Uzi maalum wa kupeana Likes: Comment chochote upate "Like"

[Numbisa]

Njia ya kwanza ni kutumia maji ya Aloe vera yaani mshubiri.Mtumiaji anapaswa kuchukua jani la mshubiri kisha kulipasua na kuvuna maji au ute wake.

 

[Numbisa]

Ute huo unapaswa kupakwa kwenye ngozi kichwani. Ute huo huwa na uwezo wa kuzizimisha ngozi na kwa mtu aliye na wabisi hupata afueni na kuondokewa na kadhia ya kujikuna.

 

[Numbisa]

Aidha Aloe vera inaaminika kumiliki virutubisho kama vitamini A, E na C ambavyo vinasaidia katika kukua kwa nywele na kuzitunza kuzuia zisikatike au kunyonyoka.

 

[Numbisa]

Bidhaa nyingine ambayo inasifika katika utunzaji wa nywele ni yai.

Kuna baadhi ya watu ambao huchanganya yai na asali na kupaka nyweleni kisha kuziacha kwa muda wa nusu saa ili kuzipatia nywele zao afya, kuondoa wabisi, kuzikuza, kuzizuia zisikatike na kuzifanya ziwe na rangi ya kupendeza.

 

[Numbisa]

Parachichi pia hutumika na walimbwende katika utunzaji wa nywele kutokana na uwepo wake wa mafuta asilia. Waliowahi kutumia tunda hili, husema hukuza nywele maradufu.

 

[Numbisa]

Kutumia parachichi mrembo anatakiwa kufanya rojo kisha kupaka katika nywele zake kutoka kwa mashina hadi ncha. Zinapokolea anayetumia hupaswa kuzifunika kwa mfuko au kofia kwa muda wa dakika 20 kisha kuosha kwa maji baridi.

 

[Numbisa]

Tui zito la nazi nalo pia linasifika hasa na watu wa Pwani katika kutunza nywele. Mwanamke anapaswa kukuna nazi kisha kuchuja tui zito na kulipasha moto hadi liwe vuguvugu. Baadaye likishapoa kiasi, analipaka katika nywele zake kutoka kwa mashina hadi ncha huku akikanda kichwa chake taratibu kuruhusu mzunguko wa damu. Anapomaliza shughuli hiyo, anaosha kwa maji fufutende.

 

[Benevento]

Kaone, ngoja nimalize kuuza vitunguu saumu nije

Tangu lini ukawa unauza vitunguu

 

[Numbisa]

Tui la nazi linasifika kwa kukuza nywele, kuzuia kukatika, kuondoa wabisi, kuzifanya ziwe nyororo na kuzifanya ziwe na rangi nyeusi iliyopasha au iliyokoleza.

 

[Numbisa]

MAFUTA ya nazi ni mazuri kama yatatumika jinsi ipasavyo kwani yana uwezo wa kukufanya uonekana mrembo mwenye ngozi ya kuvutia ajabu!

 

[Numbisa]

Kuondoa makeup

Mafuta ya nazi yanaweza pia kutumika kuondoa makeup usoni. Mtumiaji anashauriwa kuitoa makeup kabla ya kuenda kulala. Katika kufanya kazi hiyo, mafuta ya nazi yanatumika hivi:

– chukua pamba safi chovya kwenye mafuta ya nazi
– futa uso wako taratibu kwa kutumia pamba iliyo na mafuta ya nazi
– baada ya kufuta tumia cleanser au nawa uso wako vizuri kwa sabuni

 

[Numbisa]

Kulainisha ngozi

Mafuta ya nazi pia hutumika kama kilainishi cha ngozi yako hasa kwa

– kuondoa magaga kwenye nyayo za miguu
– kuzuia mipasuko ya nyayo za miguu
– kupunguza hali ya kukauka kwa ngozi ya mikononi

Hivyo, mafuta ya nazi yanasaidia kwa kiasi kikubwa sana kulainisha ngozi na kuipa afya nzuri.

 

[Numbisa]

Kuondoa seli zilizokufa

Mafuta ya nazi husaidia kuondoa ngozi iliyoharibika katika mwili. Mtumiaji anahitajika tu

– kuchukua mafuta ya nazi, sukari na chumvi na kuchanganya ili kupata mchanganyiko mmoja kisha kupaka katika mwili mzima.
– kufanya masaji kwa mchanganyiko huo na kukaa nao kwa muda kabla ya kuoga.

Bila shaka mtumiaji ataona tu mabadiliko katika ngozi yake baada ya kukamilika kwa shughuli hii.

Mi muhimu kufanya hivyo mara tatu kwa wiki au kipindi hata kirefu zaidi ya hapo.

 

[Numbisa]

Husaidia katika kunyoa

Wengi wetu tumezoea kutumia Shaving cream wakati wa kunyoa nywele lakini mafuta ya nazi pia yanaweza kutumika hapa badala ya shave cream, yenyewe yanasaidia kutibu vipele vinavyojitokeza baada ya kunyoa.

 

[Numbisa]

Kukuza nywele

Mafuta ya nazi yanatumika katika kurutubisha nywele na kufanya ziwe na nuru. Ni muhimu kupaka kwenye ngozi na pia sehemu ya nywele ambazo ni hafifu au zilizokatika.

 

[Numbisa]

BADALA ya kutumia vipodozi vikali ambavyo wakati mwingine huweza kusababisha maradhi kama saratani kwa sababu ya kemikali zilizonazo, ni vyema ukatumia vipodozi vya asili ambavyo ni rafiki kwa ngozi yako.

 

[Numbisa]

Hata hivyo aina yoyote ya ngozi ni nzuri ilimuradi isiwe na harara, upele au mabaka.

 

[Numbisa]

Watu weusi na weupe wasipozifanyia ngozi zao matunzo ni lazima ziharibike na zipoteze mvuto.

 

[Numbisa]

Jinsi ya kuifanya ngozi yako iwe na weupe wa kipekee kwa kutumia vitu vya asili ambavyo hupatikana jikoni mwako, tena kwa urahisi.

 

[Numbisa]

Ili kuing’arisha ngozi yako, unaweza kuvitumia vitu kama vile;

Limau

Limau linaweza kuufanya uso wako ukapata weupe wa kipekee na kwa wale wenye ngozi nyeusi wakawa wang’aavu.

Kata limau nusu. Ile nusu nayo ikate nusu, hivyo utapata robo.

Sugua limau katika uso wako na uruhusu juisi yake iingie katika ngozi yako.

Baada ya kufanya hivyo, acha juisi hiyo ibaki usoni kwa robo saa.

Osha uso wako kwa maji ya moto. Fanya hivyo angalau mara mbili kwa wiki, na utaona mabadiliko.