Uzi maalum wa kupeana Likes: Comment chochote upate "Like"

Ni kawaida kukuta mtu akiiga kila aina ya zoezi analoona mwenzake anafanya bila kuwa na malengo. Kama tulivyosema hapo awali, malengo ya kufanya mazoezi yanatofautiana. Mwingine anataka kupunguza mafuta mwilini wakati mwingine anataka kuongeza misuli katika mwili wake. Ni dhahiri kwamba wawili hawa hawawezi kuwa na mazoezi yanayofanana kwa asilimia mia moja.
 
Hili linawahusu zaidi wale wanaofanya mazoezi kwa lengo la kupunguza mafuta mwilini. Katika hali ya kawaida mazoezi hukufanya usikie njaa. Lakini ukumbuke kwamba unapofanya mazoezi na kula sana baada ya mazoezi hayo, unakuwa umejichosha bure. Hii ni kutokana na ukweli kwamba kiasi cha nishati lishe (calories) kilichotumika wakati wa mazoezi kinarudishwa mwilini kwa kula chakula kingi. Kama nia yako ni kupunguza mafuta kiasi cha nishati lishe kinachotoka mwilini kwa kufanya mazoezi, kinatakiwa kizidi kile kinachoingia kwa kula chakula.
 
Ni muhimu sana kuzielewa vyema aina zote za mazoezi na faida zake. Ni kawaida kukuta mdada mwenye nia ya kutengeneza shepu yake, akifanya mazoezi ya aerobics peke yake na kutegemea kutengeneza umbo au shepu anayoitaka. Hiki ni kitu kisichowezekana, kutokana na ukweli kwamba, kutengeneza shepu kunahusisha kupunguza sehemu fulani za mwili, kuongeza sehemu zingine na kubakiza sehemu zingine kama zilivyo. Hii inahitaji kufanya mazoezi ya aina mbali mbali yakiwemo yale ya resistance (kunyanyua au kusukuma uzito).
 
Kumbuka kwamba siku za mapumziko ni muhimu sana katika kudhihirisha faida za mazoezi. Yako mambo mengi ya kibaiolojia ambayo hutokea wakati mwili ukiwa umepumzika. Mambo haya ni muhimu katika kuongeza uwezo wa kufanya mazoezi na hata kuujenga mwili. Vyote hivi husaidia kukuongezea pumzi na stamina ya kufanya mazoezi hayo. Kufanya mazoezi kila siku bila kupumzika si jambo la heri.
 
Unakuta mtu nia yake kubwa ni kuongeza kiasi cha misuli mwilini. Unakuta anafahamu fika kwamba inamlazimu afanye mazoezi ya kunyanyua au kusukuma uzito kwa wingi zaidi ya yale ya aerobics ili kutimiza lengo lake hilo. Lakini unakuta anapoanza mazoezi anaanza na yale ya aerobics mfano, kukimbia. Kwa kufanya hivyo anavyokuja kufanya mazoezi ya kusukuma uzito anajikuta hana nguvu ya kutosha kufanya hivyo.
Kwa kufupisha, mtiririko wa mazoezi ni muhimu sana na unategemea sana ni nini lengo lako la msingi. Kama nia kuu ni kupunguza mafuta mwilini, anza na mazoezi ya aerobics kama vile kukimbia. Kama nia yako ni kuongeza nguvu na misuli anza na mazoezi ya resistance au kunyanyua na kusukuma uzito.
 
Lishe na mazoezi ni kama gari na mafuta. Kimoja hakiwezi fanya kazi bila mwenzie. Kufanya mazoezi ni usanii unaohitaji sayansi. Kutokana na kile unachotarajia kutokana na mazoezi, ni vema pia kufahamu lishe inayo saidia malengo hayo. Mfano, kama nia ni kujenga mwili kwa kuongeza kiasi cha misuli, ni sharti kula kiasi kikubwa cha vyakula vya aina ya protini pamoja na wanga mzuri kwa uwiano muafaka.
 
Cookies are required to use this site. You must accept them to continue using the site. Learn more…