Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

.TOTTENHAM Hotspur ina kila sababu ya kukuna kichwa kwa sasa kutokana na klabu kibao karibia vigogo wote huko Ulaya kutaka kumsaka kiungo fundi wa mpira, Christian Eriksen.
 
Mkataba wa Eriksen kwenye kikosi cha Spurs utakoma mwaka 2020, lakini kama hatasaini dili jipya kutoka sasa hadi kufikia mwishoni mwa msimu, basi kutakuwa na chokochoko nyingi kutoka kwa timu nyingine zitakazojitokeza kutaka huduma yake
 
Ndani ya Ligi Kuu England peke yake kuna vigogo wawili wanahitaji huduma ya mchezaji huyo ambao ni Chelsea na Manchester United. Vigogo hao wanataka huduma ya fundi huyo wa mpira kutoka Denmark.
 
Ripoti zinadai Bayern Munich inayokipiga katika Ligi Kuu ya Bundesliga kule Ujerumani na Paris Saint-Germain ya Ufaransa nazo zinahitaji huduma ya mchezaji huyo jambo ambalo litakalofanya kuwapo kwa vita kali kwenye dirisha lijalo la usajili wa majira ya kiangazi.
 
Real Madrid nayo ilikuwa miongoni mwa timu zilizomtaka lakini imejitoa, lakini taarifa zinadai Barcelona nayo inasubiri tu ufike mwisho wa msimu, inaweza kuingia kwenye mchakamchaka huo wa kuwania huduma ya staa huyo.
 
Mshahara wa sasa wa kiungo huyo ni Pauni 75,000 kwa wiki, lakini anachotaka ni mshahara mkubwa na pia kwenda kujiunga na timu itakayompa uhakika wa kubeba mataji. Eriksen anazidiwa mshahara na wakali Dele Alli na Harry Kane huko Spurs.
 
Man United inaonekana kutulia tangu iwe chini ya Kocha Solskjaer aliyechukua mikoba ya Jose Mourinho baada ya kufutwa kazi huko Old Trafford mwezi uliopita.
 
Kwa hali ilivyo sasa, Solskjaer ataendelea kushikilia nafasi yake hiyo ya kuwa kocha wa muda hadi mwishoni mwa msimu na baada ya hapo ndipo uongozi wa Man United utakapoamua kumtaja kocha wa kudumu kurithi nafasi ya Mourinho. Kocha huyo, ambaye alikuwa straika wa zamani wa Man United, ameiongoza timu hiyo kushinda mechi zote nane na sasa kelele zimekuwa nyingi zikidai apewe tu kibarua cha kudumu.
 
Kwa mujibu wa The Mirror, Makamu Mwenyekiti wa Man United, Ed Woodward wamekubaliana na wamiliki wa klabu hiyo mrithi wa Mourinho atatajwa miezi michache ijayo.
 
Kocha wa Tottenham Hotspur, Mauricio Pochettino amekuwa akihusishwa sana na kitu hicho tangu alipoondoka Mourinho, lakini Solskjaer amepindua kibao baada ya matokeo ya Ijumaa iliyopita alipoichapa Arsenal 3-1 nyumbani kwao Emirates kwenye Kombe la FA.
 
Back
Top Bottom