Everton wamemwambia mlinzi Kurt Zouma, anayechezea kwa mkopo kilabu cha Goodison Park akitokea Chelsea, kuwa wanataka kumpa mkataba wa kudumu kuichezea timu hiyo.(Times )
Everton pia inataka kumsajili kwa mkopo kiungo wa kati Andre Gomes, 25 akitokea Barcelona, huku wakitarajiwa kutoa maamuzi kuhusu Phil Jagielka, 36 na Leighton Baines, 34. (Guardian)
Kocha wa Newcastle Rafael Benitez, anahusishwa na mpango wa kuhamia Super League ya Uchina, anasema alifanya mazungumzo ya awali na Mkurugenzi wa Newcastle Lee Charnley kuhusu kuongeza mkataba.(Sky Sports)
Arsenal imempa ofa mlinda mlango Petr Cech, 36, ya kuwa mwalimu atakapostaafu mwishoni mwa msimu, lakini kuna uwezekano akarejea Stamford Bridge. (Sun)
Kocha wa Tottenham Mauricio Pochettino ameonya kuwa uwanja wenye thamani ya pauni bilioni moja si kigezo cha kuwashawishi wachezaji wapya kujiunga na klabu hiyo au kuwafanya wachezaji wakatae kuondoka kwenye klabu.(London Evening Standard)