Uzi maalum wa kupeana Likes: Comment chochote upate "Like"

HUKO Tottenham Hotspur presha ni kubwa baada ya kuripotiwa kwamba wachezaji wa timu hiyo wakiwa kwenye hofu kubwa ya kumpoteza kocha wao Mauricio Pochettino.

Baadhi ya wachezaji na wafanyakazi wengine kwenye kikosi cha Spurs wana hofu kwamba huenda huu ukawa msimu wa mwisho kwa Pochettino kuwa kocha wa timu hiyo baada ya Manchester United na Real Madrid kuonyesha dhamira ya dhati ya kunasa huduma yake.
 
Shida nyingine inayodaiwa kwamba inaweza kumwondoa Muargentina huko kwenye kikosi hicho ni kitendo cha kushindwa kupewa sapoti na mwenyekiti, Daniel Levy. Kocha, Pochettino, ambaye ameshasema wazi kwamba hajisikii vizuri kwenye klabu hiyo, tayari amekuwa akitajwa kwenda kuchukua nafasi huko Bernabeu au kwenda kumrithi Jose Mourinho huko Old Trafford. Madrid kwa sasa wameachana na kocha wao Julen Lopetegui na wananolewa na Santiago Solari kwa muda.
 
Kulikuwa na taarifa kwamba Real Madrid inataka kumpa Pochettino mshahara mara mbili ya kiwango anachovuna huko Spurs kama atakubali kwenda kujiunga na timu yao. Lakini, taarifa za kutoka kwa mtu mmoja wa karibu wa kocha huyo ikidai kwamba kwa sasa hawezi kuondoka hadi hapo itakapofika mwisho wa msimu. Man United wanamtaka pia akachukue mikoba ya Mourinho, ambaye amekuwa akiripotiwa pia kwamba anatakiwa na Florentino Perez arudi huko Bernabeu. Pochettino hapendi namba bosi Levy anavyoendeesha timu hiyo kwa sasa kukiwa hakuna usajili wa maana unaofanyika kuipa timu nguvu ya kupambana kwenye mataji.
 
UNAAMBIWA hivi, ile dirisha la usajili likifunguliwa tu, kazi ya kwanza itakayofanya Manchester United ni kusajili mabeki kuimarisha safu yao ya ulinzi.

Kocha wa chama hilo la Old Trafford, Jose Mourinho anafahamu wazi kabisa kikosi chake kina mapungufu makubwa kwenye safu ya mabeki na ndio maana amefanya alichoamua kukifanya kunusuru jambo hilo.
 
Mourinho ameorodhesha mabeki watatu wa kati ambao amemtaka bosi wa timu hiyo, makamu mwenyekiti Ed Woodward kuwasajili kwenye dirisha lijalo la Januari.

Mourinho alichukia wakati Woodward aliposhindwa kusajili beki wa kati kwenye dirisha lililopita la majira ya kiangazi, wakati Man United iliporipotiwa kushindwa kuwasajili Toby Alderweireld, Harry Maguire na Jerome Boateng.
 
Man United wamekuwa na mwanzo mgumu kwenye Ligi Kuu England msimu huu, sasa wakishika nafasi ya nane kwenye msimamo na jambo hilo limemfanya Woodward kutenga Pauni 100 milioni za kufanya usajili kwenye dirisha la Januari. Kwenye orodha hiyo ya mabeki anaowataka, Mourinho anamtaka Woodward atumie pesa zake kumnasa mmoja kati ya hawa, Milan Skriniar kutoka Inter Milan, Alessio Romagnoli wa AC Milan au Nikola Milenkovic wa Fiorentina. Mourinho pia anataka straika wa kuja kumpa changamoto Romelu Lukaku.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…