Uzi maalum wa kupeana Likes: Comment chochote upate "Like"

[mzee wa liver]

Taifa lenye idadi ya watu milioni 4.17, huenda wakaonekana wachache lakini rekodi ya taifa lenye idadi chache ya watu kuwahi kubeba Kombe la Duia mpaka sasa ni Uruguay, walioondoka na ubingwa 1930 wakiwa na idadi ya watu milioni 1.7

 

[mzee wa liver]

Ingawa wanaorodheshwa nafasi ya 20 jedwali la FIFA, kikosi cha Dalic ndicho cha nafasi ya chini zaidi kuwahi kufika fainali ya Kombe la Dunia.

 

[mzee wa liver]

Kufika fainali ni ufanisi unaostahili kongole kwani inakuja baada ya miaka 20 walimaliza wakiwa nafasi ya 3 baada ya kung'olewa hatua ya nusu fainali na Ufaransa.

 

[mzee wa liver]

Ingawa waliiacha England na huzuni kwa kuzima ndoto zake, mji mkuu wa taifa hilo wa Zagreb ulikuwa kinyume huku maelfu ya wananchi wakijaa kwenye barabara za miji kwa nyimbo na shamrashamra wakiwa wamejihami kwa jezi za rangi nyeupe na nyekundu.

 

[mzee wa liver]

Isitoshe, Croatia ilijinyakulia uhuru wake mnamo 1991.

 

[mzee wa liver]

Ufaransa ilipokuwa mwenyeji wa Dimba la Euro 2016, ililizwa na Ureno baada ya kufungwa mbele ya wafuasi wa nyumbani.

 

[mzee wa liver]

Taifa zima na mashabiki wake hawajasahau jeraha walilopata kutokana na matokeo hayo.

 

[mzee wa liver]

Ufaransa imekuwa ikisukumwa na azma ya kurudisha tabasamu nyuso za mashabiki wake kwa kuwategemea wachezaji wake waliokomaa akiwemo kinda Kylian Mbappe ambaye kasi yake imekuwa kibarua kwa mabeki wa wapinzani.

 

[mzee wa liver]

Lakini licha ya kufanikiwa kwa matuta na dakika za ziada, haijakuwa kikwazo Croatia.

 

[mzee wa liver]

Nani ataibuka na tuzo ya mchezaji bora Urusi 2018?

 

[mzee wa liver]

Luka Modric analenga kujizolea medali nyingine baada ya kupokea dhahabu akiiwakilisha Real Madrid walipoibuka na Kombe la Champions League mwezi mei.

 

[mzee wa liver]

Hapo awali, macho yote yalielekezwa kwa mabingwa wa vizazi vya sasa, Mreno Cristiano Ronaldo na nyota wa Argentina Lionel Messi lakini wote waliondoka mapema alfajiri katika hatua ya mchujo na kuwapisha mastaa wapya watakaojulikana baada ya fainali Urusi.

 

[mzee wa liver]

La kustajaabisha ni kuwa, hakuna mshindi wa Kombe la Dunia aliyewahi kutunukiwa mchezaji bora kwa miaka 24. Hata iwapo timu ya nyota itafungwa, haitamzuia kuzawadiwa.

 

[mzee wa liver]

Kuna uwezekano mambo yakabadilika mwaka huu kwani kiungo wa Croatia Luka Modric amemiminiwa sifa kedekede kutokana na fomu yake mechi zote alizoiwakilisha Croatia Urusi.

 

[mzee wa liver]

Amekabidhiwa taji la mchezaji bora wa mechi katika mechi 3 kati ya sita walizocheza ikiwemo mechi aliyoidhalilisha Argentina hatua ya makundi mbele ya Maradona.

 

[mzee wa liver]

Mshambulizi chipukizi wa Ufaransa Kylian Mbappe amejitambulisha kwenye jukwaa la Urusi kutokana na umahiri wake mechi dhidi ya Argentina kwa kutumia mbinu mbalimbali ikiwemo kasi, chenga za dhihaka na mabao ya maana yaliyoirahisishia Ufaransa kuizima Argentina.

 

[mzee wa liver]

Anasaka kuwa chipukizi wa pili tangu shujaa wa Brazil Pele mnamo 1958 kufunga goli fainali ya Kombe la Dunia.

 

[mzee wa liver]

Antoine Griezmann, ni mwingine ambaye anatishia ufanisi wa Mbappe.

 

[mzee wa liver]

Wote wawili, licha ya kuwa katika safu moja, wanashikilia mabao sawa na wanahitaji mabao matatu kutuzwa mfungaji bora kwani anayeongoza jedwali, Mfungaji wa England Harry Kane amefunga mabao sita.

 

[mzee wa liver]

Beki bora wa Kombe la Dunia?