Hapa kwetu ni mbwembwe nyingi wakati ni magalasa matupuJapo ninaamini walinzi walikuwepo tena ulinzi mkubwa.
Lakini hoja yangu ni hii :
Jana kule Marekani mara baada ya fainali ya kombe la Dunia kwa vilabu wakati Chelsea wanakabidhiwa kombe , Rais wa Marekani Mhe Donald Trump alijumuika nao pamoja na Rais wa Fifa pale uwanjani .
Kilichonishangaza ni pale uwanjani ambapo Trump alijumuika na Chelsea wakati wananyanyua kombe juu na kushangilia, pia uwanja ulikuwa na watu wengi sana lakini sikuona walinzi wa Trump hata mmoja akiwa amemkaribia pale uwanjani.
Tofauti na huku kwetu Africa ambapo huwa tunaona kila sehemu Rais lazima azungukwe na wanajeshi wenye Magwanda na mitutu mizito na wengine wakiwa wamevaa suti. Pia wakati Trump amekaa jukwaani sikuona wanajeshi hata mmoja wala walinzi na mituti wakiwa wanawaangalia watazamaji.
Najuwa wenzetu wazungu wapo mbali sana katika teknolojia ndio maana huwezi kuona ulinzi manually kama Africa. Natamani sana na huku kwetu wana usalama wetu wajengewe uwezo zaidi katika vifaa vya kisasa.
Hii itasaidia pia kupunguza muingiliano katika shughuli za viongozi wetu kwani mara nyingi katika hadhira unakuta wananchi badala ya kumfuatilia Rais anachofanya au kuongea unakuta wananchi wanashangaa wanajeshi wenye mitutu.
Bila shaka wenzetu hili walishaliona na ndio maana kila ziara ya Kiongozi mkuu unakuta hakuna taswira nyingine ya kumvuta mtazamaji au msikilizaji zaidi ya Rais au Kiongozi aliyepo.
Ila Kiongozi anapofanya ziara kwenye maeneo ya vita au usalama mdogo ni kawaida kukuta majeshi na mitutu .
Tukio la.jana kule Marekani lilinifikirisha sana nikiangalia huku kwetu Africa kama Rwanda, Uganda na kwa kiasi kidogo hapa kwetu. Japo hapa kwetu ilianzia kipindi cha JPM