Madai kama haya yanaweza kuzua mgogoro kwenye familia yeyote ile, lakini Bw Samuel ana mahusiano mazuri na wazazi wake, ambao wote wawili ni wanasheria, na wanalichukua suala hilo kama kichekesho.
Bi Kavita Karnad ambaye ni mama mzazi wa bwana huyo imebidi atoe tamko kutokana na "kadhia aliyoianzisha mwanangu hivi karibuni."
"Kwanza, navutiwa kwa ujasiri aliouonesha mwanangu kwa kutaka kutupeleka mahakamani akijua fika kuwa sisi ni wanasheria. Na iwapo Raphael atatupa maelezo yenye mashiko juu ya namna gani tungepata idhini yake kabla hajazaliwa, basi nitakubali makosa yangu," amesema mama huyo kwenye taarifa yake.