Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

Nyimbo za Angurumapo Simba, Kisa cha Mpemba, Mtaji wa maskini, Elimu ya Mjinga, Mtu na Pesa zake na nyingine nyingi zilizovuma na kuipa umaarufu bendi hiyo ni kielelezo halisi cha uwezo aliokuwa nao marehemu Banza Stone.Hakika kifo chake kilileta simanzi kubwa kwenye tasnia hiyo.

Huko Africana Stars Banza Stone alijulikana zaidi kwa jina la ‘Mwalimu wa Walimu’ japo hakukaa kwa muda mrefu katika bendi hiyo.Baadae mwanamuziki huyo aliondoka TOT Plus na kwenda kuanzisha kundi lake la Bambino Sound.Akiwa na bendi hiyo, alitoka na kibao cha ‘Mimi niseme na wewe Useme nani atamsikiliza mwenzie?
 
Bendi yangu ilikuwa inaitwa Bambino Sound, ambayo ilidumu kwa miezi kadhaa tu, lakini ilivunjika kutokana na kutokuwa na uongozi mzuri, haikuwa na mtu makini hilo ndilo liliangusha bendi hii, hatimae nikarudi tena African Stars Band. Baadaye nilienda Extra Bongo…” alisema Banza katika mahojiano wakati wa uhai wake.

Bendi hiyo haikudumu kwa kipindi kirefu, ikafa.

Banza Stone alikuwa , mtunzi, mwimbaji na rapa wa muziki huo nchini. Pia alianika idadi ya bendi alizopitia katika kipindi cha miaka 23 tangu aanze muziki wa dansi rasmi.Aliweka wazi kwamba alipita kupiga muziki katika bendi zaidi ya bendi tisa, katika harakati zake za za muziki.
 
Banza aliwahi kutunga na kuimba nyimbo akiwa katika bendi ya Twanga Chipolopolo na Rufita Jazz kabla ya kujiunga na Extra Bongo, inayoongozwa na Ally Choki.

Akiwa na Extra Bongo, Banza alikuwa akitamba na kibao chake kinachojulikana kwa jina la ‘Falsafa ya Maisha’. Pia alikuwa akiimba nyimbo alizowahi kutamba nazo katika bendi mbalimbali.

Mwaka 2003 Banza alikuwa miongoni mwa wanamuziki watatu nguli nchini, wengine Ally Choky na Muumini Mwinjuma, walioibuka na zing zong yao iliyoandaliwa na Mohamed Mpakanjia (sasa marehemu).
 
Mwaka mmoja baadae alirejea tena Twanga Pepeta na kuibuka na kitu kikali kilichojulikana kama ‘Mtu Pesa’.Kabla hakijapoa, akiachia tena kibao cha ‘Hujafa hujasifiwa’, ambacho alisema alitunga baada ya mara kadhaa kuzushiwa kifo.Nguli huyo alisema kuwa alikwisha rekodi vibao kadhaa alivyoimba kwa mtindo wa Hip Hop, kati ya hizo upo wimbo alioutengeneza akiwa na Chid Benz miaka miwili iliyopita ambao hakufanikiwa kuutoa.

“Nina wimbo ambao haujatoka, lakini nimesha achia wimbo mmoja Mshenga, niliorekodi na Man Dojo na Domo Kaya ambao haukufanikiwa kufanya vizuri katika chati za muziki wa kizazi kipya…” alitamka Masanja Banza Stone.

Wimbo mwingine aliorekodi ni Sema unachotaka, aliouimba akishirikiana na Godzilla ambao alipanga kuupeleka redioni mwaka huo.
 
Marehemu Banza atakumbukwa kwa mengi kutokana na umahiri wake wa kutunga na kuimba na kutunga nyimbo ambazo ‘ziliwabamba’ mashabiki wa muziki huo na kujikuta akiwa kipenzi cha watu wengi wa muziki wa dansi.

Msanii mwenzake aliyefanya nae kwa ukaribu, Ally Choki alisema kuwa Banza Stone alikuwa na kipaji cha kipekee na alikuwa chachu kubwa ya kukua kwa muziki wa dansi tangu alipojitumbukiza kwenye tasnia hiyo 1991 akianzia kama mnenguaji kwenye kundi la Sinza Stars.

Alikiri kuwa kuna kipindi Banza aliwahi kuwa mpinzani wake mkubwa wa kwenye ushindani katika muziki, licha ya kuvutiwa na uimbaji wake.
Hali hiyo Choki alilazimika kufanya mazoezi ya ziada ili aweze kuhimili ushindani kutoka kwa mkali huyo ambaye nyota yake imezimika ghafla.
Banza aliwahi kuimba vibao kadhaa vya taarabu ukiwamo Kuzaliwa Mjini na ule wa Play Boy.

Licha ya kuwa msanii bora wa muziki wa dansi Banza Stone alisema, “…nashindwa kukua zaidi katika muziki kutokana na maradhi yanayonisumbua, muda mwingi ninakuwa kitandani, hivyo nashindwa kuendelea vizuri katika kazi zangu, kipindi cha hivi karibuni nilipumzika muziki kwa miezi kadhaa lakini Mungu mkubwa kwani hivi sasa ninaendelea vizuri…”
 
Banza baada ya kupata ahuweni alitarajia kurejea tena katika bendi yake aliyokuwa akiitumikia ya Extra Bongo na kufanya mambo makubwa zaidi.
“Natarajia kufanya kazi ambayo mashabiki watafurahia, tumeshazindua albamu ya ‘Mtenda Akitendewa’ na ‘Kinachosubiriwa’ hivi sasa ni kazi mpya, tayari nina vibao kadhaa ambavyo vitatoka mapema mwaka huu...” alisema Banza Stone.

Ni dhahiri kwamba Banza Stone ameacha alama katika muziki wa dansi hapa nchini kupitia nyimbo zake zitakazoendelea kuishi na kuwa kumbukumbu na elimu kwa jamii.Kabla ya kulazwa hospitalini Banza tayari alikuwa amekwisha kata tama ya kuishi kwa vile aliwahi kuota ndoto kuwa mwisho wake wa kuishi duniani umekaribia.
 
Alieleza kwamba aliota ndoto anakufa na ameoneshwa jinsi kifo chake kwamba ataugua ghafla na kufariki dunia.Nyota huyo alisema kufuatia ‘maono’ hayo, ameanza kutunga nyimbo ambazo zingezungumzia historia ya maisha yake.“Ni kweli naona mwisho wangu umekaribia, nimeoneshwa ndotoni, inawezekana ni mpango wa Mungu ili nitengeneze maisha, nimeshaanza kuandaa albamu itakayohusu historia ya maisha yangu…” alisema Banza
 
Stone. Alizidi kusema kwa masikitiko kuwa baada ya ndoto hiyo amekosa raha ya kuishi tena na hajui yupo katika ulimwengu upi, kwani anafikiria maisha ya ulimwengu mwingine atakaoelekea.Banza alisema kwamba ndani ya moyo wake ana siri nzito ambayo angeitoa kwenye moja ya nyimbo zake hizo.
 
Yaani mawazo yangu hayapo hapa, sijui niko dunia gani, nimekata tamaa, ninauona mwisho wa maisha yangu upo karibu lakini siogopi, natamani kufa kwa sababu ni lazima nitakufa hata nikiishi miaka mingapi…” alisema Banza.Mwaka 2014, Nyota huyo aliugua kwa muda na kulazwa kwenye Hospitali ya Mwananyamala, jijini Dar es Salaam.
 
Habari za mara kwa mara zilikuwa zikizushwa kuwa amefariki dunia, lakini siku yake ilipowadia, Julai 17, 2015 Ramadhani Masanja ‘Banza Stone’ akaaga dunia.Julai 17, 2019, Banza Stone atatimiza miaka minne tangu aiage dunia.

Mungu uiweke roho yake pahala pema peponi, Amina.
 
Back
Top Bottom