Synthesizer
Platinum Member
- Feb 15, 2010
- 15,415
- 29,584
Napenda kuwakumbusha Raisi Samia na CCM wote kwamba neno demokrasia halina maana sawa na haki, na wala demokrasia haihalalishi haki, na pia inaweza kupindisha haki au hata kuhalalisha ukosefu wa haki. Hata siku moja msikate shauri kwamba mtu aliechaguliwa kidemokrasia na wengi ndio mwenye haki, hata kama alichaguliwa kwa kura zote kidemokrasia.
Angalia kwa mfano, wakati fulani huko nyuma kura ilipigwa kuamua kati ya Yesu na Barnaba mmoja wao auwawe. Demokrasia ikaamua Yesu auwawe. Sasa jiulizeni, ilikuwa ni haki Yesu kuuwawa? Ukiwa mjinga utasema ndio, sasa natumaini nyie si wajinga.
Ndio maana basi, katika hekima zake Nyerere aliamua tuingie vyama vingi japo demokrasia haikukubaliana na hilo. Nyerere hapo alitambua ukosefu wa haki katika demokrasia juu ya kuingia au kutoingia katika mfumo wa vyama vingi vya siasa.
Kwa hiyo inaweza kuwa kweli kwamba kunakuwa na demokrasia ya kuchagua viongozi, na tatizo likawa ni demokrasia isiyo na haki. Demokrasia inaweza kuamua dereva wa lori awe daktari wa kijiji au mcheza mpira maarufu awe raisi wa nchi. Yote haya si haki!
Kulingana na uchaguzi wetu mkuu, siwezi kupinga kwamba Raisi Samia alishinda kidemokrasia kwa kura zilizopigwa. Asilimia 99% sijui. Sawa, alishinda kidemokrasia kulingana na kura zilizohesabiwa na kuwa na jina lake. Lakini sasa, ilikuwa demokrasia katika misingi ya haki? Na ninapouliza katika misingi ya haki simaanishi kushinda uchaguzi kwa kuiba kura au kuwa na kura feki, hapana. Ninachomaanisha hapa ni kwamba, ushindi wa Rais Samia ulikuwa ni aina ya ushindi wa kidemokrasia kama vile tu demokrasia ilipoamua Yesu auwawe na mhalifu Barnaba aachiwe huru?
Kwa sababu kama ndivyo ilivyokuwa, basi kila anaepiga yowe kwamba Raisi Samia alishinda kidemokrasia asiingiliwe, hana tofauti na yule alieshangilia kwamba Yesu asulubiwe na Barnaba aachiwe huru kwa sababu Yesu ameshindwa kidemokrasia! Ubatili mtupu hapo.
Sasa mimi naona ni vema sana Raisi Samia na CCM wakatafakari haya kwa uzito. Wasijikite kwenye kushangilia ushindi wa kidemokrasia, bali kwenye kutafakari demokrasia iliyowapa ushindi. Busara zikitumika tutaondoa kivuli cha maovu kinachoifunika nchi yetu kwa sasa. Na tukumbuke inawezekana kabisa demokrasia inanyima watu haki.
Angalia kwa mfano, wakati fulani huko nyuma kura ilipigwa kuamua kati ya Yesu na Barnaba mmoja wao auwawe. Demokrasia ikaamua Yesu auwawe. Sasa jiulizeni, ilikuwa ni haki Yesu kuuwawa? Ukiwa mjinga utasema ndio, sasa natumaini nyie si wajinga.
Ndio maana basi, katika hekima zake Nyerere aliamua tuingie vyama vingi japo demokrasia haikukubaliana na hilo. Nyerere hapo alitambua ukosefu wa haki katika demokrasia juu ya kuingia au kutoingia katika mfumo wa vyama vingi vya siasa.
Kwa hiyo inaweza kuwa kweli kwamba kunakuwa na demokrasia ya kuchagua viongozi, na tatizo likawa ni demokrasia isiyo na haki. Demokrasia inaweza kuamua dereva wa lori awe daktari wa kijiji au mcheza mpira maarufu awe raisi wa nchi. Yote haya si haki!
Kulingana na uchaguzi wetu mkuu, siwezi kupinga kwamba Raisi Samia alishinda kidemokrasia kwa kura zilizopigwa. Asilimia 99% sijui. Sawa, alishinda kidemokrasia kulingana na kura zilizohesabiwa na kuwa na jina lake. Lakini sasa, ilikuwa demokrasia katika misingi ya haki? Na ninapouliza katika misingi ya haki simaanishi kushinda uchaguzi kwa kuiba kura au kuwa na kura feki, hapana. Ninachomaanisha hapa ni kwamba, ushindi wa Rais Samia ulikuwa ni aina ya ushindi wa kidemokrasia kama vile tu demokrasia ilipoamua Yesu auwawe na mhalifu Barnaba aachiwe huru?
Kwa sababu kama ndivyo ilivyokuwa, basi kila anaepiga yowe kwamba Raisi Samia alishinda kidemokrasia asiingiliwe, hana tofauti na yule alieshangilia kwamba Yesu asulubiwe na Barnaba aachiwe huru kwa sababu Yesu ameshindwa kidemokrasia! Ubatili mtupu hapo.
Sasa mimi naona ni vema sana Raisi Samia na CCM wakatafakari haya kwa uzito. Wasijikite kwenye kushangilia ushindi wa kidemokrasia, bali kwenye kutafakari demokrasia iliyowapa ushindi. Busara zikitumika tutaondoa kivuli cha maovu kinachoifunika nchi yetu kwa sasa. Na tukumbuke inawezekana kabisa demokrasia inanyima watu haki.
