Uzi maalum wa kupeana Likes: Comment chochote upate "Like"

[Numbisa]

Mwaka 1960 Vicky na mwanamuziki mwingine aliyejulikana kwa jina la Brazzos walijiunga na Josepph Kabasele ‘Grand Kale’ pamoja na wasanii wengine wa bendi ya African Jazz ambayo ilikuwa bendi hasimu na ile ya T.P.OK. Jazz, wakaenda kushiriki kurekodi kwenye maonesho ya kurekodi jijini Brussels nchini Ubelgiji.

 

[Numbisa]

Hiyo ilikuwa ni baadhi ya harakati za Mkutano wa kutafuta Uhuru wa Kongo kutoka wa Wabelgiji waliokuwa wakiitawala nchi yao.

 

[Numbisa]

Vicky alichangia kwa kisai kikubwa katika wimbo wa Joseph Kabasele unaoitwwa ‘Independence Cha Cha’ ulikuwa mmoja wimbo ulipata umaarufu mkubwa kuliko zote nchini humo.Alitunga nyimbo nyingine zilikiwemo za ‘Vive Lumumba Patrice’ na‘Sentiment Emonani’.

 

[Numbisa]

Kuondoka kwake kwenda Ubelgiji, kuliharibu uhusiano waka na bendi ya T.P.OK. Jazz hata alivyorejea kutoka huko aliungana na Dihunga ‘Djeskain’ Armando Brazzos aliyekuwa ametoka bendi ya T.P.OK Jazz, Johnny Pinnock na Leon Bholen Bombolo wakaunda bendi yao mpya waaiita Negro Success.

 

[Numbisa]

Wakiwa katika bendi hiyo Vicky Longomba alikuwa akiimba na Leon ‘Bholen’ Bombolo alikuwa akisimama kwenye upigaji wa gitaa la solo.

 

[Numbisa]

Negro Success ikajipata mafanikio makubwa kwa kipindi kifupi sana.

 

[Numbisa]

Sifa kubwa walizipata wanamuziki wa bendi hiyo, lakini ilipotimu mwaka 1962, matatizo ndani ya bendi yakaanza kujitokeza.

 

[Numbisa]

Vicky Longomba na Bohlen wakawa hawaelewani tena na kusababisha Vicky kuondoka katika bendi hiyo, akaamua kwenda kumuangukia tena Franco Makiadi aliyekuwa kiongozi wa bendi ya T.P.OK. Jazz.

 

[Numbisa]

Negro Success haikuteteleka iliendelea kupiga muziki licha ya kuondokewa na Vicky Longomba.

 

[Numbisa]

Alipokubaliwa kurudi T.P.OK.Jazz aliendelea kuchangia katika uimbaji akiwa ‘back vocal’ kando ya Franco na Edo katika vibao vilivyoweza kushika chati vya ‘Ngai Marie Nzoto Ebeba’ ikiwa na maana ya Yaani mimi Marie ambaye mwili wangu unakwisha’, ambao ilikuwa ni hadithi ya kahaba wa Kinsahasa.

 

[Numbisa]

Vicky aliandika nyimbo nyingi akiwa na bendi ya T.P.OK. Jazz zikiwamo za ‘Conseil d’Ami’ ikiwa na maana ya ‘ushauri wa rafiki’ uliopigwa katika mtindo wa polepole wanye ladha ya ‘bolero’ uliokuwa unapendwa sana na Vicky Longomba.

 

[Numbisa]

Franco Makiadi na Vicky walikuwa viongozi wa T.P.OK. Jazz kwa takriban mwongo mmoja hadi walipofikia maafikiano kwamba bosi mmoja angelitosha kuongoza bendi yao na Makiadi akabakia kuwa kiongozi.

 

[Numbisa]

Mwaka 1971 Vicky Longomba aliicha bendi hiyo na kwenda kuunda bendi iliyoipa majina ya Lovy du Zaire.

 

[Numbisa]

Kufuatia weledi wake katika muziki, Vicky aliweza kuwapandisha chati wanamuziki waliokuwa bado wachanga wakati huo akina Syran M’Benza ambaye baadaye alitokea kuwa mpiga gitaa mahiri wa kundi la Quatre Etoiles.

 

[Numbisa]

Vicky Longomba afya yake alianza kudorora siku hadi siku kulikopelekea kufa kwa shughuli zake katika muziki mwaka 1974.

 

[Numbisa]

Vicky Longomba afya yake alianza kudorora siku hadi siku kulikopelekea kufa kwa shughuli zake katika muziki mwaka 1974.

 

[Numbisa]

Ugonjwa wa Kisukari kilimuathiri kwa kiasi kikubwa, hadi kukaribia kukatwa mguu wake.

 

[Numbisa]

Longomba baadaye alipata nafuu ya kutosha akaendelea na Urais wa chama cha Wanamuziki cha wakati huo Zaire kilichokuwa kikijulikana kama UMUZA.

 

[Numbisa]

Hiyo ilikuwa mwaka 1986 ambapo aliendelea na wadhifa huo hadi kifo kilipomfika Machi 12, 1988 akiwa Kinshasa, Jamhuri ya Kidemokrasia ya Kongo.

 

[Numbisa]

Longomba wakati wa uhai wake alikuwa ni mmoja wa waimbaji waliopendwa kuliko wote nchini humo, ameacha ‘himaya’ ya tungo za nyimbo alizorekodi.