UTATA WA KIMIPAKA: Waziri Makonda kutoa amri kwenye Vivuko Mwanza—Anasimama kama nani kisheria na kiprofeshinali?

Huu utaratibu mpya usiyo na msingi wa kisheria kuna mhuni.
Atatengua agizo la rais au Waziri Mkuu na kuweka la kwake sijui itakuwaje.
 

Umetoa ufafanunuzi mzuri
 
great thinker ndio unaadika vitu bila kujua usahihi wa jambo husika ilim mradi umeandika, kwanza wapi nimesifia kila kitu mpaka uniseme au hutaki kukosolewa kwakuwa unmajiita great thinker? kuna mwaziri wamepewa mikoa ya kuilea, pili makonda kasema kaagizwa na rais samia sasa hapo unasemaje ameingilia kazi za watu? kwani hujawahi kuona dc anakaimu wilaya fulani kikazi, mbona hili dogo sana kwa unavyojidai kuwa great thinker? unadhani makonda hajui mipaka yake? tatizo kujifanya unajua ndio maana mnaonekana hamna kitu.
 

Ndugu Viali,
Umerudi jukwaani ukiwa na hoja nyepesi sana na kudai kuwa sijafanya uchunguzi kwa sababu tu Paul Makonda alisema "katumwa na Rais Samia". Katika jukwaa la GT (Great Thinkers), hatupigi makofi kwa kauli za kusikia jukwaani; tunachambua uhalali wa kikatiba, kisheria, na kiutawala wa mambo yanayofanyika. Ukweli ni kwamba, hoja zako zinaonyesha kiwango cha chini sana cha uelewa wa jinsi mifumo ya dola inavyofanya kazi, na hapa chini nakubomolea hoja zako zote aya kwa aya kwa kutumia sheria na weledi:
  1. DHANA YA "KUTUMWA NA RAIS" VS KUGEUZA SERIKALI KUWA "KAMATI YA NYUMBANI"
    Viali, unapotetea ukiukwaji wa taratibu kwa kisingizio kuwa Makonda kasema “kaagizwa na Rais Samia,” unajivua ufahamu wa jinsi muundo wa mamlaka ya kiutendaji (Executive Branch) unavyofanya kazi kisheria. Serikali ya Jamhuri ya Muungano wa Tanzania haiendeshwi kama kamati ya nyumbani au ya ukoo ambapo mzazi anaweza kumtuma mtoto yeyote kufanya kazi yoyote bila utaratibu. Kama Rais anataka kivuko kianze kazi, kiweledi na kitaasisi anamtuma Waziri wa Ujenzi au Katibu Mkuu Kiongozi (Chief Secretary) kutoa maagizo ya kimaandishi. Kumtuma Waziri wa Habari na Michezo kusimamia ukaguzi wa kihandisi na vivuko mkoani Mwanza ni kuvunja muundo wa kiutawala (chain of command) na kudhalilisha wataalamu vya sekta husika.
  2. "MIKOA YA KULEA" SI MFUMO WA KISHERIA WA KUENDESHA NCHI — TAJA KIFUNGU CHA KATIBA!
    Unadai kuwa kuna "Mawaziri wamepewa mikoa ya kuilea" kama sehemu ya utetezi wako. Hapa unaonyesha jinsi unavyochanganya mbinu za ndani za kisiasa za chama na utaratibu rasmi wa kisheria wa serikali. Viali, naomba ututajie hapa jukwaani ni Ibara gani au Kifungu gani kwenye Katiba ya Jamhuri ya Muungano wa Tanzania kinachotambua cheo au jukumu la "Waziri Kulea Mkoa"?
Great Thinkers wa JamiiForums hawalishwi maneno wala porojo za majukwaani; sisi tunafuata na kuhoji kwa mujibu wa Katiba na Sheria zilizopo. Dhana ya "mikoa ya kulea" ni mgawanyiko wa kisiasa wa ndani ya chama chenu, si muundo wa kikatiba. Kisheria, hakuna kifungu kinachompa Waziri wa Michezo mamlaka ya kutoa maagizo ya kihandisi kuhusu vivuko kisa tu "analea mkoa." Bajeti, mamlaka, na uwajibikaji wa kivuko hicho upo chini ya Wizara ya Ujenzi na Uchukuzi kupitia Wakala wa Ufundi na Umeme (TEMESA), si Wizara ya Michezo.
  1. UPOTOSHAJI WA DHANA YA "KUKAIMU" (FALSE EQUIVALENCE)
    Umetoa mfano usioendana hata kidogo ukisema, “Kwani hujawahi kuona DC anakaimu wilaya fulani kikazi?” Huu ni upotoshaji mkubwa wa kiakili. Mkuu wa Wilaya (DC) anapokaimu wilaya nyingine, anafanya hivyo ndani ya sekta ileile ya Tawala za Mikoa (TAMISEMI) na anakuwa amepewa barua rasmi ya kimaandishi kutoka kwa mamlaka ya uteuzi kukaimu chombo ambacho kisheria yaani wilaya yenyewe tayari kipo. Makonda hajapewa barua rasmi ya kimaandishi kukaimu Wizara ya Ujenzi. Huwezi kulinganisha utaratibu rasmi wa kisheria wa kukaimu na kiongozi anayejiingiza kwenye sekta isiyo yake jukwaani kwa maneno ya mdomo tu.
  2. UKIUKWAJI WA SHERIA ZA UTUMISHI NA FEDHA ZA UMMA
    Ili ukue kiakili, nakupa somo la sheria zifuatazo ambazo agizo hilo limeziyeyusha. Kwanza ni Sheria ya Utumishi wa Umma (Sura ya 298), ambapo kila Waziri anapewa mamlaka yake kupitia Hati ya Majukumu (Instrument of Office). Kuingilia majukumu ya wizara nyingine bila mamlaka ya kisheria ni kosa la kiutawala linaloitwa Ultra Vires (kutenda nje ya mamlaka yako), na maagizo hayo kisheria ni batili kabisa.
Pili ni Sheria ya Fedha za Umma (Sura ya 348). Fedha za vivuko zimeidhinishwa na Bunge chini ya Fungu la Bajeti la Wizara ya Ujenzi, na msimamizi mkuu kisheria ni Katibu Mkuu wa Ujenzi (Accounting Officer). Waziri wa Michezo hana mamlaka ya kisheria kuidhinisha au kuamuru matengenezo au matumizi ya mradi huo. Watendaji hawawezi kuwajibishwa kisheria kwa kufuata amri ya mtu asiye na fungu la bajeti nao.
  1. HATARI YA KISHERIA YA KUTOA AGIZO KWA CHOMBO KISICHOKUWA "COMMISSIONED"
    Hoja nzito uliyoiruka kwa makusudi ni kwamba kivuko kilikuwa hakijawa commissioned rasmi. Kisheria na kiufundi, chombo cha usafiri wa majini kikiwa hakijakuwa commissioned, maana yake bado hakijapokelewa rasmi na serikali kutoka kwa mkandarasi, na hakijathibitishwa na Mamlaka ya Udhibiti wa Usafiri wa Majini (TASAC) kuwa kina usalama wa kubeba abiria.
Waziri anapoamuru chombo kianze kazi kabla ya hatua hii ya kisheria, anavunja sheria za usalama. Endapo kivuko hicho kingepata ajali na kuzama, ni nani angepaswa kubeba dhamana ya kisheria na fidia wakati hakuna nyaraka rasmi ya serikali iliyokiruhusu kuanza kazi? Mfano wako wa "DC" unafilisika hapa, kwa sababu hakuna DC anayeweza kukaimu wilaya ambayo bado haijatangazwa rasmi kwenye Gazeti la Serikali.


HITIMISHO: THAMANI YA NYARAKA ZA KIOFISI VS "UCHAWA" WA JUKWAANI
Viali, ukweli mchungu ni kwamba hakuna tamko lolote rasmi la kimaandishi kutoka Ikulu linalothibitisha utaratibu huu wa kuruka mawizara. Serikali haiongozwi kwa hadithi za kusikia jukwaani za kusema "nimetumwa, nimetumwa". Tabia ya kushangilia na kutetea kila ukiukwaji wa misingi ya kiutawala kwa sababu tu umetajwa jina la Rais ni aina ya uchawa wa kisiasa unaoondoa uwezo wako wa kufikiri.
Kama unadhani sisi wote ni vichwa maji, lete hapa mezani Waraka wa Serikali (Government Circular) au Kifungu cha Sheria kinachompa Waziri wa Michezo mamlaka ya kuamuru vyombo vya usafiri wa majini vianze kazi. Ukishindwa kuleta, funga mdomo wako na uendelee kutetea mambo usiyoyajua peke yako, lakini utuachie sisi Great Thinkers tujadili mustakabali wa nchi kwa misingi ya Utawala Bora. Shuka uwanjani na vifungu, porojo tuachie watoto!


 
Nimeshangaa anampa amri mkuu wa mkoa wa mwanza na wakati wote ni wateule wa Rais..
 
Je ana kiapo cha kulikana jina lake asilia la DAB? Maajabu hayaishi, PM wake naye ni Madelu lakini hawahi kanusha hadharani kuwa anatumia majina yasiyo yake
 

Huo uelewa wako wa kisheria unakupotosha...

Kwa mujibu wa katiba ya JMT, kila waziri husimamia wizara aliyopangiwa na Rais kupitia Hati ya Mgawanyo wa Majukumu ya Mawaziri (Presidential Instrument) ili kutekeleza sera za serikali...

Hivyo kila waziri ana mipaka ya kiutendaji kulingana na wizara aliyoteuliwa kwayo na si vinginevyo...

Collectively responsibility ya mawaziri inafanya kazi wakiwa wanawajibika kwa Bunge la JMT na kamati, hapa ndio unaweza ukaona waziri wa wizara fulani anajibu hoja kwa niaba ya waziri mwingine au wote kwa pamoja...

Pitia ibara hizi za katiba (ibara za 53, 54, 55, 57 na 58
 
Punguza chuki mzee...
 
Nadhani Kila waziri kapewa mkoa wa kulea, mlezi huwezi kumpangia ulezi.
 
Akhsante sana ndugu Kijana wa Ifoza kwa kuleta tafakuri hii.
Kongole sana.

Kama tuna kitu kinaitwa "party supremacy" (ukuu wa chama) badala ya "constitutional supremacy" ( ukuu wa katiba), basi kukutana na wanachama wa chama chenye ukuu wa chama kujipa ukuu hata wasiokuwa nao kisheria na kiuweledi ni jambo la kawaida.

Kama tumekubali misemo ya shule imejengwa na Samia, pesa ya Samia, barabara ya Samia, yaani kila kitu ni Samia, basi tumekubali hata "ukuu hewa" wa wote wanaomfuata Samia!

Serikali hii haina kufuata weledi tena, haina kufuata kanuni, taratibu na sheria.

Mlezi wa mkoa na kuna RC na RCC, ni kule kule kwa CCM kujipa ukuu wa kimamlaka ambao hawana kikatiba.
 
Je ana kiapo cha kulikana jina lake asilia la DAB? Maajabu hayaishi, PM wake naye ni Madelu lakini hawahi kanusha hadharani kuwa anatumia majina yasiyo yake
Mkuu labda ndugu Viali anaweza kuwa na jibu
 
mifano yako ya Uk na wales ni irrelevant linapokuja katika jukwaa la great thinkers...hapa ni watu wanaotumia ubongo kufikiri na kuchanganua mambo kwa weledi..sio sehemu ya akili mnemba...shame on you
 
Cookies are required to use this site. You must accept them to continue using the site. Learn more…