DOKEZO Wanafunzi Shule ya Misingi Kitonga (Dar) wanaenda na viroba shuleni kwa ajili ya kukalia kama mbadala wa dawati

[kamwamu]

Kutokana na uhaba wa madarasa pamoja na madawati, Wanafunzi Shule ya Misingi Kitonga iliyopo katika Halmashauri ya Jiji la Dar es Salaam (Ilala) wamekuwa wakilazimika kwenda na viroba shuleni kwa ajili ya kukalia.

Kuna kipindi 'member' mmoja alileta uzi hapa jukwaani kuhusu miundombinu ya Shule hiyo kuhusu uhaba wa walimu na vyumba vya madarasa, baada ya hapo tulishuhudia ujenzi wa madarasa matatu mapya licha ya kwamba hayajakamilika vyema.

Hoja ya awali - Shule ya Msingi Kitonga (Dar) ina Wanafunzi 4,000, Walimu 14, Madarasa 13

View attachment 3290975
View attachment 3290976​

Hata hivyo licha ya kujengwa kwa madasa hayo lakini bado hali ni tete ambapo Wanafunzi wanalazimika kuja na viroba kwa ajili ya kukalia jambo ambalo sio rafiki.

Darasa moja unakuta lina Wanafunzi zaidi 600 ambao wanatumia madarasa mawili. Kwa mazingira hayo Mwanafunzi anatoboaje? Walimu wetu kwenye Shule hiyo wanawezaje kumudu hali hiyo?

Kuna wakati kulikuwepo na tetesi kwamba mamlaka zinapanga kujenga Shule nyingine kwa ajili kuwagawa Wanafunzi ili kupunguza idadi kubwa iliyopo sasa, lakini hadi sasa hatujasikia kauli rasmi kuhusu jambo hilo, hatujaliona katika uhalisia japo endapo likitekelezwa linaweza kuwa msaada zaidi.

Nitoe wito kwa mamlaka hususani TAMISEMI kufuatilia changamoto hii ili kuona namna bora ya kuitatua, ambapo itakuwa vyema ikajengwa Shule nyingine katika mwambao huo ili kupunguza msongamano wa Wanafunzi ambao unapelekea uhaba wa miundombinu hali ambayo inawafanya wakae chini.

View attachment 3290977
View attachment 3290978​

Sanjari na hilo Wanafunzi wengi wamekuwa wakipata changamoto kufika shuleni hasa kipindi cha mvua ikiwa ni kutokana na miundombinu mibovu ya barabara inayotumika kuelekea kwenye Shule hiyo.

View attachment 3290985
View attachment 3291125​

Na hapo bado mama anaupiga mwingi. Hiyo shule ipo ilala ambako ndipo iko ikulu (nikikosea mnisahihishe). Mikoani kukoje? Hela zipo, ufisadi ndio tatizo. Kama waziri mmoja inaweza daiwa ana fedha kuzidi budget ya wizara, kama inadaiwa waziri mmoja anaweza kununua mabasi 200 ya UTONG kwa kampuni ya mke wake, kama inadaiwa kiongozi mmoja anaweza kusambaza pikipiki zaidi ya arobaini kwa kila mkoa, nk nk, ni pesa ipi itabaki kwa maendeleo?

 

[kamwamu]

Huku kuna Yule mwehu ya tabora yeye ananunua ushindi tabora FC Kwa 60milions

Unajiuliza huyu ana akili kweli??

Takukuru ipo Tabora, haijawahi kuuliza huyu rc kifungu gani anakitumia kupata hiyo 60m.

 

[KyemanaMugaza]

Hapo ni Dar eSalaam je mikoani hali ipoje?

Hata Dar napo ni mkoani

 

[residentura]

Wewe ni mmojawapo ya wazazi wale wanaowaambia watoto wao wakatafute chochote kitu ili wachangie mkao wa mezani!

Serikali imeshindwa jukumu lake kama mzazi anayeshindwa jukumu lake kwa mwanaye.

Hapo ni kuongea na wazazi vizuri Kila mzazi mtoto anaporipoti shule darasa la kwanza aje na kiti kizuri
Shule inawapa sample nzuri yenye kudumu wazazi wanatengeneza Kisha mtoto anapanda nacho hadi darasa la sita akiondoka anakiacha shule baada ya mda shule inakuwa na viti vya kutosha
Akienda sec same project hii itaondoa tatizo kabisa la madawati katika shule zenye shida hiyo

 

[kawombe]

Fisiem ni fisiem TU
KAZI ni kipimo cha utu

 

[Mashamba Makubwa Nalima]

Mkijichanga mkasaidie mnaletewa noma wakidhani mnataka kugombea hilo eneo.