KIUNGO wa zamani aliyetamba na klabu ya Sevilla, Arsenal na Manchester City, Samir Nasri ambaye kwa sasa ni mchezaji huru anayefanya mazoezi na klabu Westham ametakiwa kupunguza kilo 11 kujiweka katika nafasi ya kusajiliwa msimu ujao na klabu hiyo.
Nasri anayechezea nafasi ya kiungo amekuwa nje ya uwanja tangu mwaka uliopita baada ya kufungiwa kucheza soka kwa miezi 18 kutokana na kubainika kutumia dawa zilizopigwa marufuku mchezoni.
Nasri mbaye bado anaonekana kuwa na kipaji cha soka itamlazimu kuzipunguza kilo hizo ili aweze kupata dili la kujiunga na wagonga nyundo hao walio chini ya kocha wake wa zamani, Manuel Pellegrini aliyemfundisha akiwa Manchester City.
Agizo hili la kupunguza uzito halikuwa ni mara ya kwanza kwani akiwa anaitumikia klabu ya Manchester City mwaka 2016 Kocha Pep Guardiola aliwahi kumwambia atamhitaji endapo tu atapunguza uzito wa mwili.
Mchezaji mwenzake, Pablo Zabaleta aliyewahi kucheza naye wakiwa Manchester City amekuwa akimpigia debe kwa vigogo wa Westham wamchukue mchezaji huyo kwani anaamini bado ana uwezo mkubwa.
Hali ya hiyo ya kutakiwa kupunguza kilo hizo imenigutusha siku ya leo kuwapa ufahamu wa namna ya kukabiliana na uzito uliokithiri ambao ndiyo unaotishia mustakabali wa soka la nyota huyo wa Ufaransa.
Ili kubaini uzito mkubwa au uliokithiri kuna njia ya kimahesababu ambayo hutumika kukokotoa ili kubaini hali ya uzito wa mwili.
Kikokotozi hicho kijulikanacho kitabibu kama Body Mass Index (BMI) ndiyo njia inayoweza kubaini uzito wa mwili au kwa kwa maneno mengine ni mrundikano wa mafuta mwilini.
Njia hii hutumia uzito wa mwili na urefu wa mwili kukokotoa kwa kutafuta zao la mgawanyo wa uzito katika kilogramu na urefu katika mita kipeuo cha pili.
Kwa kawaida unene uliokithiri huanza na uzito uliopitiliza na kisha kuelekea katika unene na hapo baadaye hufuata unene uliokithiri ambao huanishwa kama tatizo la kiafya.
JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.