Uzi maalum wa kupeana Likes: Comment chochote upate "Like"

Hata huyu rafiki yao Anthony pia alifariki wakati anakimbizwa hospitali.

Wanandoa hao walio na huzuni hawakutaka chochote zaidi ya kuwarudisha watoto wao hao haswa baba yao John. Ilifika hatua John akawa anatangaza kuwa watajaaliwa tuu watoto wengine kama hao.
 
Ajabu ni kuwa ilitokea kama alivyotamka, mwaka mmoja baadae Oktoba 4, 1958 Florence alijifungua mapacha wasichana wawili ambao waliwapa majina ya Gillian na Jennifer, walifanana kila kitu na dada zao waliofariki katika ajali mwaka mmoja uliyopita.
 
Wale waliofariki mwaka 1957 mmoja alikua na alama ya mchirizi wa asili shavuni na kiunoni huku mwingine akiwa na alama ndogo ya kovu sehemu ya shavu, na hawa waliozaliwa mwaka mmoja baadaye walikuja kuwa na alama hizo hizo pia zilizoanza kuonekana walipofikisha umri wa miaka minne.
 
Hali za ajabu zilianza kumtokea Florence tangu akiwa mjauzito, alikuwa anaota ndoto za ajabu akipewa maono kuwa atazaa watoto kama wale wale kitu kilichokuja kutokea kweli, ilikuwa huwezi kuwatofautisha kabisa kati ya hawa wapya na wale waliofariki, walifanana kuanzia mwonekano hadi tabia.
 
Ajabu zaidi ilikuja baada wa watoto hawa kutimiza umri wa miaka mitano, walianza kuwaeleza wazazi wao juu ya ndoto walizokuwa wakiziota kuhusu ajali ya gari, walikuwa wakisimulia kuwa wanaota wamepata ajari ya gari katika eneo ambalo ndilo ajali ilitokea kwa dada zao waliofariki nyuma.
 
Wasichana hao pia waliweza kutaja majina ya midoli ambayo walikuwa wanaichezea dada zako miaka ya nyuma, walisimulia kuwa walikuwa wakiipenda sana midoli hiyo kitu ambacho ndicho kilichokuwepo kwa dada zao waliofariki, walikuwa wakiipenda midoli hiyo pia.
 
Mama yao Florence alihifadhi vitu vya kuchezea vya wanawe waliofariki, ajabu mapacha hao walipoviona tuu walianza kumuuliza mama yao vitu vingine vipo wapi? Walikuwa wakivitaja kwa majina kabisa kana kwamba vilikuwa vya kwao, wakati ilikuwa ni mara ya kwanza kuviona.
 
Hata walipopewa vifaa hivyo vya kuchezea waligawana sawa kabisa kama wale wa mwanzo walivyokuwa wakigawana, hadi walifikia hatua kutaja kuwa vifaa hivyo vilikuwa vimetoka kwa Santa Claus Jambo ambalo lilikuwa kweli kabisa, na hawakuambiwa.
 
Wanandoa hao waliamini kuwa Jennifer alikuwa kweli ni Jacqueline na Gillian alikuwa Joanna, waliamini kuwa ni wale wale waliopata ajali na kufa, na sasa wamezaliwa upya kwasababu tofauti pekee iliyoonekana kwa wale wa zamani na hawa wapya ni majina yao tuu, walifanana kwa kila kitu.
 
Kabla hawajafariki Joanna wa miaka 11 alikuwa akimpenda na kumuongoza mdogo wake Jacqueline wa miaka 6, hii pia ilikuja kutokea kwa hawa waliozaliwa baadaye, licha ya kuwa walikuwa mapacha lakini Gillian alikuwa akionekana ni mdogo, alikuwa akiongozwa na kusaidiwa na Jennifer katika baadhi ya vitu.
 
Watoto hawa wakiwa na umri wa miezi mitatu pekee familia hii walihamia katika mji wa Whitley Bay mashariki mwa Hexham na kuishi huko, hawakuwahi kurudi tena Hexham walikokuwa wakiishi awali ambako huko ndiko dada zao walipatia ajali.
 
Lakini ajabu ni kwamba watoto hawa walipofikisha umri wa miaka mitano walianza kuwaeleza habari za mji wa Hexham ambao licha wa wazazi wao kuishi huko miaka mingi lakini wao wala hawakukulia huko, waliondoka wakiwa na umri wa miezi mitatu tuu, lakini maelezo yao yalikuwa kama watu wanaoufahamu vizuri mji huo.
 
Lakini pia walitaja shule moja iliyopo katika mji huo ambayo ndiyo shule waliyokuwa wakiisoma dada zao waliofariki kwa ajali miaka kadhaa nyuma, maswali yakawa mengi, wanayajua vipi hayo yote wakati katika mji huo walihama kitambo tangu wakiwa na umri wa miezi mitatu tuu na hawakuwahi kurejea?
 
Wazazi waliamini moja kwa moja kuwa mabinti zao wa zamani ndio hao wamekuja kuzaliwa tena upya na walisema hawajawahi kuzungumza chochote na binti zao hao kuhusu uwepo wa dada zao miaka ya nyuma, yote walikuwa wakiyasimulia wenyewe tuu.
 
Taarifa ya mtandao wa Daily Mail wa Uingereza Iliyochapishwa Aug 6, 2014 ilisema kuwa Adriana mwanamke wa umri wa miaka 39 na mumewe Leandro wa umri wa miaka 37 raia wa Sao Paulo Brazil walioana tangu mwaka 2004 na kupata watoto watatu.

Wiki chache baada ya Adriana kuzaliwa miaka hiyo 39 nyuma alitelekezwa na mama yake hali iliyofanya alelewe na watu baki kwa miaka yote na baadaye kumpata mume huyo, lakini muda wote huo alikuwa anaendeleza juhudi zake kumtafuta mama yake.

Mwaka 2014 Adriana alifanikiwa kumpata mama yake kupitia mahojiano fulani aliyokuwa akiyatazama katika TV, alivyomtafuta na kumfika mama akastaajabu kuona bintiye huyo ameolewa na kaka yake wa tumbo moja.
 
Kumbe Leandro na Adriana walikuwa ni mtu na kaka yake kabisa ambao wote walitelekezwa na mama yao huyo Maria kwa nyakati tofauti tofauti. Licha ya kuambiwa waachane kwakuwa ni ndugu lakini jamaa akagoma, waliendelea kuishi kama mume na mke.

Hali kama hii iliwahi kutokea pia nchini Australia ambapo baba alijikuta akiwa amemuoa binti yake wa kumzaa bila kujua, nao walikataa kuachana.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…