5. Anapoteza asili yake
Mourinho alikuwa mpambanaji kwenye, siku zote ilijulikana kuwa timu yake lazima itakuwa na ukuta wa chuma. Si unakumbuka enzi zile yuko Chelsea, kikosi chake kiliweka rekodi ya kufungwa mabao machache zaidi katika Ligi Kuu England (15).
Lakini, sasa amebadilika kikosi chake cha Spurs kina ukuta dhaifu, kinaruhusu sana mabao chini yake kimesharuhusu mabao 23 na hadi sasa kimecheza mechi tatu tu bila kuruhusu nyavu zake kuguswa.
Ukizitazama takwimu hizi unaweza kujikuta ukijiuliza kuwa huyu ni Mourinho kwenye au mfano wake? Maana inashangaza, sawa timu yake haifungi, lakini hata kuzuia kunamshinda, na hili ni kosa hasa kwa kocha ambayo amezoea kushinda idadi ndogo ya mabao.
Miaka ya nyuma alifanikiwa kwa sababu hata alipokufunga bao moja ilikuwa ngumu sana kugusa nyavu zake, lakini pale Spurs watu wanajipigia tu, hivyo kama anataka kurudisha ufalme wake kwanza arudi katika asili yake ya kutengeneza timu yenye ukuta wa chuma ambayo inaweza kujilinda hata kama inashambuliwa kwa dakika 120.