Uzi maalum wa kupeana Likes: Comment chochote upate "Like"

Presha kubwa ilikuwa juu ya Argentina na kocha wao, lakini presha mara dufu ilikuwa mabegani mwa Lionel Messi katika kampeni zao kufuzu Kombe la Dunia 2018.
Wengi walishakata tamaa na wengi waliamini Messi ana nafasi ndogo kushiriki kombe la dunia mwakani lakini alichofanya alfajiri ya leo kinathibitisha kwamba yeye ni Simba kama jina lake Leo.
Lionel Messi amewabeba Argentina mabegani mwake na kuwapeleka kombe la dunia baada ya kufunga mara tatu katika ushindi wa bao 3 kwa 1 dhidi ya Ecuador.
 
Mabao ya Messi yamemuweka kwenye vitabu vya rekodi vya Conimobel ambapo anakuwa mchezaji wa kwanza kufikisha mabao 21 wakati wa michezo ya kufuzu kwenye ukanda huo.
Ushindi wa Argentina umetokana na sare ya Colombia dhidi ya Peru ambao wamefungana goli moja moja na kuwafanya Argentina kumaliza nafasi ya 3, James Rodriguez aliifungia Colombia kabla ya Paulo Guererro kusawazisha.
 
Chile ambao hadi jana walikuwa nafasi nzuri walipigwa bao 3 kwa 0 na Brazil na kupelekwa hadi nafasi ya 6 itakayowalazimu kukosa kombe la dunia, mabao ya Brazil yakifungwa na Paulinho na Gabriel Jesus (2).
Uruguay wamekaa katika nafasi ya pili baada ya kuikung’uta Bolivia 4 kwa 2 Luis Suarez akifumania nyavu mara mbili, Cavanni na Martin Caceres moja kila mmoja.
 
Kwa matokeo haya sasa timu za taifa za Brazil, Uruguay, Argentina na Colombia zimefuzu moja kwa moja kombe la dunia mwakani huku Peru watalazimika kucheza kwanza mechi za mtoano.
Concacaf nako ndoto za USA kushiriki fainali za kombe la dunia zilizimwa baada ya Trinidad and Tobago kuwapiga goli mbili kutoka kwa Alvin Jones na la kujifunga la Omar Gonzalez huku bao la USA likifungwa na Christian Pulisic.
 
Vinara wa kundi Mexico walipigwa bao 3 kwa 2 na Honduras lakini haikuwatoa kileleni huku Honduras wenyewe wakimaliza nafasi ya nne itakayowalazimu kucheza mtoano dhidi ya Australia.
Panama waliifunga Costa Rica bao 2 kwa 1 kupitia kwa Gabriel Torres na Roman Torres huku bao la Costa Rica likiwekwa kimiani na Johan Venegas lakini timu zote hizo zina tiketi ya kombe la dunia.
 
Kocha wa Yanga, George Lwandamina atamkosa mshambuliaji wake hatari raia wa Zimbabwe Donald Ngoma, baada ya taarifa ya daktari wa timu hiyo kuthibitisha ukubwa wa tatizo alilokuwa nalo.
Lwandamina ameiambia Goal, kumkosa Ngoma ni pengo kubwa katika safu yake ya ushambuliaji hasa katika mechi ngumu inayowakabili Jumamosi hii dhidi ya Kagera Sugar.
 
Ngoma ni mchezaji muhimu kwenye kikosi changu kumkosa ni pengo kubwa ingawa nafuahia kurejea kwa Amissi Tambwe ambaye Naye alikuwa majeruhi tangu kuanza kwa msimu huu" amesema Lwandamina.
 
Kipa namba mbili wa Simba Said Mohamed, huenda akawahi kurudi uwanjani baada ya tiba ya upasuaji aliyofanyiwa kwenye mguu wake wa kulia kumletea nafuu.
Kaimu Makamu wa Rais Idd Kahuna ameiambia Goal, Kipa huyo tayari ameruhusiwa na jopo la madaktari waliomfanyia upasuaji
 
Nikweli wenzetu wa India wametuhakikishia kuwa Said yupo vizuri na Oparesheni imekwenda safi na wameshamruhusu kurudi nyumbani hivyo tunamtegemea muda wowote hapa nyumbani," amesema Kahuna.
Kiongozi huyo amesema mara baada ya kuwasili nchini Kipa huyo atapatiwa uangalizi wa karibu na daktari wao Yassin Gembe, kabla ya kuanza kucheza.
 
Amesema kwa mujibu wa madaktari hao wamempa Kipa huyo wiki tatu kabla ya kuanza maisha mapya ya kuichezea timu yake mpya aliyojiunga nayo.
Said hajaichezea Simba takribani mechi zote walizocheza msimu huu kutokana na tatizo la goti ambalo alilipata kwenye mazoezi ya timu ya Taifa
 
Wamiliki wa Liverpool wameingia kwenye mazungumzo ya kuuza klabu hiyo, lakini klabu inataka inataka kulipwa paundi bilioni moja kuanza kuachilia klabu hiyo, kwa mujibu wa The Sunday Mirror .
 
Anthony Martial ni mchezaji ambaye Arsenal na Barcelona zinataka kupigana vikumbo kumsajili kutoka Manchester United kwa mujibu wa habari.
Mirror limeripoti kuwa Arsenal wanahisi Mfaransa huyo anaweza kuwa mrithi sahihi wa Alexis Sanchez, wakati Mundo Deportivo limedai kuwa Barca wameonyesha kuvutiwa na uwezo wa mchezaji huyo.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…