Uzi maalum wa kupeana Likes: Comment chochote upate "Like"

Si unajua janga la corona limesababisha mambo kibao kuhusu soka kusimama hadi mwezi ujao? Basi kuna wachezaji kusimama huko ni neema kwao kwa sababu wanaweza kupona kwa wakati majeraha yanayowasumbua na kurudi uwanjani kabla ya ligi kuisha.
 
Ni kweli corona ni hatari na imesababisha hasara kubwa, lakini kwa wachezaji hawa ambao walikuwa majeruhi kabla hata ya janga hilo kuingia Ulaya, kusimama kwa ligi kunawapa nafasi ya kupona na kurudi uwanjani, huku wakiwa hawajakosa mechi nyingi.
 
Paul Pogba (Manchester United)

Kiungo huyu wa Man United alikuwa anakaribia kurudi uwanjani baada ya kukosa sehemu kubwa ya msimu huu kutokana na majeraha ya enka na mguu. Mara ya mwisho Pogba kucheza katika kikosi cha Man United ilikuwa Desemba 26, mwaka jana, kisha akafanyiwa upasuaji wa enka na tangu kipindi hicho amekuwa nje ya uwanja akijiuguza.
 
Lakini, kwa sasa hakuna mtu anayejua ni lini Ligi Kuu England na Europa League zitarudi rasmi baada ya kusimama kwa wiki tatu (Ligi Kuu) na mbili (Europa), hii inamaanisha kuwa Pobga ana nafasi ya kuendelea kujiuguza bila kukosa mechi yoyote kwa kipindi hiki.
 
Marcus Rashford (Manchester United)

Ndio anaongoza kwa mabao kwenye kikosi cha Man United msimu huu kutokana na kufunga mabao 19 katika michuano yote, lakini straika huyu aliumia kwenye mechi ya Kombe la FA dhidi ya Wolves Januari 15 na amekuwa nje ya uwanja tangu wakati huo.
 
Lakini, kusimamishwa huko kwa ligi kunamaanisha kuwa Rashford anaweza kuwahi mechi nyingi zaidi za ligi zilizosalia, lakini pia kama kweli michuano ya Euro 2020 ikisogezwa mbele kwa miezi 12 hadi 2021, basi kocha wa England, Gareth Southgate atakuwa na uhakika wa kumtumia kwenye michuano hiyo.
 
Harry Kane (Tottenham Hotspur)

Harry Kane amekuwa nje ya uwanja akisumbuliwa na majeraha ya paja tangu siku ya mwaka mpya alipoumia katika pambano la Ligi Kuu ambalo Spurs ilipigwa bao 1-0 na Southampton. Katika kipindi hicho ambacho Spurs imemkosa Kane imekuwa na matokeo mabaya na mashabiki wao walifurahi sana kumuona ameanza mazoezi wiki iliyopita.
 
Hivyo, kusimama kwa ligi kutokana na corona kunampa nafasi ya kupona kabisa na kurudi katika kikosi cha Jose Mourinho muda ligi itakapoanza. Lakini, pia uwezekano wa Euro 2020 kusogezwa mbele kunampa nafasi ya kuwa fiti na kushiriki michuano hiyo pindi ikitangazwa tena.
 
Son Heung-min (Tottenham Hotspur)

Wakati huu ambao Spurs inataka kuendelea na mazoezi yake kama kawaida tofauti na timu nyingine ambazo zimejiwekea karantini binafsi – Son anaweza kurudi na kuanza kujifua na wenzake Jumatatu ijayo. Hii inakuja baada ya staa huyo wa kimataifa wa Korea Kusini kukosekana mazoezini kwa zaidi ya wiki mbili baada ya kufanyiwa upasuaji mdogo wa mkono. Son aliumia katika mchezo ambao Spurs ilishinda 3-2 dhidi ya Aston Villa, Februari 16, huku mwenyewe akifunga mabao mawili.
 
Cookies are required to use this site. You must accept them to continue using the site. Learn more…