Uzi maalum wa kupeana Likes: Comment chochote upate "Like"

Wembley yote ilisimama baada ya kipenga cha mwisho, kwenye mechi dhidi ya Jamhuri ya Czech, ambapo Waingereza waliwasasambua kwa mabao 5-0, tena ikizingatiwa kwamba Czech si taifa dogo kisoka. Wapenda soka wa hapa wakasema kwamba huu ni mwanzo wa kitu cha kipekee kwenye soka ya England.
 
Czech walikuwa wapinzani walioshindwa kuuonesha upinzani wenyewe, huku Waingereza wakiwa watamu sana – wenye kasi, wakishambulia kwa nguvu na kufunga mabao, wakijilinda vyema na wachezaji wakitumia akili ya kutengeneza vyumba kwa ajili ya kupokea mipira kutoka kwa wenzao na kisha kulianzisha tena na tena. Walikuwa wazuri kwa hakika.
 
Ilikuwa muhimu kwa England kutumia vyema fursa hiyo katika kipindi hiki ambacho matumaini ya wadau ni makubwa, yakienda na vijana baada ya kutoka Urusi ambapo taifa hili la Malkia liliipenda sana soka yao, na wakati huu, wakaonesha tena vitu muhimu na adimu uwanjani.
 
Na juu yao wote alikuwa ni kijana Raheem Sterling wa Manchester City, ambaye sasa amekomaa kiakili, amekua kimchezo na ni mshambuliaji mahiri aliyeonesha ujuzi wake dhidi ya Liverpool, na sasa akarudia dhidi ya Czech.
 
Sterling mwenye umri wa miaka 24 tu, sasa anachukuliwa kuwa mshambuliaji kamili, na baada ya kutofunga bao katika mechi 27 za Three Lions, alifunga mabao matatu (hat-trick), baada ya Southgate kuendelea naye tu kwa uvumilivu kutokana na alivyokuwa akipoteza nafasi nyingi katika sehemu kubwa ya miaka yake mitatu humo.
 
Hizi ni salamu kwa mataifa mengine; kwamba England sasa ni timu wenye kujiamini katika wenyewe, washabiki wakiwaamini na wakionesha jeuri uwanjani tofauti kabisa na ilivyokuwa 2016 kwenye michuano ya Euro, ambapo katika robo fainali walikung’utwa kwa aibu na Iceland, enzi hizo wakiwa chini ya kocha Roy Hodgson.
 
Nilishuhudia pasi 25 za mfululizo kwenye ujenzi wa moja ya mabao ya Sterling, golikipa Jordan Pickford akihusishwa, lakini katika hizo ajabu ni kwamba mshambuliaji Dele Alli hakulamba hata moja. Bado England wanaye mshambuliaji hatari namba moja wa Tottenham Hotspur, Harry Kane ambaye amefunga mabao 16 chini ya Southgate, 11 zaidi ya mchezaji mwingine yeyote aliye kikosini kwa sasa.
 
Kinachofanya washabiki wengi kufurahi zaidi ni kwamba Three Lions kwa sasa wana wachezaji wenye umri mdogo kwa wastani, ikimaanisha kikosi kikiwa na uendelevu ni wachezaji hawa hawa watasonga mbele kwa miaka kadhaa na hii ni faida kubwa kwa taifa na ikiwa imani kwa Southgate itabaki, basi miaka ya kuinamisha vichwa chini kwa Waingereza itakuwa imepitwa na wakati.
 
Hali kama hii iliipata Ujerumani miaka iliyopita, ambapo baada ya aibu, waliamua kusuka kikosi cha vijana, wakapanda taratibu hadi kuja kuwa tishio duniani kote, lakini yaelekea wamezeeka, ndiyo maana wakaja kuaibishwa mno kwenye fainali zilizopita za Kombe la Dunia.
 
England wameimarika kila idara, na hawajafungwa katika mechi 40 sasa za kufuzu ama kwa fainali za Kombe la Dunia au kwa Ulaya, wakishinda 31, sare tisa. Mara ya mwisho walifungwa 1-0 na Ukraine. Kwa hali hii, matumaini yapo juu kwa England.
 
BARCELONA walirejea kwenye mazoezi juzi Jumatatu jioni baada ya siku kadhaa za mapumziko, lakini walikuwa bila ya Lionel Messi baada ya nahodha wao huyo kupata majeraha ya nyonga katika mechi ambayo Argentina ililala 3-1 dhidi ya Venezuela Ijumaa usiku.
 
Luis Suarez pia alifanya mazoezi kando ya wachezaji wenzake wa kikosi cha miamba hao wa Catalunya wakati akiendelea kupona majeraha ya enka aliyoyapata baada ya kuteleza akiwania mpira dhidi ya mchezaji wa Real Betis Machi 17.
Wachezaji wengine ambao walikuwa katika majukumu ya kuzitumikia timu zao za taifa watarejea Barcelona siku chache zijazo.
 
Mreno huyo amedai kwamba anaamini Mbappe amekuwa na thamani ya juu sana kiasi kwamba ni ngumu kumnunua. Kinda huyo wa Kifaransa alitua Paris Saint-Germain akitokea Monaco kwa ada ya Pauni 166 milioni na kuwa mchezaji ghali namba mbili duniani baada ya Neymar, aliyenyakuliwa kwa Pauni 198 milioni.
 
Cookies are required to use this site. You must accept them to continue using the site. Learn more…