Uzi maalum wa kupeana Likes: Comment chochote upate "Like"

[Numbisa]

Kanuni ya USUMAKU inatufunza kuwa, unaumba uhalisia wa maisha yako wewe mwenyewe. Wewe ni kama Sumaku, unavuta uhalisia wowote ule ambao unaushikilia akilini kwa muda mrefu.

 

[Numbisa]

Ukiamini kuwa wewe ni mtesekaji utazidi kuwa mtesekaji, ukiamini umebarikiwa basi unapata baraka, na ukiamini unaweza kutimiza jambo fulani nawe utaweza kulitimia.

 

[Numbisa]

Hata Yesu alisema; Ukiwa na imani kidogo kama vile Punje ya Haradani unaweza kuuamuru mlima kuhama na ukahama. Jitambue Sasa na yatengeneze maisha yako vyema.

 

[Numbisa]

Anza kusema HAPANA kwa vitu ambavyo vinakuzuia kufikia malengo na ndoto zako za maisha. Matendo yanayokupotezea muda wako, marafiki wabaya, watu ambao maisha yao yanaweza kukupeleka pabaya, stress, hofu, matendo yanayomchukiza Muumba na nafsi yako. Tena unachopaswa kutenda,

 

[Numbisa]

ishi unavyopaswa kuishi na tafakari kiusahihi kila wakati. Kama unapaswa kulipa deni, na kuna mazingira yanayokuzuia kutunza kipato chako kwa matumizi mabaya, acha. Kama unapenda ueshimiwe ishi kiustaarabu na heshimu na wengine. Kama unataka usome na ufaulu kwa maksi nzuri basi ondoa uvivu, matumizi mabaya ya wakati, soma kwa bidii na fanya unalopaswa kufanya ili ufanikiwe mpango wako.

 

[Numbisa]

Utakapoanza kujitambua zaidi utagundua; kama unataka ufanikiwe katika maisha angalia waliofanikiwa wanaishi vipi na ishi hivyo. Kama wanaamka mapema na kusoma au kujituma katika kazi, nawe fuata utaratibu huo, jitume, stay motivated, visuallize it, dream it, never get tired to work hard on it. You will REACH there. You will find yourself there.

 

[Numbisa]

KILA JAMBO LINA WAKATI WAKE”

Wakati au muda ni kitu ambacho hakina mipaka. Hakuna jambo au kitu kisichokuwa na wakati wake na mwisho wake. Kwa maana kuwa, muda/time ndio suluhisho la mambo mengi. Kila jambo lina mwisho na wakati wake. Hata shida ulizo nazo zina kikomo chake ambacho zitaisha. Kila unapokuwa katika kipindi kigumu tambua kuwa kipindi hicho kitapita tu kwani kina mwisho wake. Lakini pia kumbuka kuwa hata unapokuwa katika kipindi cha raha, nacho kina mwisho wake. Hivyo ukiwa katika tafakari hizo katika shida na raha, ridhika na kila ulichonacho.

 

[Numbisa]

UNAWEZA KUWA NA FURAHA PALE UNAPOAMUA KUWA NA FURAHA, KWANI FURAHA NI MTAZAMO WA MTU NA SIO UHALISIA KAMILI”

Umeshawahi kujiuliza furaha maana yake ni nini? Inaweza ikawa na maana tofauti kwa watu tofauti mfano, wapo wanaoona furaha ni pesa, wengine huona furaha ni kutenda mema, wengine hutafsiri furaha ni raha, urembo au chochote ambacho wanaona kinawapa furaha. Lakini ukweli ni kuwa, furaha ni fikra. Unaweza kuwa na furaha pale unapoamua kuwa na furaha hata kama mazingira na hali iliyokuzunguka inakupa huzuni. Angalia katika maisha yako, shukuru kwa kila jambo na weka mtazamo chanya katika mawazo na fikra zako.

 

[Numbisa]

SHUKURU KWA KILA JAMBO”

Kila kitu kina faida na hasara yake. Badala ya kulaumu kila kitu katika maisha yako unaweza kuangalia katika upande mwingine. Mfano, badala ya kuumia na kupoteza muda katika kufikiria ni changamoto gani unazo katika maisha unaweza kubadilisha mtazamo wako na kuangaliza faida za changamoto katika maisha na kuacha kuwaza maumivu yake. Changamoto hutujenga katika maisha na bila changamoto huwezi kuendelea mbele.
Tuzidi kuchukuru kwa kila jambo katika maisha.

 

[Numbisa]

Ufahamu kwa lugha ya kingereza ni consciousness.

Ufahamu wako ndio tofauti iliyopo kati yako na beings au wanadamu wengine kwa sababu ndio tofauti ilipo.

Wanadamu wanatofautiana ufahamu kwani ufahamu ni uelewa, maarifa, busara, kumbukumbu tulizo nazo akilini n.k katika safari tofauti za maisha. Mwanadamu anapozaliwa au anapoingia duniani katika hali ya kifizikia au katika hali ya kuwa na mwili na kuiona dunia tangu akiwa mdogo anajifunza mambo mbalimbali kama vile lugha, sheria za jamii inayomzunguka, kumbukumbu ndogo ndogo, busara, n.k

 

[Numbisa]

vyote hivi anajifunza kupitia milango yake ya ufahamu kama vile macho kwa vitu vya kutazama, ulimi kwa kuonja, ngozi kwa kugusa, masikio kwa kusikia na pua kunusa, vyote hivi vinasababisha uumbaji wa "reality" yako au maisha yako. Mfano leo hii unaweza ukawa na imani fulani au dhana fulani kichwani ambayo unaiamini lakini unaweza usijue ni nini kimepelekea wewe kuwa na imani hiyo.

 

[Numbisa]

Mfano unaweza ukawa unaamini watu wa aina fulani ni wabaya au wakatili, lakini usijue ni kwanini unaamini hivyo. Unaweza kujichunguza kwa dhani na kutambua ni kutokana na tukio fulani ambalo lilikukuta au uliona kwa mwenzio na likakutengenezea dhana ya kuamini vibaya. Hivyo kila siku unaboresha ufahamu wako kwa kujifunza, kwa kutumia milango ya fahamu n.k.

 

[Numbisa]

Mwanadamu anaweza akawa anahisi anaelewa mengi lakini kiuhalisia kuna mengine bado hatujayaelewa kuhusiana na sisi wenyewe katika kutambua nature ya asili ya mwanadamu. Akili ya mwanadamu mpaka leo ni sehemu ambayo haieleweki vyema. Katika saikilojia kuna baadhi ya tafiti ambazo zimeweza kusaidia kwa kiasi fulani tuzidi kuelewa akili ya mwanadamu na matendo yake vyema na jinsi tunavyoitazama dunia inayotuzunguka. Lakini bado kuna mengi tunapaswa kuyafahamu zaidi.

 

[Numbisa]

Kuna baadhi ya tafiti zilizofanyika ambazo zinaweza kutusaidia kuelewa jinsi akili ya mwanadamu ifanyavyo kazi.

1. Stanford Prison Experiment.



Ni mojawapo ya tafiti kubwa ya kisaikolojia inayofahamika sana duniani katika kufahamu historia na jinsi mazingira yanavyoadhiri tabia za wanadamu. Katika tafiti hiyo watu 24 ambao ni wenye afya na wasio na historia yoyote ha kufanya vitendo vya kuvunja sheria waliwekwa katika jela. Baadhi walipewa majukumu ya kuwa walinzi na wengine wakawa wafungwa na kutakiwa kuishi kweli kama wafungwa na wengine kuishi kweli kama walinzi.

 

[Numbisa]

Jaribio hilo liliwataka kila mmoja atumie nafasi yake kama anaishi kiukweli kweli na itachukua muda wa wiki mbili kumaliza utafiti huo. Lakini baada ya siku sita wale walipewa jukumu la kuwa walinzi walianza kuwaonea na kufanya ukatili kwa wenzao na kupelekea zoezi kusitishwa.

 

[Numbisa]

Philipo Zimbardo, ambaye ndiye aliyekuwa anasimamia zoezi lote alisema kuwa, “ Wale waliopewa nafasi ya ulinzi mwanzoni walikuwa wanafanya kama wanaigiza lakini baadaye wakawa wanafanya kweli na mpaka kuonea wenzao. Kuna waliokuwa wanawachapa kabisa wenzao, kuwapa adhabu mbaya, na kuwafanyia vitendo vibaya wafungwa."

 

[Numbisa]

Tafiti hiyo ilifundisha kuwa, baada ya mtu kuigiza hali fulani kwa muda mrefu inapelekea kuanza kuishi kiukweli kweli katika maigizo hayo. Hivyo utagundua kuwa leo hii unaweza ukawa unajiona ni mwema na mkamilifu lakini mazingira na mazoea madogo madogo yanaweza kubadili tabia yako bila wewe kujijua kabisa.

 

[Numbisa]

Jaribio la Kupima Uwezo wa Kutambua Badiliko la Haraka.


Utafiti mwingine maarufu katika historia uliowahi kufanyika; utafiti huo uliwagusa wanafunzi wa vyuo. Ulifanyika kwa mtafiti kumfuata mwanafunzi akiwa njiani na kumuuliza swali kisha anapita mtafiti mwingine kati kati yao akiwa amebeba ubao na wanabadilishana bila yule mwanafunzi kujua kuwa aliyekuwa anamuuliza swali amebadilika.

 

[mzee wa liver]

Utakatifu wa kupewa na binadamu wenzio ni kazi bure [emoji1550]‍♂️[emoji1550]‍♂️[emoji1550]‍♂️[emoji1550]‍♂️[emoji1550]‍♂️[emoji1550]‍♂️[emoji1550]‍♂️[emoji1550]‍♂️[emoji1550]‍♂️[emoji1550]‍♂️[emoji1550]‍♂️

Sasa si ndio taratibu zao mkuu

 

[Numbisa]

Utafiti huu nao ulionyesha udhaifu wa ubongo wa mwanadamu kutambua mabadiliko ya haraka. Wengi walishindwa kutambua kuwa aliyewauliza swali, na yule aliyepita kati kati akiwa amebebea mlango na kuwazuia walibadilishana.