9. Olivier Giroud (Chelsea)
“Haiwezekani” hilo lilikuwa jibu la Mfaransa huyo alipoulizwa kuhusu uwezekano wa kuongeza mkataba katika klabu yake ya sasa ya Chelsea.
Olivier Giroud, amesoma alama za nyakati. Ni wazi kuwa, kwa sasa Maurizio Sarri, hana mpango naye kivile.
Licha ya kufunga mabao tisa, kwenye mechi tisa za Ligi ya Europa, Giroud hajaanza katika mchezo hata mmoja wa EPL, mwaka huu. Katika
umri wake wa miaka 32, straika huyo, anahitaji nafasi ya kudumu kwenye
kikosi cha kwanza.
Amekuwa akihusishwa na mipango ya kurudi kwao Ufaransa, lakini huenda Wachina
wakaleta ofa kubwa kuliko klabu ya Marseille inayoongoza mbio za
kuhitaji saini yake, ofa ambayo bila shaka yoyote ile, lazima
ataichukua na kuhitimisha miaka saba ya kucheza soka nchini England.