Uzi maalum wa kupeana Likes: Comment chochote upate "Like"

Neymar alionekana akichechemea mguu, huku akiwa na magongo yake pamoja na mpenzi wake aliyekuwa akimsaidia kwa ukaribu.
Nyota huyo amekuwa akijaribu kufanya mazoezi ya hapa na pale ili kujiweka fiti iwapo anaweza kurejea dimbani kwa ajili pia ya mashindano ya Kombe la Dunia yanayotarajiwa kufanyika kuanzia Juni mwaka huu.


Hata hivyo, kumekuwa na taarifa kuwa baba yake mzazi ameiomba PSG kutopandisha dau dau lolote ili kumuuuza kwa klabu ya Real Madrid.
 
Awali kulikuwa na taarifa kuwa mzazi huyo wa Neymar aliwaambia vigogo wa PSG kuwa iwapo hawatamlipa Neymar dau la Pauni 600,000 kwa wiki huenda wakampoteza.
 
Nyota wa zamani wa Chelsea, Chris Sutton amesema kocha wa Manchester United, Jose Mourinho "amepitwa na wakati" na aiba yake imebadiliki.

Mourinho amekuwa akishutumiwa na mashabiki wa Man United pamoja na wachambuzi kuhusu aina yake ya soka lisilovutia.

Man United kwa sasa ipo nafasi ya pili katika msimamo wa Ligi Kuu na imefanikiwa kuingia katika nusu fainali ya Kombe la FA, lakini wameondolewa katika Ligi ya Mabingwa.
 
Sutton alisema: "Mourinho amebadilika aiba yake siyo ule aliyekuwa 2004. Anazungumza vitu vya hovyo, na kushambulia watu.

"Ni janga kwa kweli ndani ya Manchester United kwa sasa?, :Lakini kingine Mourinho amekubali kirahisi kumaliza nyuma ya City na hapiganii mataji makubwa tena.
 
Anaangalia majirani zake wanavyocheza pamoja na Liverpool. Huyu ni mtu aliyekuja hapa akisifika kwa ubunifu wake. Sasa anaonekana amepitwa na wakati kwa namna timu yake inavyocheza kwa kulinganisha na timu nyingine."

Mshambuliaji wa zamani wa Arsenal, Ian Wright aliimbia BBC Radio 5 live alisema "hatutaki kucheza na Mourinho kwa sasa".
 
Man United ipo nyuma kwa pointi 16 kwa vinara wa ligi Manchester City zikiwa zimebakia mechi nane pia mwezi ujao wataivaa Tottenham katika nusu fainali ya Kombe la FA.

Lakini City imefunga mabao 85, katika ligi msimu huu na Man United imefunga mabao 58 yakiwa ni machache zaidi kati ya timu zilizopo katika nne bora.
 
UNAAMBIWA hivi, Mohamed Salah ni mchezaji wa 26 kufunga mabao manne katika mechi moja ya Ligi Kuu England.

Mabao hayo manne aliyafunga kwenye mchezo wa Ligi Kuu England wakati timu yake, Liverpool ikiibuka na ushindi mnono dhidi ya Watford, wikiendi iliyopita.
 
Katika mchezo huo, Liverpool ilishinda jumla ya mabao 5-0 huku kati ya mabao hayo, moja lilifungwa na raia wa Brazil, Roberto Firmino na yaliyobaki yote ni Salah mwenyewe.

Kati ya wachezaji hao 26 waliofunga mabao zaidi ya manne kwenye mechi moja, wengi wao wameshaaondoka kwenye ligi, lakini baadhi yao waliowahi kuweka rekodi hiyo bado wapo wakiendelea kutamba, huku wengine wakiweka rekodi kali kabisa ya kufunga mabao hadi matano kwenye mechi moja.
 
Hii hapa orodha ya mastaa waliowahi kupiga bao kuanzia nne ambao bado wapo hadi sasa wakikipiga kwenye Ligi Kuu England.

Mohamed Salah v Watford, 2018

Supastaa wa Misri, Mohamed Salah ndiye mchezaji wa mwisho kwenye Ligi Kuu England kupiga bao nne peke yake kwenye mechi moja.

Staa huyo aligusa nyavu za wapinzani wake mara zote hizo kwenye mechi dhidi ya Watford, ambapo Liverpool ilishinda 5-0.
 
Kitu kinachovutia hata hilo bao jingine lililobaki Salah alihusika, akipiga asisti kwa Roberto Firmino.

Harry Kane v Leicester City, 2017

Straika wa Tottenham Hotspur, Harry Kane ni moja ya wachezaji wanaozifahamu vyema vyavu za wapinzani inapokuja mechi za Ligi Kuu England.

Staa huyo amebeba tuzo ya ufungaji bora kwenye ligi hiyo kwa misimu miwili mfululizo, huku akiwahi kuingia kwenye rekodi ya kupiga bao nne kwenye mechi moja peke yake, wakati Spurs walipoichapa Leicester City 6-1, Mei 2017.
 
Romelu Lukaku v Bournemouth, 2017

Kwa sasa anaongoza mashambulizi katika kikosi cha Manchester United, lakini kabla ya hapo alikuwa huko Everton ambako aliweka rekodi yake matata ya kutupia bao zinazoanzia nne katika mechi ya Ligi Kuu England.

Lukaku alifanya hivyo kwenye mechi dhidi ya Bournemouth iliyofanyika Februari 2017, ambapo Everton ilishinda 6-3.
 
Georginio Wijnaldum v Norwich, 2015

Huko Liverpool anachezeshwa mbali sana na goli la wapinzani tofauti na enzi zake alipokuwa akikipiga kwenye kikosi cha Newcastle.

Eneo lake analocheza kwa sasa ndiyo maana imekuwa adimu sana kumwona staa huyo akipiga mabao ya kutosha.

Hata hivyo, huko nyuma aliwahi kuweka rekodi ya kufunga bao zinazoanzia nne Oktoba, 2015 wakati Newcastle ilipoishinda Norwich 6-2.
 
Sergio Aguero v Tottenham, 2014

Straika wa Manchester City, Sergio Aguero suala la kutupia bao zinazoanzia nne ni jambo la kawaida sana kwake.

Aliwahi kufanya hivyo mara kadhaa, alipowafunga Tottenham Hotspur, Oktoba 2014 kwenye ushindi wa 4-1, akawapiga Newcastle, Oktoba 2015 kwenye ushindi wa 6-1, ambapo alipiga bao tano na alifanya hivyo kwenye ushindi wa 5-1 dhidi ya Leicester City, Februari mwaka huu.
 
Wayne Rooney v Hull City, 2010

Januari, 2010 kwenye mechi moja ya Ligi Kuu England iliyofanyika uwanjani Old Trafford, supastaa wa Manchester United kwa wakati huo, Wayne Rooney alipiga bao nne peke yake kwenye ushindi wa 4-0 dhidi ya Hull City.

Kwa sasa Rooney amerudi kwenye klabu yake ya zamani ya Everton, ambako pia amejaribu kuendelea kuonyesha makali yake katika kutupia wavuni.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…