Uzi maalum wa kupeana Likes: Comment chochote upate "Like"

[Numbisa]

View attachment 710991
Kwa yeyote anayehusika!

Kitooo

 

[Numbisa]

Usiache Siku Yako Ikaisha Bila Kufanya Mambo Haya.
Yambo mambo matatu ambayo hutakiwi kuacha kuyafanya kila siku. Kwa kifupi, kila siku inapoanza na hadi inapoisha ni lazima uhakikishe mambo hayo umeyafanya kikamilifu. Mambo hayo yatakusaidia sana kukujenga kwenye maisha yako kwa jinsi siku zinavyokwenda mbele.

 

[Numbisa]

Mambo haya muhimu ambayo nataka wewe rafiki yangu uyajue ni kama haya yafuatayo;-

 

[Numbisa]

1. Kujifunza.
Ni muhimu sana kuhakikisha umejifunza kitu cha kukusaidia kwenye maisha yako kila siku, akili yako lazima iweke kitu. Usiache siku yako ikaisha hivi hivi tu, weka kitu cha kukusaidia akilini mwako.

 

[Numbisa]

Kila unapoamka jifunze kitu, na endelea kujifunza kwa siku nzima. Ukijfunza inakusaidia sana kukukomaza kifikra na kukujengea akili ya mafanikio maishani mwako kila wakati. Watu wanaojifunza na kufanyia kazi ndio wanaofanikiwa pia kwenye maisha.

 

[Numbisa]

2. Kutoa upendo.
Ni muhimu pia sana kwako kutoa upendo ulionao na kwa wengine pia kila iitwapo leo. Hutakiwi kuishi kwa uadui, upendo unahitajika ili kuifanya dunia iwe sehemu salama kwako na kwa wengine pia.

 

[Numbisa]

Hio coffee ya kitoo

Cc carba
Ooooppss!!nimekosea
Cc:binti mpole popote ulipo kuna coffee hapa umeandaliwa[emoji23][emoji23][emoji23]

 

[Numbisa]

Kama una ugomvi na watu achana na watu hao. Ishi maisha ya upendo kwa kuwapenda wengine na hiyo itakusaidia kujenga mahusiaono mazuri sana ambayo yataweza kudumu kwa muda mrefu na kwa manufaa.

 

[Numbisa]

3. Kutoa kila ulichonacho kikamilifu.
Huhitaji hapa kuuliza, ni lazima utoe kila ulichonacho kwa ukamilifu wote kupitia kazi unayoifanya. Nini unafanya hapo ulipo, toa uwezo wako woote yaani usibakishe kitu kama ni juhudi weka zote.

 

[Numbisa]

Kama ni maarifa ya aina fulani uliyonayo, hakikisha pia unatoa yote kwa ukamilifu ili kuwasaidia wengine. Kwa kila ukifanyacho, kitoe kwa ukamilifu sana ili kiweze kuleta msaada na matokeo bora kwa watu wengine kwenye maisha yao pia.

 

[Numbisa]

Ukifanyia kazi mambo hayo yatakusaidia sana kuweza kupiga hatua na hata kubadilisha maisha yako.

 

[Numbisa]

Sahau Jambo Hili Na Fanya Mambo Makubwa Maishani Mwako.
Kila siku inapoanza ni siku kubwa sana kwako ya kuweza kufanya mambo makubwa kuliko unavyoweza kufikiria. Kila siku ina fursa fulani hivi kubwa ambayo unatakiwa uitumie kwa ufasaha ili uweze kupiga hatua za kwenda mbele.

 

[Numbisa]

Kama vile mwaka mpya unavyoanza na wengi wanakuwa na hamasa ya kufanya mambo makubwa, hamasa hiyo unatakiwa uiendeleze kila siku, kwani wewe unaishi kwa siku moja tu, siku ambayo unatakiwa kuiboresha sana na kufika mbali.

 

[Numbisa]

Kama kila siku ni mpya na unatakiwa ufanye mambo makubwa, ila unatakiwa ukumbuke mambo hayo makubwa hutaweza kuyafanya kama utasau jambo moja tu. Jambo hili ni vizuizi na changamoto ulivyokutana navyo tayari maishani mwako.

 

[Numbisa]

Najua kuna changamoto za aina fulani ambazo wewe bila hata kupenda uliweza kukutana nazo na ambazo uliona kama zinakukwamisha. Sasa ili uweze kufanikiwa unatakiwa na kupiga hatua kubwa maishani unatakiwa kuzisahaua changamoto hizo.

 

[Numbisa]

Unachotakiwa kukijua vizuri ni kwamba changamoto ulizopitia tayari zimeshapita. Hutakiwi changamoto hizo kuzibeba sana na kuzishikilia na kuziwekea kumbukumbu kwa muda mrefu kama vile maisha yako yameishia hapo.

 

[Numbisa]

Kila kitu kinaweza kubadilika, unatakiwa kuishi kwa kwenda mbele na si kuishi kwa kurudi nyuma ambako unafikiria mambo yaliyopita sana, kuna msemo usemao yaliyopita si ndwele tugange yajao ni kweli ni wakati wa kuganga yajao.

 

[Numbisa]

Zile changamoo za nyuma unatakiwa kuzitumia kama fundisho kwamba vitu gani ubadilishe na vipi usibadilishe lakini usizitumie kama sehemu ya kujilaumu sana ni wapi ulipokosea na kujiona hufai kabisa.

 

[Numbisa]

Sasa unatakiwa kufikiri ni namna gani utakavyoweza kufanya mambo makubwa na kusahau kabisa jinsi ambavyo ulipokwama wakati uliopita. Kila kitu kinawezekana ukiamua fikra zako uziweke kwa namna hiyo.

 

[Numbisa]

Jipe ahadi ya kusahaua yote yaliyo nyuma na shughulika na yale mambo yote yaliyo mbele yako kwa uhakika zaidi wa kuweza kufanikiwa. Uamuzi wa kufikia kufanya mambo makubwa unao ikiwa usipojifunga sana na vizuizi vilivyopita.