Uzi maalum wa kupeana Likes: Comment chochote upate "Like"

Wachambuzi na mashabiki wa United wamekuwa wakimkosoa mshambuliaji, Marcus Rashford pamoja na makinda wengine katika safu ya ushambuliaji hawana uwezo wa kukibeba kikosi hicho katika safu ya ushambuliaji.
 
Juzi usiku United ilicheza mchezo wa Europa League dhidi ya AZ Alkmaar na haikufanikiwa kupiga shuti hata moja lililolenga bao katika mchezo huo uliomalizika kwa sare ya bao 1-1. Sasa Ole ni kama ameona tatizo hilo la washambuliaji na kuwafungia kazi mastaa hawa.
 
UKIONA cha nini, wenzako wanahaha watakipata lini. Hicho ndicho kilichotokea kwa mastaa hawa ambao walionekana si chochote kwenye Ligi Kuu England hapo awali, kabla ya kuuzwa ng’ambo na kwenda kutamba kwa kupiga soka la maana na kufanya timu zilizowauza kujuta kabla ya kunaswa na timu nyingine wakiendeleza makali yao ndani ya uwanja.
 
Kevin de Bruyne – (Chelsea)

Kevin De Bruyne alicheza mechi chache sana kwenye kikosi cha Chelsea kipindi hicho chini ya kocha Jose Mourinho, kabla ya kuuzwa kwenda VFL Wolfsburg. Chelsea walimwona kiungo huyo wa Kibelgiji kwamba hana maajabu anayoweza kufanya na hivyo hawakutaka kumvumilia kabisa, wakamuuza katika klabu hiyo ya Bundesliga kwa ada ya Pauni 18 milioni. Akiwa Ujerumani, De Bruyne alikuwa mtamu balaa akipiga asisti matata ndani ya uwanja na kuwafanya Manchester City kwenda benki na kutoa Pauni 50 milioni kunasa huduma yake, pesa ambayo hadi sasa imeleta matunda mazuri kutokana na kiwango cha soka cha uchezaji cha mkali huyo wa Kibelgiji. Chelsea kwa sasa wanateseka tu wakicheza na Man City, huku De Bruyne akiwa mmoja anayewatesa.
 
Mohamed Salah –(Chelsea)

Kwa sasa supastaa, Mohamed Salah anatamba akiwa na kikosi cha Liverpool, ambako amekuwa akiwatambia tu Chelsea kwenye mechi wanazokutana kwenye Ligi Kuu England na michuano mingine. Lakini, kabla ya hapo, Mo Salah alikuwa kwenye kikosi cha Chelsea alikoonekana hafai na kupigwa bei kwa ada ya Pauni 16 milioni kwenda AS Roma. Kipindi hicho, Chelsea ilikuwa chini ya Jose Mourinho na hiyo ilitokea baada ya kumtoa kwa mkopo Mo Salah timu kadhaa ikiwamo Fiorentina na AS Roma kabla ya kuuzwa jumla. Ubora mkubwa huko kwenye Serie A uliwafanya Liverpool kufungua pochi na kwenda kunasa saini yake, ambapo sasa amewafanya wakali hao wa Anfield kutamba tu.
 
Cookies are required to use this site. You must accept them to continue using the site. Learn more…