Uzi maalum wa kupeana Likes: Comment chochote upate "Like"

[Numbisa]

Wakati anakwenda kwenye fainali hizo, Ronaldo alikuwa mchezaji wa Real Madrid, lakini kwa sasa ameacha vumbi huko Bernabeu, ambao wanahangaika namna ya kulituliza.

Ronaldo ametimkia Juventus kwa ada ya Euro 112 milioni na kijasho kinawatoka Los Blancos kwenye kutafuta mtu wa kuja kuziba pengo lake.

 

[Numbisa]

Lakini, kinachoelezwa ni kwamba kwenye orodha hii ya mastaa waliotamba kwenye fainali za Kombe la Dunia 2018 huko Russia kuna mmoja wao, anafaa kwenda kuchukua na kuzivaa buti za Ronaldo huko Bernabeu.

 

[Numbisa]

Neymar

Kwa muda mrefu sana, Rais wa Real Madrid, Florentino Perez amekuwa akimtamani sana supastaa wa Kibrazili, Neymar, ambaye mwaka jana tu hapo aliondoka Barcelona kwenda Paris Saint-Germain kwa ada iliyovunja rekodi ya dunia kwenye uhamisho, Euro 222 milioni.

 

[Numbisa]

Mbrazili huyo, ambaye amezaliwa tarehe moja na Ronaldo, lakini akiwa mdogo kwa miaka saba dhidi ya supastaa huyo wa Ureno, ndiye anayepewa nafasi ya kwenda kuziba pengo la mwanasoka huyo bora duniani mara tano.

 

[Numbisa]

Kylian Mbappe

Mbappe ni mwanasoka mwenzake Neymar wanaocheza pamoja kikosi cha Paris Saint-Germain. Kinda huyo (19) bado anawasha moto kwenye fainali za Kombe la Dunia baada ya kuifikisha Ufaransa hatua ya fainali.

 

[Numbisa]

Lakini, huko PSG staa huyo yupo kwa mkopo tu, aliponaswa mwaka jana akitokea Monaco na sasa, mabingwa hao wa Ufaransa watapaswa kulipa Pauni 166 milioni kama wanahitaji huduma yake jumlajumla. Real Madrid nao wanadhani ni mtu mwafaka wa kuziba pengo la Ronaldo hasa kutokana na umri wake, lakini saini yake inaweza kuwagharimu Euro 300 milioni.

 

[Numbisa]

Eden Hazard

Supastaa wa Ubelgiji, Eden Hazard ameshawahi kukiri atashawishika kwenda kujiunga na Real Madrid kama kutatokea fursa ya kufanya hivyo.

 

[Numbisa]

Lakini, kauli hiyo Hazard aliisema kipindi kile kikosi hicho cha Los Blancos kilikuwa chini ya Kocha Zinedine Zidane. Kwa sasa kocha huyo Mfaransa ameshaondoka na Madrid wamepata kocha mwingine, ambaye haifahamiki kama Hazard atakuwa tayari kwenda kufanya kazi chini yake. Lakini, unaambiwa hivi, wachezaji wanapenda kwenda Real Madrid kwa ajili ya timu yenyewe na si kocha, hivyo staa huyo wa Chelsea anaweza kuibukia Bernabeu baada ya kudumu Stamford Bridge kwa misimu sita. Kiwango chake bora alichokionyesha kwenye Kombe la Dunia kinaweza kumfanya abambe dili hilo.

 

[Numbisa]

Robert Lewandowski

Kwa muda mrefu, straika Robert Lewandowski amekuwa kwenye mipango ya Real Madrid hasa dirisha hili la uhamisho huko Ulaya wakati aliposema anafikiria kuachana na Bayern Munich.

Hata hivyo, shida ya mshambuliaji huyo ipo kwenye umri wake, miaka 30 si kitu ambacho Real Madrid watafurahishwa nacho na kumsajili mshambuliaji huyo wa kimataifa wa Poland.

 

[Numbisa]

Kwenye Kombe la Dunia 2018, Lewandowski hakuwa na wakati mzuri na hata kama atachukuliwa na Real Madrid, basi ni kwenda tu kuongeza idadi ya washambuliaji kwenye timu hiyo na si kuziba pengo la Ronaldo. Hivyo viatu vitampwaya tu. Anafikisha miaka 30 mwezi ujao.

 

[Numbisa]

Harry Kane

Real Madrid wamekuwa wakimtazama Kane kwa karibu sana wakipiga hesabu za kumsajili, lakini shida inakuja sehemu moja tu, straika huyo wa England hivi karibuni alisaini mkataba mrefu zaidi wa kuendelea kuitumikia Tottenham Hotspur.

 

[Numbisa]

Hata hivyo, wanasema hivi, kwenye pesa hakuna kinachoshindikana, Madrid inaweza kupambana na kupata huduma ya mshambuliaji huyo hata kama hivi karibuni alisaini mkataba mrefu huko Spurs.

 

[Numbisa]

Kane amekuwa na fainali bora kabisa kwenye Kombe la Dunia 2018 akifunga mara sita kabla ya mechi ya usiku wa jana wakati chama lake la England lilipokabiliana na Croatia kwenye nusu fainali.

 

[Adamjuma94]

 

[Numbisa]

Mohamed Salah

Staa huyo wa kimataifa wa Misri naye alisaini mkataba mrefu katika klabu yake ya Liverpool. Mohamed Salah ni moja ya wachezaji ambao Real Madrid inawatazama kwa macho ya matamanio wakiwapigia hesabu za kuja Bernabeu kumaliza wasiwasi utakaoibuka kutokana na kuondokewa na Ronaldo kwenye kikosi. Fainali za Kombe la Dunia huko Russia hazikuwa vizuri sana kwa Salah kwa sababu alikuwa majeruhi baada ya kuumizwa na Sergio Ramos kwenye fainali ya Ligi ya Mabingwa Ulaya msimu uliopita.

 

[Numbisa]

Hata hivyo, Salah ameondoka kwenye fainali za Kombe la Dunia akiwa na mabao mawili, hivyo Los Blancos wanaweza kuifikiria saini yake kwenye kikosi chao.

 

[Numbisa]

Hata hivyo, Salah ameondoka kwenye fainali za Kombe la Dunia akiwa na mabao mawili, hivyo Los Blancos wanaweza kuifikiria saini yake kwenye kikosi chao.

 

[Numbisa]

Paulo Dybala

Kocha wa Argentina, Jorge Sampaoli hakutaka kabisa kumpa nafasi Paulo Dybala kwenye kikosi chake katika fainali za Kombe la Dunia huko Russia.

Staa huyo aliishia kukaa benchi tu muda mwingi wa fainali hizo licha ya kuorodheshwa kwenye moja ya wachezaji ambao wangekuwa tishio zaidi katika fainali hizo kama wangepewa nafasi. Kwenye kikosi cha Juventus, Dybala alikuwa mmoja wa mastaa wa maana, hivyo iliwashangaza wengi kuona Argentina inashindwa kumtumia vyema na matokeo yake walikomea kwenye hatua ya 16 bora tu kwenye fainali hizo, wakati walipochapwa na Ufaransa. Dybala ni mmoja wa wachezaji wanaotajwatajwa huko Bernabeu huenda wakapewa nafasi ya kwenda kuziba pengo la Ronaldo, ambaye amekwenda Juventus. Lakini, shida inakuja sehemu moja, Juventus watakubali Dybala aondoke?

 

[Numbisa]

Sergej Milinkovic-Savic

Kiungo wa Serbia, Sergej Milinkovic-Savic ni mtoto wa mchezaji wa zamani, Nikola Milinkovic na alizaliwa Hispania, wakati baba yake alipokuwa kwenye kikosi cha Lleida huko Catalunya.

Kiwango chake bora kwenye kikosi cha Lazio kimemfanya aanze kufukuziwa na Real Madrid na klabu nyingine vigogo wa Ulaya, lakini hata kama atatua Santiago Bernabeu hawezi kwenda hapo na kuhesabika kama ni mrithi wa Ronaldo.

 

[Numbisa]

Sergej Milinkovic-Savic

Kiungo wa Serbia, Sergej Milinkovic-Savic ni mtoto wa mchezaji wa zamani, Nikola Milinkovic na alizaliwa Hispania, wakati baba yake alipokuwa kwenye kikosi cha Lleida huko Catalunya.

Kiwango chake bora kwenye kikosi cha Lazio kimemfanya aanze kufukuziwa na Real Madrid na klabu nyingine vigogo wa Ulaya, lakini hata kama atatua Santiago Bernabeu hawezi kwenda hapo na kuhesabika kama ni mrithi wa Ronaldo.