Kutokana na hilo, ndio maana imeweka orodha ya washambuliaji wengi inayowataka akiwamo Edinson Cavani na Gonzalo Higuain. Washambuliaji hao wakitua Stamford Bridge, basi watawasahaulisha mashabiki wa The Blues shida za washambuliaji wao wa sasa, Alvaro Morata na Olivier Giroud ambao wamekuwa butu kuliko neno butu lenyewe. Kwenye dirisha hili la Januari, mashabiki wa Chelsea watafarijika sana kama watafanikiwa kuinasa moja kati ya saini za wachezaji hao, hasa Higuain, ambaye ni rahisi kumpata na pia amekuwa akifahamiana vyema na Kocha Maurizio Sarri kwa sababu walishawahi kufanya kazi pamoja huko kwenye kikosi cha Napoli.