Uzi maalum wa kupeana Likes: Comment chochote upate "Like"

Tunaamini kwamba endapo baadhi ya ushauri uliotolewa utazingatiwa na kufanyiwa kazi, wananchi wengi wataepukana na maradhi hasa yasiyoambukiza ambayo mbali na kuweka rehani maisha yao, yanawagharimu fedha nyingi, muda na maumivu ambalo ndilo jambo kubwa zaidi.
 
Moja ya ushauri uliotolewa katika kambi hiyo unahusu tatizo la uoni hafifu na udumavu kwa watoto linavyoweza kuepukika. Wataalamu wa afya waliwashauri washiriki kwamba njia nyepesi ya kuondokana na tatizo hilo ni kuepuka kuongeza uzito kupita kiasi ambao aghalabu unatokana na kula vyakula vyenye wanga, sukari na mafuta kwa wingi.
 
Katika hilo, wataalamu hao wa afya walisema waathirika wakuu ni watoto wenye umri wa kuanzia miaka mitano hadi 16. Mbali ya kuwashauri watumiaji kuweka vikinga mionzi, waliwataka wananchi kupima macho mara kwa mara badala ya kusubiri waathirike.
 
Pia walitoa ushauri mwingine ambao unalenga kundi kubwa katika jamii. Waliwashauri watu kuvaa viatu pindi wanapokuwa katika sakafu zenye marumaru ‘tiles’ wakieleza kwamba kutembea pekupeku ni hatari kwa afya ya miguu na kisigino kwani husababisha ugonjwa wa calcunus spur.
 
Cookies are required to use this site. You must accept them to continue using the site. Learn more…