Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

Kule kushoto, Delph ambaye amekuwa kwa jumla akimshikia nafasi hiyo Benjamin Mendy kutokana na majeraha kimsingi na kwa asili si beki wa pembeni kushoto na ilidhihirika jinsi alivyozidiwa maarifa na kina Andros Townsend na Ricardo Pereira katika vichapo hivyo vya karibuni vilivyofikisha idadi ya mechi walizofungwa kuwa tatu kwa msimu huu tu kwenye EPL.
 
Na kwenye mechi dhidi ya Leicester Delph akaishia kutolewa nje kwa kadi nyekundu ya moja kwa moja, ikimaanisha atakuwa nje zaidi na hivyo kuongeza maumivu zaidi kwa kikosi cha Guardiola.

Ghafla tu imetokea Man City imekuwa dhaifu kwenye wingi zote. Huko nyuma makocha wa timu pinzani wakitambua hilo walifanya upesi kuwaelekeza wachezaji wao kutumia udhaifu huo kushambulia na kweli wakapata mabao na ushindi.
 
Kutokana na hali ngumu kwa mabeki wa pembeni, imebidi mabeki wa kati wajaribu kutupa macho huko kuokoa jahazi. John Stones akijielekeza upande wa kulia na Aymeric Laporte kule kushoto. Unajua matokeo yake ni nini? City imebaki ikiwa hovyo hapo kati, hivyo kutoa mwanya kwa washambuliaji na mawinga kufanya yao; wakalala mechi hizo mfululizo.
 
Kukosekana kwa Fernandinho kwenye kikosi cha Man City kumeonesha wazi hali ilivyo mbaya kwa sababu haina aina ya mpiganaji sampuli ya mzima moto kama N’Golo Kante wa Chelsea mwenye mtindo wa aina yake. Anayeweza kukabiliana na kuchukua mipira eneo lolote la kiungo. Anayemkaribia kwa hapo Etihad ndiye Fernandinho, lakini Mbrazili huyu aliyepelekwa kulia kucheza sehemu ya Walker alishikwa.
 
Mabadiliko yamewaona wakali kama Kevin De Bruyne na Ilkay Gundogan kwenye kiungo cha kati nao wakishindwa kufanya mambo mazuri. Guardiola hakufanya siri, kwani alisema kiangazi angetaka kusajili kiungo mkabaji, Fred akikaribia na baada ya kucheza fainali za Kombe la Dunia 2018 kule Urusi, alikuwa na wasiwasi kwamba Fernandinho angeweza kuwa na hali ngumu hata kwa majeraha madogo tu ya tishu.
 
Hata tukienda kwa washambuliaji, tunaona kuna upotezaji wa mipira mingi sana kwa washambuliaji wale watatu wa mwisho pale mbele ambapo jamaa aliyekuwa akiwika sana katika Sergio Aguero naye akawa akipoteza mipira hovyo baada ya kuwa na maumivu ya mara kwa mara ya misuli. Ni kana kwamba anapata ‘kutu’ kwa jinsi anavyocheza, akifunga mabao matatu tu kutokana na michomo 15 aliyopiga tangu mwanzo wa Novemba hadi kipondo kutoka kwa Leicester. Alikosa mabao ya wazi kama mawili hivi.
 
Si huyu tu mwenye hatia kutokana na hali mbaya ya City, kwani kuna Raheem Sterling aliyetumwa kucheza pembeni lakini anaonekana kutofurahia wajibu huo huko. Leroy Sané alikuwa na kawaida ya kuleta vitu adimu kwa nyakati muhimu lakini sasa ameelekea kufanya makosa ya hapa na pale.
 
Guardiola anaweza kudai De Bruyne ndio kwanza anarejea baada ya kuwa nje kwa muda mrefu huku David Silva ambaye ni shujaa asiyesifiwa sana akiwa pia na majeraha yake. Ni wazi haya yangekuwa mapigo makubwa kwa timu yoyote ya Ulaya kwani ndio wabunifu na wanaozalisha mipira ya mabao.
 
Guardiola anajua mambo haya ni magumu wala hatarajii ataonewa huruma na watu wake na mashabiki, kwa sababu ni kocha wa moja ya vikosi ghali zaidi duniani, hivyo hata wawili au watatu wakikosekana basi ingetarajiwa wengine wazibe mapengo, hasa inapokuwa dhidi ya timu za kawaida kabisa kama Leicester na Palace.
 
VITA ni vita. Kwenye Ligi Kuu England kuna vita nyingi. Januari imeshafika, kuna wanaosaka ubingwa, kuna wanaotaka tiketi ya kucheza Ligi ya Mabingwa Ulaya, kuna wa Europa League na kuwa wanaotaka kubaki kwenye ligi.

Kipindi hiki ni muhimu kwa kila timu kutazama udhaifu kwenye kikosi chao na kuufanyia marekebisho. Usajili upo wazi.
 
Man United watajitazama zaidi kwenye safu yao ya mabeki. Wanahitaji mtu huko kuweka mambo sawa. Arsenal wanahitaji mabeki pia. Lakini, shida kubwa ipo huko Chelsea.

Kocha Maurizio Sarri anahitaji nguvu mpya kwenye safu yake ya ushambuliaji.

Kwa sasa timu hiyo inaonekana kumtwisha mzigo mkubwa Eden Hazard, kitu ambacho kinamfanya anashindwa wakati mwingine kuiongoza timu hiyo kufanya vyema.
 
Sarri anahitaji kufanya marekebisho kwenye safu yake ya ushambuliaji, la sivyo jambo hilo litamgharimu kwenye mbio za kuwania tiketi ya Ligi ya Mabingwa Ulaya msimu ujao.

Msimu huu Chelsea wameshindwa kukamatia tiketi hiyo, hivyo kufeli tena kwa mara ya pili itakuwa pigo kwao. Kwenye fowadi, mchezaji wao bora kabisa ni Hazard.

Lakini, naye anahitaji kuwa na wasaidizi ili kufanya mambo kuwa mepesi. Kwenye mechi dhidi ya Crystal Palace, Chelsea ilionyesha udhaifu mkubwa kwenye safu yake ya ushambuliaji.
 
Ilihitaji bao la kiungo N’Golo Kante kupata pointi tatu. Lakini, Chelsea wamekuwa wakishinda pia kwa idadi ndogo ya mabao, jambo ambalo linaweza kuja kuwagharimu kama itatokea wameringana pointi na wengine.

Kwenye Top Six, Chelsea ndio waliofunga mabao machache kuliko timu nyingine zote. Wamefunga mabao 38. Wamezidiwa na vigogo wenzao wote. Hilo litawaweka kwenye gharama kubwa kwenye siku za baadaye.

Wakati mwingine kuwa na pointi nyingi ni sawa, lakini unahitaji kuwa na mabao mengi pia, yanaleta mtaji mzuri.
 
Kulingana pointi ni rahisi, hivyo hilo linapotokea mabao yanakuwa msaada ya kukufanya uwe kwenye sehemu ya juu kwenye msimamo kuliko mpinzani wako. Sasa hilo la kufunga mara nyingi litawatesa Chelsea.

Safu yao kuna mastaa kama Olivier Giroud na Alvaro Morata. Wawili hao wote wamepoteza viatu vyao vya kufungia. Hali inatisha kweli kweli. Ina maana asipofunga Hazard, basi hali inakuwa ngumu zaidi.

Sarri amemfanya Willian kuwa mchezaji wa kawaida. Si tishio tena kwenye kufunga.
 
Hilo linaleta shida. Hakuna ubishi kwamba Sarri anahitaji kuingia sokoni kwenye dirisha hili la Januari kunasa mshambuliaji atakayekuja kuleta uhai kwenye safu hiyo ili kutengeneza mazingira ya kuipata kirahisi tiketi ya kucheza Ligi ya Mabingwa Ulaya msimu ujao. Kinyume cha jambo hilo, Chelsea itakula upande wao, Ligi ya Mabingwa Ulaya wataisikia tu kwenye bomba.
 
Back
Top Bottom