Uzi maalum wa kupeana Likes: Comment chochote upate "Like"

Walipokosea Chelsea
Baada ya kuhangaika kwa muda, juhudi za Chelsea ziliishia kwa watu wawili, Kinda wa Poland anayeichezea Genoa ya Italia, Krzysztof Piatek na Straika wa Juventus, aliyekuwa AC Milan kwa mkopo, Gonzalo Higuain.
 
Wakati Chelsea wanahaha kutafuta Straika mzoefu, Piatek (23), alikuwa katika msimu wake wa kwanza pale Genoa na kuifungia mabao 19, hadi kufikia nusu ya msimu. Kwa kuwa Piatek ndio kwanza anaibukia, Chelsea hawakuona umuhimu wa kumsajili.
 
Ada ya usajili ya Pauni 31 milioni na mshahara kwa wiki, ndicho walichotakiwa kutoa, ili waweze kuipata saini ya Piatek, lakini Chelsea walikataa. Badala yake, bodi iliamua kumridhisha Sarri, kwa kumsajili Higuain. Uamuzi ambao umewafikisha waliko hivi sasa.
 
Mwanzoni uamuzi huu ulishangiliwa sana kutokana na kile kilichodaiwa Higuain kuzielewa falsafa za Sarri (Sarri Ball), lakini kadri ligi inavyozidi kuchanja mbuga, ndivyo ukweli unapobainika Chelsea waliuzia mbuzi kwenye gunia.
 
Kila mtu alitegemea kumwona Higuain yule aliyefunga mabao 38, akiwa Napoli chini ya Sarri (2015-16), lakini mpaka sasa, hakuna matumaini atafikisha hata mabao 10. Higuain alisaini mkataba wa muda wa mkopo, ulioigharimu The Blues Pauni 7.8 milioni.
 
Papara waliokuwa nayo, iliwafanya wazibe masikio, hata pale vyombo vya habari vilipojaribu kuanika ubutu wa straika huyo, mwenye umri wa miaka 31 na badala yake wakakubali kutoa mshahara wa Pauni 150,000 kwa wiki. Kwa sasa kuna mazunguzo ya kurefusha uwepo wake Stamford Bridge, kwa miezi mingine 12, ambayo itamruhusu kulipwa kiasi cha Pauni 15.5 milioni au kumchukua jumla kwa dau la Pauni 31.1 milioni.
 
Cookies are required to use this site. You must accept them to continue using the site. Learn more…