Uzi maalum wa kupeana Likes: Comment chochote upate "Like"

Watu wengi tunaishi bila kujua ndoto zetu. Ndiyo maana wengi wetu tunakuwa wa kawaida. Watu ambao wanatambua ndoto zao katika maisha huanza kuzifanyia kazi wakiwa wadogo na kuzitimiza mapema. Wengine hutambua ndoto zao katika umri mkubwa na hatimaye kuanza kuzitimiza. Ndiyo maana tunashauriwa kujitambua sisi ni akina nani ili tujue mapema na kuanza kuzifanyia kazi.

Ukiangalia watu waliojua ndoto zao duniani,waliweza kufikia mafanikio yao na ni watu wa kukumbukwa mpaka Leo. Ndoto kuu ya maisha inaacha alama( Legacy). Ni utambulisho wa mtu. Ndoto kuu ya maisha inaishi daima hata kama mhusika atafariki Leo,bado ataendelea kuishi kwa kuwa kazi zake zinaonekana. Kila mtu anajua kuwa kile kitu ni cha fulani. Watu wanatambua uwepo wake kwa kazi za kuonekana za maisha yake.Kuna Alama waliacha walipoishi duniani.
 
Ndoto kuu za maisha yako ni jumla ya maisha yako.Kile unachofanya lazima kikutambulishe duniani. Ukifa Leo,utaacha alama gani!? Nyumba? Gari? Watoto? Mke? Mume? Au utaacha nini? Kama hujawa na ndoto ya kuwa na alama,anza kufikiria upya malengo yako na ndoto kuu ya maisha.

Mpendwa,usiseme, kwa umri ulionao mkubwa huwezi kutimiza. Usiseme kwa umri wako wewe usiseme umechelewa. Ndoto kuu ya maisha haina muda maalum wa kutimia. Kuna watu wengine wanaweza kuziishi ndoto zao na kuzitimiza wakiwa vijana,wengine wakiwa na umri wa kati na wengine wanaweza kutimiza wakiwa wazee. Hii ina maana kuwa kutimiza ndoto kuu ni muda wote wakati bado unaishi. Ni jumla ya maisha yako yote. Kama bado unaishi,bado unao muda wa kutimiza ndoto kuu haijalishi umri wako.

Rafiki,pamoja na majukumu ya lazima katika maisha yako ya kujenga nyumba,kuzaa watoto,kununua gari,bado unahitaji kutimiza ndoto kuu ya maisha. Ni kusudi la maisha yako. Ndiyo utambulisho wako duniani. Ni alama yako. Sasa swali,ndoto yako kuu ni nini duniani?

Ndoto kuu ya maisha ni jumla ya maisha yako yote. Anza kufikiria kuhusu ndoto yako kuu na uanze kuifanyia kazi. Kumbuka,kutimiza ndoto kuu hakuna muda maalum. Hujachelewa na wala hujawahi. Kama bado unaishi,una nafasi ya kutimiza ndoto yako. ” Ndoto kuu ya maisha ni jumla ya maisha yako yote”!

Hata hivyo,kutimiza ndoto kuu,itakubidi ulipe gharama yake!. Si kazi nyepesi,lazima ujitoe na ukubali kusonga mbele,pamoja na changamoto zote hizo, lazima utimize.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…