato cha sita mwaka 2014 mchepuo wa PCM. Sikufanya vema kipindi hicho kutokana na sababu mbalimbali kwani nilipata alama za DEE katika mchepuo wangu;hiyo D ni kwenye Physics na hizo EE ni kwenye Chemistry na Advanced Mathematics.
Mwaka jana nilijiunga na Diploma ya Ualimu Msingi yaani DPTE pale Open University;lakini baada ya kusoma kwa muda mchache kwa mtaala wao mpya nimeona kozi hii hainipi wigo mpana wa kujiendeleza hapo baadaye kwenye masuala ya mbali na ualimu, mimi napendelea taaluma ya sayansi na kompyuta hasa Uhandisi.
Nilijaribu kuomba kubadilisha kozi ya DPTE ili nisome Foundation Program lakini ikawa ngumu kwani nilishasajiliwa kwenye Diploma. Kuna uzi unaofanana na huu nilishauweka hapa na wadau kadhaa wakanishauri, nashukuru sana kwa ushauri wenu na niliufanyia kazi lakini hili la sasa ni tofauti kidogo, japo linaonekana kufanana na lile! hasa baada ya kusoma kwa muda hiyo Diploma ya Ualimu.
Sasa nimeazimia kwa dhati kabisa kurudia mtihani wa kidato cha sita kwa masomo ya Chemistry na Adv. Mathematics pekee kama Mtahiniwa wa Kujitegemea. Naamini nikipata kituo kizuri cha kusomea wakati wa jioni;hii ikihusisha wawezeshaji yaani walimu wa hayo masomo, mwaka ujao nitafanya mtihani huo panapo majaliwa.
Mimi kwa sasa nipo Dar Es Salaam na ni mtumishi wa umma kwa upande wa elimu msingi.
Tafadhali, kama kuna mtu anajua kituo chenye wafundishaji mahiri kwa masomo hayo mawili na ambacho naweza kusoma nyakati za jioni naomba anifahamishe hasa kwa maeneo ya Temeke au Ilala.
Shukrani sana na samahani kwa uzi mrefu ndugu zangu.
Nimekuja kwenu asubuhi hii ili kuomba ushauri wa mambo ya kielimu; hasa kurudia mtihani wa kidato cha sita. Kitaaluma mimi ni mwalimu wa ngazi ya cheti, pia nilisoma kidato cha sita mwaka 2014 mchepuo wa PCM. Sikufanya vema kipindi hicho kutokana na sababu mbalimbali kwani nilipata alama za DEE katika mchepuo wangu;hiyo D ni kwenye Physics na hizo EE ni kwenye Chemistry na Advanced Mathematics.
Mwaka jana nilijiunga na Diploma ya Ualimu Msingi yaani DPTE pale Open University;lakini baada ya kusoma kwa muda mchache kwa mtaala wao mpya nimeona kozi hii hainipi wigo mpana wa kujiendeleza hapo baadaye kwenye masuala ya mbali na ualimu, mimi napendelea taaluma ya sayansi na kompyuta hasa Uhandisi.
Nilijaribu kuomba kubadilisha kozi ya DPTE ili nisome Foundation Program lakini ikawa ngumu kwani nilishasajiliwa kwenye Diploma. Kuna uzi unaofanana na huu nilishauweka hapa na wadau kadhaa wakanishauri, nashukuru sana kwa ushauri wenu na niliufanyia kazi lakini hili la sasa ni tofauti kidogo, japo linaonekana kufanana na lile! hasa baada ya kusoma kwa muda hiyo Diploma ya Ualimu.
Sasa nimeazimia kwa dhati kabisa kurudia mtihani wa kidato cha sita kwa masomo ya Chemistry na Adv. Mathematics pekee kama Mtahiniwa wa Kujitegemea. Naamini nikipata kituo kizuri cha kusomea wakati wa jioni;hii ikihusisha wawezeshaji yaani walimu wa hayo masomo, mwaka ujao nitafanya mtihani huo panapo majaliwa.
Mimi kwa sasa nipo Dar Es Salaam na ni mtumishi wa umma kwa upande wa elimu msingi.
Tafadhali, kama kuna mtu anajua kituo chenye wafundishaji mahiri kwa masomo hayo mawili na ambacho naweza kusoma nyakati za jioni naomba anifahamishe hasa kwa maeneo ya Temeke au Ilala.
Shukrani sana na samahani kwa uzi mrefu ndugu zangu.
