Naandika hapa nikiwa na maumivu binafsi juu ya clip ya wakili Peter Madeleka. Sipingani na hoja alizotoa kwa sababu nyingi zina mashiko na mjadala aliouibua unatija kwa haki jinai Tanzania.
Kilichonisukuma kuandika ni baada yakumsikiliza akitamka haki kwenye vyombo vya habari akijitapa kwamba ameonewa na kubambikiwa kesi. Sikatai yaweza kuwa ni kweli alibambikiwa kesi ila yeye mwenyewe angeanza kujiuliza amedhulumu haki ngapi za watu akiwa polisi.
Mimi Ni. Muhanga wa matendo ya rushwa na ukatili aliyofanya huyu mtoto kipindi akiwa polisi. Rafiki yetu alisingiziwa kesi. Huyu bwana kipindi hicho ni askari Polisi akawa anachunguza shauri lile. Jambo la Kwanza alilolifanya ni kinyume na hotuba yake alikataa kutoa dhamana kwa huyo ndugu yetu baada ya mlalamikaji kuwalipa fedha. Ndugu yangu yule alikaa maabusu karibu siku tano uchunguzi unaendelea. Leo hii anakuja kulalamika kuwekwa mahabusu siku kumi na moja, kwanini yeye alipokuwa na dhamana yakutoa amri apendavyo hakuzingatia kumfikisha mahakamani mtuhumiwa ndani ya saa ishirini na nne?
Hoja ya pili anasema mtuhumiwa apaswi kupelekwa mahakamani kama ushahidi bado, wewe Peter wewe leo ndio umeyajua haya?Au baada yakuwa wakili ndo umejifunza haya?
Kwanini ulipokuwa polisi ukuyatekeleza haya? Au hizo sheria umezisoma gerezani? Ndugu yangu kesi yake ilichukua mwaka na miezi miwili ninyi wapelelezi mkisema ushahidi haujakamilika na bado kesi yenyewe mlikuja kuloose interest after a lot of suffering. Nikukumbushe tu hata dhamana haukutoa bure, ninyi mlihitaji fedha. Usafi wako upo wapi?
Unatuambia mke wako amefukuzwa kazi na watoto wanateseka,pole ila kumbuka namna ambavyo ulidhulumu haki za watu. Yamkini baadhi ya wateja wako kipindi kile waliacha kusomesha wakakulipa ujira wa mwea ili kesi zao ziishe mikononi mwako. Hao watoto ambao hawakusoma kipindi hicho kwa sababu yenu yakupokea rushwa Wana tofauti gani na watoto wako?
Unapotaka Rais akusikilize nenda na mikono salama na safi si unaenda na mikono michafu. Umetoka huko na sijui lini umeanza kujitegemea lakini naamini Mali na vitu ulivyo navyo vinadhuluma ndani yake hivyo nikuombe wewe na wasomi wengine wa Tanzania. Ninyi ndio mmeliaribu Taifa, mngesimama katika haki kwa nyadhifa zenu ndogo mlizokuwa nazo wakubwa zenu wangebadilika lakini mnatenda maovu mkiwa kwenye uniform mkirudishwa uraiani mnaanza kulia lia kutaka haki. Mmetutesa sana badilikeni.
Nawaonea huruma kwa mliyopitia lakini niombe Mhe. Rais kwa watu kama Peter na kwa mwaka mmoja na kitu tuliosota kutafuta haki mikononi mwake akigoma na kujibu shit sidhani kama anayo mikono safi yakuleta hoja ukaifanyia maamuzi chuja sana. The guy is more than arrogant, much know na dharau nyingi lazima tuseme ukweli watu wabadilike. Tusipowasema na kuwakanya ndio Hawa wanapata madaraka wanatuumiza then wakipata shida wanarudi kulia lia.
Kwa vyombo vya habari, fanyeni uchunguzi kuhusu watu kama wakina Peter, iambieni jamii ukweli ili kuwafunga mdomo watu wengine wanaolia kwa ajili ya familia zao badala yakulia kwa ajili ya Taifa. Msipofundisha adabu wakina Peter tutasikitika nao Leo ila kesho wakipata madaraka watatufanya kibaya zaidi ya walichofanywa. Hawa wavaa suti si watu wakuamini wanatumia elimu zao vibaya omba usikutane nao kwenye kutafuta haki utajuta.
Leo huyu mtu ukimuuliza kesi ngapi amewahi kusaidia mtu sidhani kama utapata, the guy is after money...
Pole Peter ila tambua uliutia uchungu moyo wangu na moyo wa familia yetu ukiwa polisi ukitimiza majibu kinyume kabisa na kanuni za jeshi hilo. Omba radhi safisha mabaya ndipo ujitokeze kukemea maovu. Usitumie vyombo vya habari kama kinga yakutokusemwa, ulikosea ukatudhulumu lazima tukuseme ujifunze kuheahimu watu.
Kila la kheri wewe na familia yako.
