Julai 18, 2015, taratibu zote za dini ya Kiislamu zilifanywa, Ramadhani Masanja ‘Banza Stone’ akawekwa kwenye nyumba yake ya milele katika makaburi ya Sinza jijini Dar es Salaam.
Banza Stone kabla ya kifo chake maradhi makali yaliyopelekea kulazwa katika hospitali ya Mwananyamala, kutokana na ugonjwa wa saratani ya ubongo.Aliwahi kuwalalamikia mara kadhaa baadhi ya watu waliokuwa wakimzushia kifo, akisema anajisikia vibaya sana na si jambo jema kuzushiwa kifo.
Banza akizungumza kwa taabu alitamka kwamba alitamani apone ili arudi tena jukwaani, akisema kuwa maombi yao ni muhimu na msaada mkubwa kuliko kitu chochote.Wasifu wa Banza unaeleza kuwa alizaliwa katika hospitali ya Ocean Road, jijini Dar es Salaam, Oktoba 20, 1972 akiwa ni mtoto wa tisa kati ya 11 katika familia yao.
Alipata elimu ya msingi katika shule ya Mnazi mmoja jijini Dar es Salaam na alifanikiwa kumaliza darasa la saba mwaka 1987. Banza baada ya kumaliza shule, alianza taratibu za kujihusisha na maswala ya muziki akiwa angali mdogo.Alijiunga katika muziki wa Hip Hop uliokuwa ukisikika katika redio.
Masanja aliwahi kunukuliwa akisema kuwa “…mara tu baada ya kumaliza elimu yangu ya msingi, nilianza kujihusishana muziki wa Hip Hop, enzi hizo tulikuwa tukisikia katika redio, pia tukienda dansi tunakuta nyimbo za wasanii kadhaa wa Hip Hop zikirindima.
Wakati huo nilikuwa na wenzangu kama kina K One na Scoz Man…” alisema Banza.Banza alieleza kuwa wakati huo ilikuwa vigumu sana kupata nafasi ya kutumbuiza eneo lolote lile kwani muziki huo hakukubalika.Alikumbuka mwishoni mwa mwaka 1989, walikuwa wakienda Coco Beach kuonesha vipaji vyao vya kuimba muziki wa Hip Hop.
Banza alitamka kuwa vijana wengi walionesha kuukubali muziki huo japo ilikuwa ngumu sana kueleweka mbele ya jamii kutokana na muziki huo wa Hip Hop kuonekana kama uhuni.“Tulikuwa na kazi kubwa ya ziada kufanya vile inavyotakiwa, lakini bahati haikuwa yetu wazazi walileta kipingamizi.
Hata hivyo tulionekana kama vijana wa kihuni….” anasikitika Banza Stone.
Japo alipenda sana muziki, wazazi wake waliweka pingamizi baada ya kuonekana muziki huo wa Hip Hop kuwa ni wa kihuni.
Banza alitamka kuwa vijana wengi walionesha kuukubali muziki huo japo ilikuwa ngumu sana kueleweka mbele ya jamii kutokana na muziki huo wa Hip Hop kuonekana kama uhuni.“Tulikuwa na kazi kubwa ya ziada kufanya vile inavyotakiwa, lakini bahati haikuwa yetu wazazi walileta kipingamizi.
Hata hivyo tulionekana kama vijana wa kihuni….” anasikitika Banza Stone.
Japo alipenda sana muziki, wazazi wake waliweka pingamizi baada ya kuonekana muziki huo wa Hip Hop kuwa ni wa kihuni.
Mwaka 1990 akaamua kuanza mchakato mpya wa ‘kunengua’ muziki wa dansi, ambapo alikuwa akicheza kwenye harusi na kufanikiwa kupata fedha kidogo.
Mwaka 1995 Banza alijiunga katika bendi iliyochini ya Kampuni ya African Stars Entertainment Tanzania (ASET) ya Twanga Pepeta kabla ya kuchepukia katika bendi ya Extra Bongo iliyokuwa ikiongozwa na Alli Choki.
Banza alionesha kupevuka kifikra mwaka 2000, alipomua kwenda kupata mafunzo ya muziki sehemu tofauti ikiwemo Kituo cha Utamaduni cha Watu wa Korea.
Aidha alipokuwa katika bendi ya Tanzania One Theatre (TOT), wanamuziki wake walipelekwa kuapata mafunzo hayo katika Chuo cha Sanaa Bagamoyo akiwemo yeye.
Baada ya kuhitimu alianza kuimba katika bendi mbalimbali zikiwamo za The Heart Strings, bendi za Twiga na Achigo, akiwa mpiga ngoma pamoja na Afri-Swez na zingine ndogo ndogo.
Katika bendi hizo zote hizo alikuwa akidumu kwa miezi kadhaa, kabla ya kuhamia katika bendi nyingine hadi alipoingia katika bendi ya The African Stars, “Wana Twanga Pepeta” akawa na ahuweni ya maisha.
Soko la Banza lilikuwa kubwa hivyo baada ya kuipaisha Twanga Pepeta kwa kiasi kikubwa, alichukuliwa kwenda kujiunga katika kundi la Tanzania One Theatre (TOT) “Wana Achimenengule”
Akiwa hapo alijulikana zaidi kwa jina la ‘Mwalimu wa Walimu’ japo nako hakukaa sana.Ramadhani Masanja ‘Banza Stone’ aliamua kuanzisha bendi yake iliyokuwa ikiitwa Bambino Sound.Kwa bahati mbaya bendi hiyo ilidumu kwa miezi kadhaa kabla ya kusambaratika kutokana na uongozi mbovu.
Banza aliwahi kuelezea kwamba katika kipindi cha miaka 23 tangu aanze muziki wa dansi rasmi, haikuwa rahisi kwake kupata mafanikio mazuri licha ya kuzunguka sana kutafuta maisha.Banza Stone alipitia zaidi ya bendi tisa ikiwemo Rufita Band.
Mwaka 2014, msanii wa muziki wa kizazi kipya, Hamisi Ramadhani ‘H-Baba’ alimshirikisha Banza kurekodi wimbo wake mpya wa ‘Sina Raha’.Kibao hicho kimo kwenye albamu mpya ya msanii huyo inayojulikana kwa jina la ‘Shika Hapa, Acha Hapa’.
Banza Stone hatunae tena hapa duniani, lakini ametuachia ujumbe mzito kutoka kupitia nyimbo zake ambazo bado zitamba.Baadhi ya nyimbo hizo ni za Mtaji wa Maskini, Kumekucha, Elimu ya Mjinga, Angurumapo Simba Mcheza nani na Falsafa ya Maisha.
Ramadhani Masanja alikuwa ‘msanii wa ukweli’ kwani alithubutu kuimba vibao kadhaa vya taarabu ukiwamo ‘Kuzaliwa mjini’ na ule wa ‘Play Boy’.
Banza alieleza jinsi alivyohangaika ili kufikia kuwa msanii mkubwa hadi kujulikana.Alisema alifanya subira ili kutimiza doto zake zilizokuja hatua kwa hatua.
Mwaka 1990 waliamua kuanza mchakato mwingine wa kunengua akiwa na wenzake wakicheza hususan kwenye harusi mbalimbali, wakaweza kupata fedha kiasi.Banza alifafanua kuwa walikuwa wakifanya maonesho kwa muda mrefu kidogo na wakati huo walikuwa wakicheza kwa kufuatisha nyimbo za wanamuziki kutoka nje, kama wa Michael Jackson na wengine.
“Mwaka 1995 niliingia Twanga Pepeta, wakati huo bendi hiyo ilikuwa bado changa sana, tulianza kwa kutoa albamu ya “Kisa Cha Mpemba”
Bendi hiyo ikaendelea kukua zaidi kimuziki mpaka kufikia katika hatua ya kuwa bendi bora ya muziki wa dansi nchini mwishoni mwa miaka ya 1990…” alitamka Banza.Ramadhan Masanja kuna kipindi alivuma mno kwa wimbo wa Kumekucha, uliokuwa wa kwanza kutunga na kurekodi studio mwaka huohuo.
Alisema hapo ndipo safari ya muziki ilipoanza, aliamua kuendelea na shule ya muziki baadae mwaka 2000, ili kuongeza ujuzi na maarifa katika kazi yake.Baadae aliicha bendi ya Twanga na kutimkia katika bendi Tanzania One Theater (TOT Plus) ambako nyota yake ilizidi kung’ara.
Akiwa TOT Plus, alishirikiana na wakali wengine wakiwepo Abdul Misambano, Papii Kocha na wengine wengi waliosababisha kuwepo upinzani mkubwa wa kimuziki dhidi ya Twanga Pepeta.
Banza alitua TOT Plus 1999 chini ya ukurugenzi wa Kapteni John Komba ambaye alimchukua mwimbaji huyo ili kuliimarisha kundi hilo liweze kupambana na Twanga Pepeta.Wakati huo ndipo Banza alipotoa ‘rap’ mpya wa ‘Uliona wapi Tingatinga likaenda kwenye starehe’ kikiwa ni kijembe kwa rafiki yake wa karibu Ally Choki ambaye wakati huo alikuwa Twanga Pepeta.
Kuna siku Choki katika uzinduzi wa moja ya albamu, aliingia katika ukumbi wa Diamond Jubilee akiwa juu ya Kijiko au Tingatinga.Mbali ya rap hiyo akiwa TOT, Banza pia alitunga vibao kama Elimu ya Mjinga ni Majungu, Mtaji wa Maskini Nguvu zake mwenyewe, Angurumapo na Simba sehemu ya pili.
Mwaka huohuo Banza alirejea katika bendi ya African Stars ‘Wana Twanga Pepeta’ ambako alikutana na Alli Choki pamoja Luiza Mbutu chini ya uongozi wa mkurugenzi Asha Baraka, ilipoedelea kupata umaarufu mkubwa zaidi.
JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.