Kubadili maisha yako ni maamuzi yako wewe mwenyewe. Ukitaka uwe na maisha duni toka mwanzo hadi mwisho wa maisha yako ni maamuzi yako mwenyewe. Nakushauri kufanyia kazi hoja nilizozifafanua katika makala hii juu ya tabia 10 zitakazobadili masiha yako; nami nakuhakikishia utaona mabadiliko.
Ni muhimu kukumbuka kuwa “Hapana” ni jibu rahisi pia dogo sana lakini lina nguvu kubwa. Ni vyema kufahamu nguvu iliyoko kwenye jibu la “Hapana” ili tuweze kuboresha maisha yetu.
Siyo kila mpango unafaa kwenye maisha yako. Mipango mingine inaweza kuangamiza ndoto na malengo yako.
Kwa mfano mtu akakushawishi uingie kwenye biashara ya dawa za kulevya, je unafikiri utaweza kweli kupata manufaa ya uhakika? Unaweza kukamatwa na maisha yako yakaishia gerezani.
Huu ni mfano wa mipango mibaya ambayo watu wanapaswa kutokusita kusema hapa; kumbuka hakuna mkato kwenye mafanikio.
“Kama kweli unataka kuwa mtumiaji mzuri wa muda, unatakiwa kujifunza kusema hapana kwa watu wengine na kufanya hivyo mara kwa mara.”
Sunday Adelaja
Unaposema hapana utaepuka mambo na tabia mbalimbali ambazo zinaweza kukupotezea muda na pesa nyingi.
Ni muhimu kusema hapana kwa maswala kama vile pombe, uzinzi, matumizi mabaya mitandao ya kijamii, uzururaji, n.k.
Naamini umeona jinsi jibu dogo la “Hapana” lilivyo na nguvu kubwa katika maisha yako.
Ni muhimu kufahamu kuwa mtu mwenye malengo ni lazima aweze kusema hapana kwa vitu, watu, tabia au kazi ambazo hazimuwezeshi kutimiza malengo yake. Je wewe huwa unasema hapana?