Uzi maalum wa kupeana Likes: Comment chochote upate "Like"

Dumuzi ana umbile linalomtofautisha na wadudu wengine kwa kuwa na kichwa kilichojificha chini ya kifua kukifanya kisionekane kwa juu, na kina meno makali yaliyo kama ndoana au pembe, mweusi na ana urefu wa milimita 3-4
 
Dumuzi mkubwa huanza kushambulia mahindi hata kabla uvunaji haujaanza na hubebwa pamoja na mahindi wakati wa kupelekwa ghalani. Husitawi zaidi na kuharibu mahindi yaliyo kwenye magunzi kuliko yaliyopukuchuliwa. Kutokana na tabia hii wakulima wanashauriwa kupukuchua mahindi yao kabla ya kuyahifadhi.
 
Kupukuchua mahindi kunafanya pia dawa za kuhifadhi zifanye kazi vizuri. Ana uwezo wa kutoboa hata vibunzi vigumu vya mahindi na kushambulia hata ghala iwapo ghala ni la miti. Wakati akitoboa mahindi vumbi kubwa la zao hili hutoka, na hutaga mayai kati ya 4 mpaka 8 kwenye matundu ya nafaka aliyoyatoboa, na viluilui vyake hukua kwa kula vumbi hilo. Dumuzi huweza kuishi katika maeneo yenye unyevunyevu mdogo sana ambayo wadudu wengine waharibifu hawawezi.
 
UDHIBITI:

Tayarisha ghala mapema kabla ya kuvuna mazao;

Hii hujumuisha, kujenga ghala kubwa kulingana na makisio ya mavuno. Kama ghala ni la zamani, hakikisha liko katika hali nzuri kwa kulikarabati na kulisafisha kabla ya kuhifadhi mazao. Choma moto uchafu wote utokao ghalani ili kuua masalia ya wadudu, kisha safisha vizuri eneo linalozunguka ghala na choma takataka zote.
 
Changanya nafaka na dawa iliyoashauriwa na wataalamu

Mambo muhimu ya kuzingatia ni pamoja na kutumia dawa zilizoshauriwa na wataalamu, hizi zikitumika vizuri zinaweza kudhibiti dumuzi na wadudu wote waharibifu wa mazao. Hakikisha dawa inachanganywa na nafaka iliyokauka vizuri na iliyopepetwa kuondoa takataka. Tumia viwango vilivyoshauriwa.
 
Ni muhimu kwa wakulima kununua dawa kutoka kwenye maduka yanayoaminika, kama FARMER’S CENTRE. Epuka kununua kwenye magulio au kwa wamachinga wanaotembeza dawa mitaani. Mara nyingi hawa huuza dawa bandia ambazo hazidhibiti wadudu, isitoshe zinaweza kuleta madhara makubwa kiafya.
 
Pia ikumbukwe kwamba dawa za kuhifadhi ni aina ya unga au vumbivumbi, na siyo za maji. Wakulima wengi wamezoea kutumia dawa ya actellic ya maji. Actellic ya maji ni kwa ajili ya kunyunyizia ghala kulikinga na wadudu.
 

Hivi ni vibunzi au “Vigunzi”? Hiki Kiswahili nacho saa ingine ni pasua kichwa! [emoji1]
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…