Uzi maalum wa kupeana Likes: Comment chochote upate "Like"

Hivi karibuni, wakala huyo alisema: “Tatizo la Man United ni Pogba. Timu haieleweki na haina mipango ya kimichezo. Siwezi kumpeleka yeyote tena pale kwa sasa. Hata Maradona, Pele na (Paolo) Maldini wangewaharibu tu. Paul anahitaji klabu na kikosi, kama vile Juventus alikokuwa kabla.”
Pogba, ambaye alisajiliwa na Man United kwa Pauni 89 milioni, amecheza mechi mbili tu tangu mwishoni mwa Septemba akisumbuliwa na maumivu ya enka.
 
Kocha Ole Gunner Solskjaer alisema mchezaji huyo angekuwamo kwenye kikosi kilichocheza na Arsenal siku ya Mwaka Mpya, lakini hakucheza na kocha huyo baada ya mechi alisema mchezaji huyo anahitaji kufanyiwa upasuaji, kitu kitakachomfanya awe nje ya uwanja Januari yote hii.
 
Real Madrid ndiko anakotaka kwenda, lakini hilo litategemea na hatima ya Toni Kroos - ambapo kiungo huyo wa Kijerumani anaweza kung’oka Bernabeu. Kroos alikaribia kujiunga na Man United akitokea Bayern Munich, lakini alichagua kwenda Real Madrid katika majira ya kiangazi ya mwaka 2014.
 
Kocha Solskjaer aliwahi kueleza hadharani Pogba ni mmoja kati ya viungo bora kabisa duniani. Lakini, kinachoelezwa ni kwamba nyuma ya pazia, bosi huyo wa Man United ameshamchoka kiungo huyo na kutaka tu apigwe bei apate pesa za kusajili.
 
Cookies are required to use this site. You must accept them to continue using the site. Learn more…