Nimecheka sana, ndio maana nikasema hivi, shida hamsomi. Aya ziko wazi mno kiasi ambacho mpaka mtu unajiuliza akili zenu zipo wapi ?
Kwanza nakupa faida hii kabla ya kuondoa huo unao ona ni utata. Ukitaka kujua maana ya fulani katika Qur'an, angalia aya ya kabla yake inaongelea nini, na aya ya baada yake inaongelea. Kisha fanya ujue sababu ya kushuka aya husika kadhalika Mtume aliielezea vipi aya hiyo na maswahaba zake waliielewa vipi aya husika.
Imam Shawkaniy anasema ukiona kwenye Qur'an Kuna mgongano basi ilaumu akili na elimu yako kwa kushindwa kujua maana ya hiyo.
Naam hakuna kulazimishana katika dini. Hii aya ya 256 katika sura ya pili inasomeka hivi kwa ukamilifu :
256. Hapana kulazimisha katika Dini. Kwani Uwongofu umekwisha pambanuka na upotofu. Basi anaye mkataa Shet'ani na akamuamini Mwenyezi Mungu bila ya shaka amekamata kishikio madhubuti, kisicho vunjika. Na Mwenyezi Mungu ni Mwenye kusikia, Mwenye kujua. (al-Baqarah : 256)
Ya kwamba hakuna kulazimishana au kumlazimisha mtu kuingia katika Uislamu sababu kila kitu wazi na uongofu umeshapambamuliwa.
Ama aya ya 29 katika sura ya 9, inasomeka hivi :
29. Piganeni na wasio muamini Mwenyezi Mungu wala Siku ya Mwisho, wala hawaharimishi alivyo harimisha Mwenyezi Mungu na Mtume, wala hawashiki Dini ya Haki, miongoni mwa walio pewa Kitabu, mpaka watoe kodi kwa khiari yao, hali wamet'ii. (at-Tawbah : 29)
Aya hii kadhalika Iko wazi, inaamrisha kupigana na wasio amini, sababu Hawa ni watu waovu na ni maadui wa Allah, aya hii imeshuka tayari Uislamu umeshika hatamu, na sheria inasema ili mtu asiyekuwa Muislamu abaki kwenye ardhi ya Waislamu ni aidha awe Muislamu kwa hiari yake au atoe (Jizya) kwa maana alipe Kodi.
Bado hakuna mgongano katika aya hizo zaidi ya ujinga wenu na kutokusoma. Vijana someni mambo haya mapesi sana.
Narudi kuendelea hapa nilipoishia.
