Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

Kwa mujibu wa taarifa ya BBC ya April 14, 2018 ni kwamba miaka ya 1960 John alipata kazi ya ualimu katika shule moja ya upili huko New Mexico lakini baadae akafichua siri kwamba licha ya kuhudumu kama mwalimu kwa miaka 17 lakini hakua anajua kusoma wala kuandika.

"Nilichelewa sana kuzungumza, katika miaka 6 ya kwanza ya maisha yangu sikua bado nna uwezo wa kuzungumza, wazazi wangu wakanipeleka shule hivyo hivyo na kuniambia mimi ni mshindi"

"Katika mwaka wa kwanza shuleni hali ilikuwa sawa, hakukuwa na chochote zaidi ya kusimama kwenye mstari, kukaa chini, kwenda bafuni kuoga na kulala"

"Mwaka wa pili tulitakiwa kujifunza kusoma na kuandika lakini kwangu ilikuwa ni kama kufungua gazeti la kichina, sikuelewa chochote, mpaka nafikisha miaka nane nilikuwa mtoto ambaye siwezi hata kueleza shida kwa mtu"

"Wakati mwingine nilikua naamka usiku na kusali kuwa Mungu anisaidie kusoma, kisha naamka tena kufunua kitabu labda nitaona muujiza lakini sikupata muujiza huo"

"Shuleni niliishia kua bubu, sikujua hata ninasemaje kuomba nitoke nje, sikujua hata nilifikaje hapo, sikuwa hata swali gani la kuuliza"

John anasimuliza zaidi na kusema alipata kazi ya ualimu wa shule ya upili kwa njia za panya mwaka 1961 na akafundisha kwa miaka 17 mpaka 1978 huku akiwa hajui kusoma wala kuandika. Anasema alikuwa anafundisha wanafunzi kuwa watafutaji na alikuwa muongo mkubwa.

Alianza kujifunza kusoma na kuandika akiwa na miaka 48 miaka ya 1980 baada ya kuacha kazi hiyo miaka 8 nyuma na baadae kuamua kuitoa siri yake hiyo.
 
CC866861-E821-413A-B603-0D55288B7C7D.jpeg
 
Dashi-Dorzho Itigelov kiongozi wa dini hii ya kibudha miaka hiyo nchini Urusi, kutokana na unyanyasaji waliokuwa wakikutana nao kutoka kwa kiongozi wa Urusi wa wakati huo Joseph Stalin ikabidi wahame katika maeneo ya nchi hiyo.

Ndipo kiongozi huyu akawaita wafuasi wake na kuwataka wao waondoke mbali huku yeye wakimuacha hapo akiwa katika maombezi mazito, ana alisema atakua katika maombi hayo mpaka kifo kinamfika huku akidai kuwa baada ya miaka 75 atakua amemaliza maombi na atafufuka.

Ni kweli alizama kwenye maombi, baadae akafariki mwaka huo akiwa na miaka 75. Wakati inatimia miaka 75 mwaka 2002 waliutazama mwili wake kaburini na kugundua kuwa bado haukuwa umeharibika, viungo vilikuwa sawa, ngozi ilikuwa laini kama kazikwa juzi.

Kabla ya mwaka huo 2002 walikuwa wakiutoa mwili huo na kuufanyia usafi na kuubadilisha mavazi na kuurudisha katika box alimozikwa, walifanya hivyo miaka ya 1957 na 1973.

Mwaka huo 2002 sasa wakaamua kuuhifadhi mwili huo juu wakiamini kuwa kiongozi wao bado alikuwa hajamaliza maombi yake na akimaliza atarejea, mwili huo unatunzwa bado mpaka hivi sasa ukiwa umekalishwa hivyo hivyo.
 
Rosalia ambaye ni wakike alikuwa na umri wa miaka miwili tu alipokufa kutokana na homa ya mapafu December 6, 1920. Kifo chake cha mapema kilimwacha baba yake akiumia sana na kuamua kuongea na mtaalamu wa kuhifadhi maiti isiharibike Alfredo Salafia ili auhifadhi mwili wa Rosalia pia usiharibike.

Alfredo ni mtaalamu wa dawa za kupaka za kutunzia maiti na alifanya operesheni nzuri kwa Rosalia kuondoa uchafu wote na kwamba karibu miaka 100 sasa baada ya kifo chake msichana huyu bado anaonekana akizidi kunawiri ndani ya jeneza la glasi lenye taa kwenye Makaburi ya Capuchin ya Palermo, Italia.

Mwili wa Rosalia ulihifadhiwa ikiwa ni sehemu tu ya kivutio. Wageni wanaokuja kumwona wanaapa kwamba mara kadhaa wanamuona msichana huyu mdogo anapepesa macho huku picha zikionyesha kope zake zikifungua na kufunga.

Licha ya maajabu ya kuonekana anachezesha macho yake lakini pia hata viungo vyake vya ndani viko sawa kama ilivyoonyeshwa kwenye picha za X-ray. Rosalia amepata sifa ya kuwa ni moja ya maiti bora zaidi zinazotunzwa duniani.

Mwanzo wataalamu walikuwa na mawazo kwamba inawezekana mabadiliko ya joto ndani ya glasi aliyomo ndiyo husababisha kope zake kupepesa kila muda, lakini msimamizi wa maburi ya Capuchin, Dario Piombino-Mascali alisema anaamini kuwa macho ya kupepesa ya Rosalia yanasababishwa na mwanga wa taa unaommulika ndani ya glasi hiyo.

Lakini swali likaja ni kwanini hata baada ya taa hizo kubadilishwa Rosalia anaonekana kufungua na kufunga macho yake mara kadhaa kwa siku nzima vile vile, ni maswali yaliyobaki bila kupatiwa majibu?.

Hali hii ilianza kutokea kwa mara ya kwanza kabisa mwaka 2009 baada ya wafanyikazi kuhamisha jeneza lake na kusababisha mwili wake kuhama kidogo, hiyo ilimruhusu mhudumu mkuu Piombino-Mascali kuona kope zake vizuri zaidi zikiwa zinapepesa kuliko hapo awali.

Licha ya kufariki tangu miaka 100 nyuma lakini mwonekano wake Rosa upo vile vile hali Iliyompelekea kuitwa sleeping beauty.
 
Ligon mwenye umri wa miaka 83 aliachiwa kutoka katika gereza la Pennsylvania alhamisi iliyopita baada ya kufungwa maisha mwaka 1953, ilikuwa ni baada ya kupatikana na hatia za mauwaji pamoja na wizi, hatia ambazo binafsi anasema alionewa.

Mwaka huo zilitokea vurugu huko Philadelphia zikihusisha walevi na kupelekea vifo vya watu wawili, Ligon akiwa na umri wa miaka 15 tuu na wenzake wengine wanahukumiwa vifungo vya maisha jela.

Kufungwa inaweza isiwe ajabu, lakini ajabu inakuja pale ambapo mara kwa mara Ligon alikuwa anakataa kutoka jela kwa misamaha ya rais akidai kuwa kwakua hakuhusika kabisa na shutuma hizo basi hawawezi kusema atoke kwa msamaha, msamaha kwa kosa lipi alilofanya?

Mwaka 2012 mahakama mjini humo ilitoa amri ya kupunguziwa vifungo kwa watuhumiwa wote waliohusika na tukio hilo hali iliyopelekea Ligon kumaliza kifungo chake wiki jana baadaa ya kukaa gerezani kwa miaka 68.

Tangu afungwe mwaka 1953 Ligon hajawahi kukata rufaa, hajawahi kuomba adhabu ipunguzwe na mara nyingi alikuwa akigoma kutoka jela kwa misamaha akisema kuwa kwakua hakuuwa wala kuhusika na vurugu sasa msamaha huo ni kwa lipi? hivyo alikuwa tayari kutumika kifungo chote.

Wakati anatoka jela alhamisi iliyopita Ligon alizungumza maneno machache tuu "Hii sio siku ya huzuni kwangu."
 
Inaitwa vita ya tikiti au machafuko ya tikiti yaliyotokea jioni ya April 15, 1856 katika mji wa Panama huko Panama.

Mchana wa siku hiyo treni iliyobeba karibia abiria 1,000 kutoka California US iliwasili mjini hapo ambapo kati ya abiria hao wengi kulikuwa na watalii wengi pia waliofika Panama kutoka huko US.

Kikundi cha watalii wanne au watatu kilimfuata muuza matunda mmoja kwa jina la Jose Manuel Luna na kula matunda aina ya matikiti aliyokuwa akiyatembeza katika maeneo hayo ya kituo cha treni.

Mtalii mmoja kwa jina la Jack Oliver alikataa kulipia pesa ya matunda aliyokula kwa Jose huku wenzie wakilipa vizuri tuu, baada ya kudaiwa sana akaona sasa ni kero na kuamua kumtishia Jose kwa bunduki yake ndogo aliyokuwa nayo, ndipo Jose nae akatoa kisu ili wapambane.

Kipindi hicho mji huo ulikuwa umejaa watu wengi waliokuwa wametoka utumwani katika nchi mbali mbali kama US nk, ndipo walipopata hasira na kuanza kuokota mawe na chochote ili wapambane na wamarekani hao waliokuwa wengi na wengi wao walionyesha kuwa na bunduki, ukizingatia pia walikuwa wametoka utumwani huko huko US.

Machafuko hayo makubwa kituoni hapo yaliisha kwa kusababisha vifo vya watu 18 ikiwa kwa wamarekani ni 15 na kwa wapanama ni vitatu huku zaidi ya wamarekani 50 wakijeruhiwa na majeruhi wengine 15 walikuwa ni raia Panama, miundombinu mingi pia kituoni hapo iliharibiwa..

Baada ya uchunguzi kwa nchi zote mbili juu ya tukio hilo watalii hao wote kwa pamoja walipewa pesa $160,000 kama fidia ya janga hilo lililowakuta.

$160,000 ni sawa na zaidi ya milions 371 ya tz, na kwa miaka hiyo ya 1850 pesa hii ilikuwa na thamani sawa au zaidi ya $5,343,056 ambayo ni zaidi ya bilions 12.4 ya tz.
 
Harvard University ni moja kati ya vyuo vikubwa na vinavyoheshimika sana duniani, sio tuu kwa sasa bali ni wakati wote tangu kinaanzishwa mwaka 1636 huko US. Miaka mitatu baadaye kiliitwa Harvard kwa heshima ya John Harvard aliyefariki huku akiacha pesa £776 kama msaada chuoni hapo.

£779 ni sawa na TZS 2.4 milions za sasa, £779 ya miaka hiyo inaweza kulingana thamani au kuwa zaidi ya £20,000 ya sasa, zaidi ya TZS 62 milions.
 
Baadhi ya watu wakubwa maarufu waliosoma chuoni hapo ni marais wa US George W. Bush, John F. Kennedy, Franklin D. Roosevelt, Barack Obama na mkewe Michelle. Lakini pia wamesoma rais wa Liberia Ellen Johnson Sirleaf, mmiliki wa facebook Mark Zuckerberg na mmiliki wa microsoft na bilionea Bill Gates.
 
Chuo hiki chenye eneo la zaidi ya ekari 209 kina mageti 25 yanayowawezesha zaidi ya wanafunzi 21,000 kutoka na kuingia chuoni hapo. Kuna geti moja linaitwa Johnson, hili ndilo geti pekee ambalo linafungwa kwa mwaka, yaani halifunguliwi kwa mwaka mzima.

Hii ni kwa sababu ya imani za ushirikina kwamba wakati pekee mtu anapaswa kupita kwenye geti la Johnson ni wakati anaanza shule kwa mara ya kwanza, na atapita tena apohitimu basi, mara nyingine zote atapita kwenye mageti mengine, kwahiyo kwa mwaka hufunguliwa mara mbili pekee, first year wanapoingia, na wahitimu wanapotoka tuu, sheria hii haijawahi kuvunjwa miaka mingi.
 
Ndani ya chuo kuna sanamu ya John Havard aliyejitolea kukifadhiri chuo hiki wakati kinaanza kabla hajafariki mwaka 1639, Inaelezwa kuwa ikiwa mwanachuo atagusa vidole vya miguuni vya sanamu hii basi mwenendo wa tabia zake ubadirika na hata baadae kufukuzwa chuo kutokana na tabia hizo.

Ushahidi unaonyesha kuwa miaka ya zamani kulikuwa kunatokea sana hali za wanafunzi kubadirika kitabia chuoni hapo baada ya kuchezea vidole vya miguu katika sanamu ya hii John, kwasasa imekuwa kama utaratibu kila mtu kulizingatia hilo.
 
Katika makumbusho ya chuo kikuu cha Harvard kuna viungo vya mwili vilizochukuliwa kutoka kwa wanadamu 22,000, haijulikani ilikuwa ni lini na viungo hivyo vya miili ya binadamu vipo humo kwaajili gani japo Inaelezwa kuwa ni kwaajili ya masomo. Hata magamba ya vitabu vingi chuoni hapo yametengenezwa kwa ngozi za binadamu.
 
December 1929 wafanyakazi wote katika maktaba ya Widener chuoni hapo walifukuzwa kazi na rais wa chuo hicho Abbott Lowell, wiki tatu baadae ilijulikana kuwa rais alikuwa amechanganyikiwa akili baada ya kutokewa na vizuka vitatu usiku vikimuamuru awafute kazi wafanyakazi hao waliokuwa wanawake. Maktaba hii pekee ina zaidi ya vitabu milioni 3.5, na kuna maktaba nyingi hapo.

Lowell alikuwa rais wa chuo hicho toka mwaka 1909 hadi mwaka 1933.

Maktaba hii inaitwa Widener kwa heshima ya watu wawili, moja ni Harry Widener aliyesoma chuoni hapo mwaka 1907 kabla ya kufariki katika ajali ta meli ya Titanic mwaka 1912 akiwa na baba yake, na pili ni mama yake Eleanor Widener ambaye alikuwa mmoja wa wahisani wakubwa kufanikisha ujenzi wa maktaba hiyo mwaka 1915 kama kumbukumbu kwa mwanae na mumewe.
 
Mwaka 2015 rais wa chuo hicho Drew Faust aliripoti kuwa katika uchunguzi uliofanywa mwaka huo, karibu theluthi ya wanawake wote wa shahada ya kwanza walikuwa wanapata unyanyasaji wa kingono tangu walipoanza chuo. Zaidi ya robo tatu ya mashambulio hayo ya mwili yanadaiwa kufanywa katika vyumba vya mabweni.
 
Kama ilivyo Tanzania tuna bodi ya mikopo kwaajili ya wanafunzi wa elimu ya juu vyuo vyote nchini, lakini huko Harvard chuo chenyewe ndio kina hiyo bodi, yaani unapewa mkopo hapo hapo chuo, lakini Inaelezwa kuwa ni mikopo yenye riba kubwa inayokifaidisha sana chuo kiasi kwamba kinaweza kuhudumia wanafunzi hata kama hawatalipa ada kwa miaka kadhaa.
 
Wanafunzi waliosoma miaka ya 1940 hadi 1970 walikuwa wakikutana na zoezi la upigwaji wa picha za utupu chuoni hapo zilizosemekana kuwa ilikuwa ni kwaajili wa utafiti kuhusu namna miili ya binadamu inavyotofautiana, mmoja wa wanafunzi wenye picha za utupu chuoni hapo ni rais George W. Bush wakati anasoma.
 
You must log in or register to reply here.

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register