Uzi maalum wa kupeana Likes: Comment chochote upate "Like"

[Numbisa]

Wana ‘ndoto za mchana’
Walimu wengi wamejikuta wakiingia kwenye historia mbaya za wanafunzi wenye ubunifu wa hali ya juu kwa kuwaambia kwamba hayo wanayoyawaza ni ‘ndoto za mchana’ (kuwaza mambo ambayo kwa wengi yanaonekana hayawezekani kufanywa) ni kujipotezea muda.

 

[Numbisa]

Wabunifu wengi wanajua kwamba hili linalosemwa na walimu wao si la kweli japokuwa kwa wakati huo wanaweza wasijue jinsi gani ya kuweza kuwathibitishia hivyo walimu wao.

 

[Numbisa]

Wengi wetu tunajua kutokana na matukio yaliyowahi kututokea kwamba mawazo ya maana na ya kibunifu zaidi yanaibuka tu kutoka kusikojulikana wakati mawazo yetu tukiyaelekeza sehemu nyingine.

 

[Numbisa]

Mawazo haya yanayoitwa ‘ndoto za mchana’ na wengine yanaweza kumsababisha mtu aunganishe matukio kwa sababu akili ina uwezo wa kukumbuka taarifa zote hata kama mtu yupo kwenye vikwazo.

 

[Numbisa]

Wataalamu wa mfumo wa fahamu wamebaini kuwa ‘ndoto za mchana’ zinashughulisha/kusisimua sehemu ile ile ya ubongo inayohusika na ubunifu.

 

[Numbisa]

Wanachunguza/kudadisi kila kitu
Dunia ni maabara kubwa kwa wabunifu — wanaona uwezekano wa kila wanaloliwaza na jinsi linavyoweza kutekelezeka na muda wote wanakuwa wanaingiza mawazo mapya na taarifa ambazo wanaweza kuzionesha kwenye kazi zao za kibunifu. Kwa wabunifu wengi, hakuna jambo jipya ambalo kwake linakuwa halina maana au likakosa matumizi.

 

[Numbisa]

Hii ndio sababu baadhi ya watu huwa na vitu vitavyowawezesha kuhifadhi mawazo yanayowajia muda wote. Vitu kama kalamu na karatasi au simu ambavyo hutumia kuhifadhi mawazo mapya na yanayoweza kutumika kwenye kazi zake za kibunifu.

 

[Numbisa]

Wanajipangia muda wa kufanya kazi
Wasanii wengi wakubwa au wenye majina makubwa wameshawahi kukaririwa wakisema kwamba kazi zao nyingi zilizotamba nyakati za asubuhi sana au usiku sana.

 

[Numbisa]

Wengi wamekaririwa wakisema kwamba hufanya kazi zao nyingi mpaka usiku sana na kulala karibu na alfajiri au asubuhi kabisa.

 

[Numbisa]

Bila kujali muda gani wanafanya kazi, watu wenye mafanikio kwenye kazi zao za ubunifu mara nyingi hujichunguza na kubaini muda ambao wanakuwa na uwezo mkubwa wa kufanya ubunifu huo – tofauti na mpangilio maalum wa ajira za wengi ambapo muda wa kufanya kazi unawekwa na waajiri wetu.

 

[Numbisa]

Huunganisha matukio
Kama kungekuwa na jambo moja tu linalowatofautisha watu wenye ubunifu kwa kiwango cha juu na watu wengine, basi ingekuwa ni uwezo wao wa kuona fursa za kutimiza mawazo yao – uwezo ambao wengi wanaukosa — kwa lugha nyepesi, waweza kuuita mtazamo wa mbali.

 

[Numbisa]

Wasanii wengi wakubwa pamoja na waandishi wamesema kwamba ubunifu ni uwezo wa kuunganisha matukio na mawazo ambayo wengine hawatawahi kuwaza kuyaunganisha au kuyatafutia uhusiano wake.

 

[Numbisa]

Kutumia maneno ya Steve Jobs, muanzilishi wa kampuni ya Apple:
“Ubunifu si jambo jingine bali ni kuweza kuunganisha mawazo na vitu. Unapowauliza wabunifu wengi ni vipi walifanya jambo fulani, wengi wanapata hisia za “kuwa na hatia” kwakuwa kikweli hawakufanya lolote, wanakuwa waliona jambo tu na kulitekeleza.

 

[Numbisa]

Kwao jambo hilo linaonekana kuwezekana hasa baada ya kuliangalia na kulitafakari kwa muda. Hii ni kwa sababu wanaweza kuunganisha mawazo waliyowahi kuyapata sehemu mablimbali.”

 

[Numbisa]

Hutenga muda wa kuwa peke yao
Ili uweze kuwa wazi kufanyia kazi mawazo ya kibunifu lazima uwe na uwezo wa kuwa peke yako na kuutumia muda huo kupata mawazo yenye manufaa. Ni lazima mtu aweze kushinda woga wa kuwa mpweke.

 

[Numbisa]

Wasanii na wabunifu wengi mara nyingi sana wamekuwa wakiitwa ni watu wapweke, na ingawa yawezekana kuwaelezea hivi isiwe sahihi, wanapokuwa peke yao ndio muda wanaoutumia kwa kiasi kikubwa kuweza kufanikisha ubunifu wao mwingi – huku kwa wengine wanaoangalia wanaweza kusema kuwa ni upweke.

 

[Numbisa]

Wasanii na wabunifu wengi mara nyingi sana wamekuwa wakiitwa ni watu wapweke, na ingawa yawezekana kuwaelezea hivi isiwe sahihi, wanapokuwa peke yao ndio muda wanaoutumia kwa kiasi kikubwa kuweza kufanikisha ubunifu wao mwingi – huku kwa wengine wanaoangalia wanaweza kusema kuwa ni upweke.

 

[Numbisa]

Wasanii na wabunifu wengi mara nyingi sana wamekuwa wakiitwa ni watu wapweke, na ingawa yawezekana kuwaelezea hivi isiwe sahihi, wanapokuwa peke yao ndio muda wanaoutumia kwa kiasi kikubwa kuweza kufanikisha ubunifu wao mwingi – huku kwa wengine wanaoangalia wanaweza kusema kuwa ni upweke.

 

[Numbisa]

Wengi wao wanakubali kwamba unahitaji kutenga muda wa kuwa peke yako ili uweze kuruhusu akili yako kuwaza vitu mbalimbali vitavyokuwezesha kubuni jambo fulani.

 

[Numbisa]

Unahitaji kujiongelesha wewe mwenyewe na kuja na majibu ambayo unaweza kuyafanyia kazi. Ni ngumu sana kuweza kufanikisha hili endapo hutengi muda wa kujiongelesha wewe mwenyewe, na hii ndio tofauti kubwa kati ya wabunifu na wengine.