Uzi maalum wa kupeana Likes: Comment chochote upate "Like"

Real Madrid ilitarajiwa kufanya usajili wa straika mpya wa kuziba pengo la Ronaldo, aliyetimkia Juventus, lakini si Rodrigo wala Mauro Icardi, hakuna hata mmoja anayeonekana atatua Bernabeu licha ya kutajwatajwa tu majina ya kina Kylian Mbappe na Neymar.
 
Kocha Lopetegui anawatia wasiwasi mashabiki wa Los Blancos kwa sababu kama hakutakuwa na usajili wa straika mpya, basi kitu kitakachokuwa kimebaki ni kumtegemea kinda, Vinicius Junior, ambaye kimsingi anahitaji kucheza nyuma ya mshambuliaji namba moja ili kujifunza zaidi na si kupewa majukumu mazito moja kwa moja. Hakuna shaka mashabiki wa Real Madrid watakuwa na maswali mengi ya kujiuliza, hivi huyo kinda anayeaminika hivyo, ni nani hasa huyo Vinicius Junior?
 
Jina lake kamili ni Vinicius Jose Paixao de Oliveira Junior na alizaliwa Julai 12, 200 katika mji wa Sao Goncalo, Brazil.

Vinicius Junior ni Mbrazili. Mei 23, 2017, Vinicius alinunuliwa na Real Madrid akitokea Flamengo ya Brazil. Kinda huyo alitarajiwa kurejeshwa kwao kwa mkopo. Juni 2017, Vinicius alitokea kwenye orodha ya Gazeti la Telegraph ya makinda bora kabisa duniani wenye umri chini ya miaka 21. Kipindi hicho alikuwa akicheza soka lake huko Amerika Kusini wakati inatolewa orodha hiyo, akitajwa kwenye namba 39, lakini sasa baada ya kutua Ulaya, tena kwenye kikosi cha Real Madrid, mambo yanaweza kuwa tofauti.
 
Jinsi alivyoanza soka

Vinicius Junior, maisha yake ya soka yalianzia mwaka 2006, wakati baba yake alipochukuzana naye na kuhamia kwenye ofisini yake huko Flamengo katika Kijiji cha Mutua kilichopo jirani kabisa na Sao Goncalo walikokuwa wakiishi. Akitokea familia ya kimaskini, Vinicius alihamia Abolicao akiwa na mjomba wake ili kuwa karibu kabisa na uwanja wa mazoezi wa Flamengo, Ninho do Urutu. Mwaka 2007 akaingizwa kwenye akademia ya Flamengo iliyopo Sao Goncalo, ambako alianza kujifunza masomo ya futsal huko Canto do Rio, klabu maarufu zaidi Niteroi. Alibaki hapo hadi 2010. Mwaka 2009, akiwa na miaka tisa, wazazi wake walimpeleka kufanya majaribio ya futsal huko Flamengo, lakini aliambiwa arudi mwaka uliofuatia ili umri wake uongezeke kidogo. Akaamua kuchana na futsal na Agosti 2010 akaamua kwenda kufanya majaribio kwenye timu ya soka ya Flamengo na kufaulu.
 
Aingia Flamengo, asaini mkataba

Vinicius alisaini mkataba wa timu ya watoto Flamengo akiwa na umri wa miaka 10 tu na tangu wakati huo akawa anapewa mazoezi ya kibabe na kumfanya awe mahiri zaidi. Aliitwa kuichezea Timu ya Taifa ya Brazil kwa vijana waliochini ya miaka 15 akiwa na miaka 13 tu. Mwaka 2015, Vinicius aliongoza Flamengo kubeba ubingwa wa Copa Votorantim, moja ya michuano mikubwa kabisa huko Brazil kwa timu za umri chini ya miaka 15. Alikuwa mfungaji bora kwenye michuano hiyo akifunga mara sita katika mechi tisa. Mwaka 2016, Vinicius alihamia kwenye timu ya chini ya miaka 17, akiwa mwaka mmoja nyuma kuliko wenzake kwenye kikosi. Akang’ara tena, kwa kufunga mabao 10 na kuongoza kwa asisti na kuifanya Flamengo kubeba ubingwa wa Ligi ya Rio de Janeiro. Kwenye timu ya chini ya miaka 20, aliisaidia Flamengo kushinda ubingwa wa Kombe la Vijana la Sao Paulo, licha ya kucheza mechi hizo akiwa na pungufu ya miaka mitatu tofauti na wachezaji wenzake wengine. Baada ya kufika umri wa miaka 16 tu, haraka sana Flamengo ilimsainisha mkataba wa miaka mitatu wa soka la kulipwa na hapo ikamwekea kipengele cha Euro 30 milioni kwa timu inayotaka kumsajili, huku klabu ikiwa na haki ya umiliki wa mchezaji huyo kwa asilimia 90.
 
Vigogo wamtaka, atua Madrid

Ghafla tu kiwango cha Vinicius na kipaji chake kikatambulia kwenye dunia ya soka na hapo klabu vigogo wa Ulaya wakaanza kumsaka.

Barcelona na Real Madrid waliongoza kwenye mbio za kumsaka mchezaji huyo, lakini ni Los Blancos ndio waliofanikiwa.

Mei 2017, Real Madrid ilitoa ofa ya Euro 45 milioni kumsajili Mbrazili huyo ili atue Bernabeu atakapofikisha umri wa miaka 18 unaoruhusiwa kisheria kufanya uhamisho wa kimataifa.
 
Na Julai 12 mwaka huu, alipofikisha umri wa miaka 18, Real Madrid ilimsainisha rasmi mkataba wa soka la kulipwa kwenye kikosi chake, huku ada yake ikidaiwa kuwa ni Euro 46 milioni na kuwa mchezaji ghali wa Kibrazili aliyeuzwa moja kwa moja kutoka kwa timu za Brazil kwa pesa nyingi.

Neymar ndiye anayeongozwa baada ya kuripotiwa alinaswa na Barcelona akitokea Santos kwa uhamisho wa Euro 86 milioni.

Julai 20, Real Madrid ilimtambulisha rasmi Vinicius kuwa mchezaji wa timu hiyo.
 
JOSE Mourinho amefungua kinywa chake na kusema, kama isingekuwa Manchester United, yaani ingekuwa timu nyingine yoyote ile, basi hadi kufika dakika hii, angekuwa tayari ameshabwaga manyanga na kuchukua hamsini zake.

Kocha huyo Mreno analalamika bosi wake, Ed Woodward amemwangusha sana kwa kushindwa kumpatia wachezaji aliokuwa akiwataka wasajiliwe katika dirisha hili la uhamisho wa majira ya kiangazi huko Ulaya. Taarifa zilizopatikana Old Trafford ni kwamba Mourinho atapewa pesa za kusajili itakapofika Januari, lakini sharti ni moja tu, afanye usajili wa wachezaji wanaouzika na si kuwabeba wazee. Hilo, limeeleweka.

Lakini shida ipo sehemu moja tu, atafika Januari?
 
Kocha wa zamani wa Real Madrid, ambaye kwa sasa hana kazi, Mfaransa Zinedine Zidane naye amewaambia marafiki zake anaitaka kazi ya kuinoa Man United na atakubali bila ya kusita kuchukua kibarua hicho kama Mourinho atafutwa kazi.

Wachambuzi wengi wa soka wanaamini Zidane ndiye kocha atakayeweza kuleta mapinduzi ya kweli kwenye kikosi hicho cha Old Trafford baada ya Mourinho aliyekuwa akiaminika kushindwa kufanya hivyo. Kwa sasa kinachoelezwa kitakachomlinda Mourinho kwenye kibarua chake ni matokeo ya uwanjani.

Kuna kundi la mashabiki wa Man United wanaamini ujio wa Zidane huko Old Trafford utamfanya Paul Pogba aanze kutumika vizuri kwenye kikosi na wachezaji wengine mafundi wa mpira kama Anthony Martial, Ander Herrera na Juan Mata na kuachana na akili moja tu, kubaka.

Mastaa hao wanapata shida Man United kwa sasa kutokana na falsafa za Mourinho kutaka kukaba zaidi, wakati wachezaji hao kimsingi ni wazuri kwenye kushambulia na si kuzuia.
 
Rekodi za msimu huu za Man United kwenye Ligi Kuu England zinatia mashaka baada ya kugusa mpira mara 12 tu kwenye kisanduku cha 18 cha timu pinzani kwa dakika 180 ilizocheza kwenye ligi hiyo.

Hii ina maana timu muda mwingi inakuwa kwenye eneo lake na si kwenda mbele kushambulia.

Ujio wa Zidane Man United utakata kiu ya mashabiki wa timu hiyo kuona timu yake ikiwa na uwezo tena wa kunasa wachezaji wa maana kama vile Neymar, Kylian Mbappe, Isco, Eden Hazard, Paulo Dybala, Antoine Griezmann na wengineo ambao wanapenda zaidi kucheza soka la kushambulia kuliko kukaba.

Mfumo wa Mourinho wa kukaba unawafanya wachezaji hao matata kabisa duniani kwa sasa wasishawishike kutua Man United kama Mreno huyo ataendelea kubaki Old Trafford.

Mourinho anashutumiwa kuwa na mtazamo hasi kwenye soka. Lakini hili la Zidane kusema anaitaka kazi hiyo, linampa presha zaidi Mourinho.

Keshokutwa Man United itakuwa uwanjani Old Trafford kuikaribisha Tottenham kwenye mechi ya Ligi Kuu England na kipigo hapo kinaweza kufungua ukurasa mpya kwa kocha huyo wa zamani wa FC Porto, Chelsea, Inter Milan na Real Madrid, anaweza kuelekezwa kwenye mlango ulioandikwa ‘exit’ akafanya shughuli nyingine.
 
Mtafanya watu wawe wanashinda wanazunguka na mabasi sasa. Kwema lakini Kaisiki? Nasikia pia umeanza kuitwa Ester/ Esther hata sielewi ni kwa nini. Ni kwa sababu ya ushujaa kama ule wa Esther wa kwenye Biblia aliyeiokoa familia ya Modekai na Wayahudi wenzake wote au kuna sababu nyingine?
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…