Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

Hii ndio rekodi ya dunia ya utunzaji wa kijusi kwa muda mrefu zaidi, miaka 27 mbele ya kijusi kingine kilichotunzwa kwa miaka 24, hiki mtoto alizaliwa November 25, 2017 huko Tennessee US, anaitwa Emma Gibson.

Vijusi vya Emma na Molly vyote vilianza kutunzwa siku moja ya November 14, 1992 ambapo kijusi kimoja kilipandikizwa kwa Tina Gibson mwaka 2017, na kingine kikaja kupandikizwa kwa Tina huyo huyo tena mwaka huu 2020, kwahio Emma na Molly ni mtu na dada yake.

Viini tete hivi hununuliwa na baadhi ya vituo vya kitaalamu kutoka kwa watu ambao husema hawana mpango wa kuzaa kutokana na umri kwenda au vinginevyo, hivyo badala ya kutoa mimba wanaenda kuuza vijusi hivyo vinavyohifadhiwa na kupandikizwa kwa wahitaji wa mtoto.

Mwaka 2016 Tina Gibson na mumewe Benjamin walifika katika kituo cha NEDC, National Embryo Donation Center Tennessee US kwaajili ya kuangalia uwezekano wa kupandikizwa kijusi, hatimae 2017 walifanikiwa na safari ya kukua kwa kijusi hicho kilichohifadhiwa tangu mwaka 1992 ikaanza, na 2020 wakafanikiwa tena.

Ukipandikizwa kijusi ujauzito unaanza kukua kuanzia muda ule ule kijusi kilivyotolewa na kuanza kutunzwa, kama ni wiki 8 au vinginevyo, miezi 9 baadae unajifungua kawaida kabisa. Kama una mume basi anakua hana ufanano wowote na mtoto huyo kutokana nayeye kutohusika kabisa katika uzalishaji.

Wakati akihojiwa na CNN Tina mwenye umri wa miaka 29 sasa alisema "ninachojali mimi nimepata mtoto baada ya kuhangaika miaka mingi, haijalishi imevunja rekodi ya dunia au lah. Ni zawadi yangu ya Christmas kutoka kwa Mungu."

Takwimu zinaonyesha kuwa karibia asilimia 5 ya watoto wote waliozaliwa US mwaka 2017 walitokana na usaidizi huu wa teknolojia
 
Chanzo ni asubuhi ya September 21, 1995 ambapo mwabudu mmoja alipeleka sadaka yake ya maziwa katika hekalu moja kusini mwa New Delhi, alipojaribu kuwa kama anainywesha sanamu maziwa hayo kwa kijiko akaona inakunywa kweli, maajabu yakanzia hapo.

Hata watu walipojaribu kupeleka maziwa katika temple nyingine nyingi za mungu huyu pia katika miji mingi nchini humo maziwa yalinyweka pia.

Taarifa ya BBC ya December 14, 2016 ilisema kuwa hata kwa temple zilizokuwa nchi nyingine kama US na Canada pia ilikuwa hivyo hivyo, na yalikuwa ni maajabu ya siku moja tuu, kesho yake maziwa hayakunyweka.

Sanamu ya mungu wa kihindu ganesha inamkonga mfano wa mkonga wa tembo, hivyo inaelezwa maziwa yaliyokuwa kwenye kijiko yalikuwa yakivutwa kwa style ya tembo anavyokunywa.
 
Jiwe hili ndio alama kubwa ya mji wa Shivapur huko Pune nje ya mji wa Mumbai. Ukweli ni kwamba jiwe hili hakuna anaweza kuliinua, njia pekee ni watu 11 kulizunguka jiwe hili na kulitaja kwa heshima jina lake Qamar Ali Darvesh, ndio mtu anaweza kuliinua.

Kulingana na wasufi huko India Qamar Ali alikuwa mtakatifu wa wasufi na alikuwa maarufu sana kwa miujiza yake katika miaka 800 Iliyopita.

Miaka 800 iliyopita eneo hili lilikuwa ni eneo lenye mawe mengi yaliyokuwa yakitumika kwa watu kufanya vurugu, walitumia mawe kujeruhi watu na kuharibu mali, jambo hili Qamar hakupendezwa nalo, akaweka laana kwenye jiwe hili moja ili kudhihirisha kuwa nguvu ya kiroho ni kubwa kuliko nguvu yoyote.

Historia imeandika kwamba Qamar alikuwa na imani kali toka utotoni na alifariki akiwa na miaka 20 pekee, hata kabla ya kifo aliomba jiwe hilo liwekwe karibu na kaburi lake huku akitamka kuwa:-

"Ikiwa wanaume kumi na moja wataweka vidole vyao vya kulia chini ya jiwe hili na kulitaja jina langu, nitaliamuru liinuliwe mpaka juu ya vichwa vyao, vinginevyo sio peke yao au kwa pamoja wataweza kulisogeza hata hatua mbili kutoka ardhini."

Tangu hapo mpaka hii leo hakuna aliyeweza kuliinua kwa njia tofauti na hio, alikataa pia kuwa wanawake waharuhusiwi kusogelea kaburi lake
 
Tangu kale mmoja wa miungu wanayoiabudu wahindu ni mungu wao anayeitwa Karni, kupitia imani zao na kupitia mungu wao wa kifo wanaamini kuwa mtu akifa atazaliwa tena miaka ijayo kama panya, hii ndio sababu ya kuwepo kwa panya hawa wengi wanaoabudiwa.

Watu wengi husafiri kutoka mbali na kufika katika temple kutoa heshima kwa panya na huamini wanapata baraka.

Hadithi zinasema kuwa mungu wa kike karni alikuwa na mtoto wake aliyeitwa Yama aliyefariki kwa kuzama mtoni wakati akijaribu kunywa maji huko Kolayat India, karni akamuomba mungu wa kifo amfufue mwanae, ndipo mungu huyo alipoamuru watoto wote wa karni wakifa wafufute kama panya.

Huko kula chakula kilicholiwa na panya huchukuliwa kama ni heshima na ni bahati. Panya mmoja akifa katika temple huzikwa kwa heshima na hubadilishwa mwingine.

Katika temple hiyo kuna panya wachache weupe wanaoheshimiwa zaidi kama watakatifu kama ilivyo kwa mungu wao karni na wanawe wanne. Watu huleta chakula kitamu kwa panya hao, kwa miaka na miaka hakuna ugonjwa wowote uliowahi kulipuka humo kutokana na maelfu hayo ya panya.

Waabudu wengi wanaamini mate ya panya huponya hivyo kushiriki kulamba maziwa yaliyobaki katika beseni kubwa baada ya panya kuyalamba na kuyaacha. Wakati wa ibada maelfu ya panya huzunguka ndani na kuonekana fahari
 
Kambi hii ipo mjini Lower Saxony kaskazini mwa Germany, lilianzishwa 1940, baadae mwaka 1943 likawa gereza, lakini kutokana na mahitaji makubwa ya kuwasaidia watu kujihifadhi kutokana na vita ya pili ya dunia iliyokuwa inaendelea, wakaamua kuifanya kambi ya watu kujihifadhi.

Inaelezwa kuwa ni kama waangalizi walijisahau kabisa na kuzamia vitani bila kukumbuka kuwa kuna wananchi wengi wamejihifadhi kambini humo wanahitaji misaada mingi ya kimatibabu na chakula.

Zaidi ya wananchi 60,000 walikuwepo kambini humo tangu 1943, lakini mpaka kambi inafungwa mwaka 1945 baada ya vita kuisha, walikutwa karibia wananchi 35,000 huku kukikutwa miili zaidi ya 13,000 iliyotapakaa kambini ikiwa haina nyama, ikiwa na maana kuwa ililiwa na wenzao.

Historia imeandika kuwa kati ya mwaka 1941-1945 karibua watu 52,000 walikuwa wamefariki kambini humo kwa magonjwa ama kuliwa na wenzao kama chakula, wengi wakiwa ni wanawake, watoto na wazee huku miili yao ikiachwa tuu kambini bila kuzikwa.

Wanasema Bergen-Belsen was hell on earth. Kambi hii inatajwa kama ni moja ya maeneo ambayo mjerumani kaua sana watu.

Jeshi la Uingereza ndilo lililosaidia kwa kiasi kikubwa sana kuvunjika kwa kambi hii mbaya, liliwahukumu kifo wafanyakazi 11 wa kambi akiwemo mkuu wao Josef Kramer pamoja na maofisa wengine, wote walinyongwa mwaka huo huo 1945.
 
George alizaliwa September 16, 1887 na kufariki September 4, 1968 US. Rangi yake nyeusi ilipelekea chuo kimzuie kujiunga na chuo hicho, lakini baada ya vuta nikuvute ya miezi mingi mahakamani akafanikiwa kushinda kesi bila kujua huo ulikuwa ni mwanzo tuu.

Katika masomo yake George alikua na kiti chake darasani kilichotengwa, na alikuwa na chumba chake peke yake kulala walichomtengea pia, waliona hakuwa binadamu wa kuchanganyikana na wazungu kutokana na kuwa mweusi. Maktaba pia alisoma peke yake, hakupewa ushirikiano wowote kutoka kwa wenzake chuoni.

Pamoja na yote hayo lakini alikuwa kati ya tatu bora katika mitihani ya chuo kilichokuwa na wanafunzi zaidi ya 12,000, alisoma hadi akaja kuwa professor wa chuo kikuu, akaja kuwafundisha haohao wazungu waliokuwa wanamuona sio kitu pale pale chuo.
 
Ilikuwa ni mwaka 2007 ambapo msichana mmoja alikuwa akitembea katika pwani ya bahari katika kisiwa cha Jedediah Canada, akakutana na kiatu kimoja ambacho baada ya kukitazama akastaajabu kuona mguu upo ndani yake ukiwa na socks.

Tangu wakati huo miguu ya aina hio Ikiwa ndani ya viatu iliendelea kuokotwa katika pwani ya kisiwa hicho huku kusijulikane nini chanzo, kwasababu hakukuwahi kupatikana viungo vingine tofauti vya mwili zaidi ya vipande vya miguu vikiwa ndani ya viatu.

Miguu iliendelea kuokotwa zaidi hadi ilifika miguu mitano, hakuna aliyeweza kufahamu kwanini inaokotwa miguu hio, na hakukuwahi kutolewa taarifa zozote labda mtu kutekwa, kuvamiwa au kupotea, na hakukuwahi okotwa viungo tofauti na hivyo.

Mguu wa kwaza uliokotwa Augost 20, 2007, wapili Augost 26, 2008, watatu February 2, 2008, wanne Mei 22, 2008 na wa tano uliokotwa Juni 16, 2008.

Mmoja wa miguu iliyookotwa mwaka 2008 ulifananishwa na mguu wa mwanaume mmoja aliyejiua kwa kujirusha darajani siku chache nyuma lakini familia yake iligoma kutoa ushirikiano, na mwili wake haukupatikana, na miguu mingine waliamini ni ya watu hao pia waliokuwa wakijiuwa.

Lakini swali likaja, kuna uhusiano gani wa mtu kujiua kwa kujirusha darajani na kujikata au kukatwa mguu? Ukizingatia pia katika miezi hiyo iliokotwa miguu mitano, na watu waliojiuwa kwa njia hio walikuwa wawili pekee.

Wengine waliamini labda ni miguu iliyokuwa inatokana na ajali za ndege baharini hivyo ilikuwa ikisafiri kuja ufukweni huku wengine waliamini labda ni miguu ya wahanga wa Tsunami ya mwaka 2004 huko Asia hivyo miguu yao ilikuwa ikivutwa na maji baharini hadi kisiwani humo, lakini kwa miaka hiyo mitatu miguu si ingekua imeharibika vibaya?.

Waliamini zaidi baada ya kuona muundo wa viatu unafanana, na ni toleo lililotoka kabla ya mwaka 2004. Hizi ni imani tuu lakini ukweli hadi sasa hakuna uchunguzi ulioleta majibu sahihi juu ya swala hili.
 
Cryonics ni kitendo cha kuuhifadhi mwili wa binadamu kwa malengo ya kuja kuufanyia teknolojia ya kuurudisha kuwa hai tena miaka ya baadaye, Cryonics inaweza kuwa katika upande wa teknolojia au upande wa imani.

Taratibu za Cryonics zinaanza tu baada ya kifo cha mhusika, zinaweza kuanza ndani ya dakika chache baada ya kifo, maiti ya kwanza kabisa kugandishwa ilikuwa ni ya Dkt James Bedford wa US mwaka 1967, na tangu hapo ni maiti nyingi zimekuwa zikihifadhiwa kitaalamu kwa kuisubiri teknolojia ya ufufuo ya baadae.

Mpaka sasa mwili wa Dkt James upo katika moja kati ya vituo vinavyofanya Cryonics huko US, upo katika kituo cha Alcor Life Extension Foundation kilichopo Arizona.

Hadi mwaka jana 2019 kituo hiki pekee kilikuwa na miili ya watu 172 iliyohifadhiwa kwa kungoja kufufuliwa tena kisayansi miaka ya baadaye huku karibia watu 1000 wakisign mikataba kuwa wakifa nao wajumuishwe, pia kituo hiki kina miili ya wanyana kama mbwa kwaajili hiyo.

Mwaka 2014 zaidi maiti 250 zilikuwa zimehifadhiwa huko US, na zaidi ya watu 1,500 walikuwa wamefanya makubaliano ya kimkataba kwamba wakifa basi miili yao ihifadhiwe pia. Hadi mwaka 2016 kulikuwa na vituo vinne tuu wanavyohifadhia maiti hizi duniani, vitatu US na kimoja Urusi.

Kwa mujibu wa vyanzo mbalimbali inaelezwa kuwa gharama za kuuhifadhi mwili mmoja inafika $35,000 kwa mwaka ambazo ni sawa au zaidi ya pesa za kitanzania milioni 81.
 
Akiwa mbele ya mahakama Herbert alijitetea kuwa hakuwa amemuoa Getrude kwasababu hakuwa na pesa na maisha mazuri huku akisema wakulaumiwa ni Getrude mwenyewe maana hakuwa akimsisitiza ama kuonyesha anataka kuolewa.

Getrude alidai kuwa mwanaume wake huyo amekua muongo, amempotezea muda mwingi na amemshika na SMS za mwanamke mwingine kwenye simu yake hivyo anaiomba mahakama itoe amri jamaa amuoe kilazima.

Hakimu kiongozi Everyn Nalwize alisema kuwa kwakuwa wawili hao hawakuwa katika ndoa, mahakama haiwezi kutoa uamuzi wowote hivyo wapenzi hawa waliojaaliwa kupata mtoto mmoja warud kuyamaliza wenyewe nyumbani. Fox News na Mirror wameripoti jana taarifa hii.
 
Kabla ya Kristo waroma walikuwa wakimuamini mungu wao waliomwita Vesta, waliamini kua mungu wao huyu wa kike alikuwa bikra hivyo kila msichana pia anatakiwa kuwa bikra mpaka anafikisha umri wa kuolewa ambao ni miaka 30.

Walijenga mahekalu mengi ya kumuabudia mungu wao huyu huku wakiwakusanya mabinti wengi wadogo wa kati ya miaka 6-7 na kuishi katika mahekalu hayo kwa miaka yote mpaka wakifikisha miaka 30 na kuolewa.

Ikiwa umefikisha miaka 30, ukapatikana hauna bikra yako basi adhabu ilikuwa ni kunyongwa au kuzikwa ukiwa hai, mungu Vesta alikuwa na heshima kubwa sana, mwanamke kupoteza bikra ukiwa hujaolewa ilikuwa ni kosa kubwa sana.

Mila hizi hazikuwepo Roma pekee, zilikuwepo katika nchi nyingi sana duniani, hata katika nchi za Africa pia ilikuwa heshima ya mwanamke anapoolewa ni bikra yake, kila mwanamke alikuwa anahakikisha anaitunza bikra yake akisubiri ndoa, hii ndio ilikuwa ndoto wa wanawake wengi.

Miaka hio pia katika nchi ya Samoa, chifu wa kabila alikuwa anaingiza vidole viwili ukeni kwa bi harusi mbele ya umati kabla ya harusi ili kudhibitisha 'usafi' wake na bikra yake, kama mwanamke hana bikra hakuna harusi, na anatangazwa hadharani pale pale ili mwanaume mwingine asije panga nae ndoa.

Wakati huo huo wanawake katika Israeli ya zamani walitengwa ikiwa watapatikana hawana bikra wakifikisha umri huo wa miaka 30 au kabla ya ndoa.
 
ubao unaoitwa Ouija, ni ubao uliochorwa herufi zilizochanganyikana na namba 0-9, kuna neno yes, hello na goodbye, unaitwa ubao unaoongea. Mtumiaji ataweka mikono yake hapo kisha kutamka neno Ouija, hapo tayari anakuwa ameunganishwa kufanya mawasiliano na roho za kuzimu.

Wataalamu wa mambo haya waliamini kwamba wafu waliweza kuwasiliana na walio hai na inasemekana walitumia ubao huu kwa mawasiliano ya haraka na mizimu, watu walikuwa wakiutumia ubao huu katika miaka ya 1880 huko Amerika na Ulaya.

Sayansi pamoja na dini zilipiga vita kuzuia matumizi ya vibao hivi vya kichawi zikisema kuwa badala ya kuwasiliana na wafu, roho za kishetani humuingia muwasilianaji na kuleta shida ya mwili wake kumilikiwa na roho wachafu kama ilivyowatokea wengi.

Inaelezwa kuwa uchawi huu wa vibao ulianza muda mrefu sana tangu miaka ya 1100 AD mpaka vikaja kupigwa vita visiwepo katika karne ya 19 baada ya kupotea na kuibuka upya. Kuna filamu nyingi zimefanywa kwa kuuzingatia uchawi huu wa ubao wa Ouija, mfano wa filamu hizo ni What Lies Beneath (2000).

Filamu nyingine ni ya I am Zozo ya mwaka 2012 wakielezewa watu walioingiwa na roho wachafu baada ya kuutumia ubao huu wa Ouija, na filamu nyingine ni Ouija ya mwaka 2014. Vibao hivi havipo tena miaka ya leo.
 
FB_IMG_1610940448975.jpg
 
You must log in or register to reply here.

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register